Ester 2:18 - DAWAN BÎLA AISKA

¹⁸ Bara naha ningkara king pata tara daukan, Ester ra kulkanka yaia dukiara, ai warkka uplika sut bara ai kingka lâka ra wark dadaukra nani sut ba paiwi muni. Ai tawanka ra lal mana nani ba sin alahban king ai tasbaya nani aiska ra, bara sin diara nani ba mana luha yabi kan, ai kupia brinka ba kat.

Ester 2:18 ပူးပေါင်းရင်းမြစ်များ

Blasi Sturka 29:22

Bara Labán lilia pata kum dauki, bara ai uplika nani ba sut paiwan baha pata tara ba piaia.

Nihimaya 8:11

Bara Libait nani aisin, upla nani ba ai bîla prakbia, bara karna aisin witin nani sâp takbia, inbia apia, yua na Dawan yua bâk sakan bamna.

Ester 1:7

Bara diaia kapka nani ba gul ni daukan kan, kapka nani ba sât sât kan, kumi wala ba wal, bara wain ba pura lui laiwi kan, dîa king ai brinka kan ba kat dauki kan.

Ester 9:22

Ju nani ai waihla nani wina kupia kumi lâka brin yua kulkaia, baha katka ba kupia wirha katka kan, bara âuyapah yua daukan kabia; baku sin baha yua ba upla bani ai lamara iwi nani ra diara pana pana bliki kabia, ba purkara sin umpira nani ra diara mana luha yabi kabia.

Yamni Kulki Lawana 3:11

Saion mairka nani, ¡king Salaman aula ba, taki kaiks! Ai kraunka ai lal ra mangki aula, baha lika ai yaptika mita dauki yan ba, witin ai maya wal marit takan ba yua dukiara, baha yua kau lilia ba, ai rayaka sut ra.

Yamni Kulki Lawana 5:1

Giadinki ra pat bal dimri sa, laikra lupia, wal kut taki mairka, sîka mâka kîa painkira bara isint kîa auhni nani brisna ba pat briri sa, nasmiki laya ba pat dabi kaikri sa, wainki laya bara bîpki tialka laya sin pat diri. Pâinika nani, pi banhs bara sin di banhs, nahki din mai dauki ba kat dis.

Matiu 22:2

“Gâd king aimaki lâka ba lika king kum ai luhpia waitna marit takan bara lilia tara kum daukan ba baku sa.

Mark 6:21

Sakuna Herodías sans pain kum brin, baha sika king Herod ai aisubanka yua dukiara lilia tara daukaia, plun tara sin daukaia, wihta tara nani, kiaptin nani, Galili uplika tara kulkan nani ba aikuki piaia.

Luk 14:8

—Ani piua upla kum marit pata liliaka ra mai paiwbia kaka, tâ iwaika ra iwpara, kan bâra ban kra upla kum man wal kau tara kulkan ba balbia ba ra,

Param Marikanka 11:10

Tasba ra iwi uplika nani ba naha wâl pruan na dukiara lilia baman kabia. Witin nani lilia tara dauki, pana pana ai walka ra prisant blîkbia; kan baha witniska wâl Gâd dahra aisi nani kan ba mita, witin nani ra uya rausauhki kan bamna.

Param Marikanka 19:9

Bara insal ba mita ai wisata: “Naha na uls: ‘Lilia pali sa Sîp Luhpia marit takan lilia ra paiwan nani ba.’ ” Insal ba mita kau ai win: “Naha nani lika Gâd bîla kasak lâka sa.”

1 Samuil 25:8

Albikam nani ra makabi walaia sip sma, witin nani bui kasakka ba mai wibia. Bahamna yang bui man ra makabisni, nanara man wiria luki kaikma naha wahma nani dukiara, piua yamni ra witin nani man ra balan sa, bara yawan ra diara wankma man mihtam ra brisma ba wina, witin nani ai dukia, yang duki sin, kan yang na man luhpiam kum baku sna.”