Ester 2:15 - DAWAN BÎLA AISKA

¹⁵ Bara Ester, Mardoqueo rapika, Abihail luhpia mairin ba, witin mita ai luhpia baku pakata ba, witin ba king mawanra balaia yua aimakan ba ra, diara kumi sin brih waia lukras kan. Sakuna dîa Hegai win kan ba kat brih wan; bara baha nani Ester ra kaikan nani ba sut, witin ra pain pali lukan.

Ester 2:15 ပူးပေါင်းရင်းမြစ်များ

Ester 2:14

Bara naha mairka tiara nani ba tutni bani, king watla ra blikan, wih bâra yapi kan; bara yapi lalawan titan ra, baha wina taki mairin nani watla wala ra wih takaski kan, king uplika kulkanka bri waitnika Saasgaz mihta ra, witin sika king lilika mairin nani aihwaki kaiki kan, bara ani tiarika king wal prawi taki wi kan nani ba, kli king watla ra tawi waras kan, sakuna king mita winbia kaka lika sip kan kli tawi balaia.

Ester 2:16

Bamna Ester ba brih wan king Asuero watla ra, kati 10 Tébet katka ra; baha yua ra king ba pat mani 7 king aimaki kan.

Ester 2:3

Bara king mita upla nani tawan bani ra mangkbia, bara mairin wîna daukra painkira nani ba brih balbia. Mairin nani watla, Susa kan kahbaika pliska bri ba ra king bri bara ningkara Hegai, king bui kulkanka bri waitnika ba mihta ra mangkbia, witin sika mairin nani pura kakaira ba. Bara Hegai mita mairka nani ba ra aiskahkaia dukia nani yabia,

Ester 8:1

Sim yua ra king Asuero, Amán watla kata ba kwin mairin Ester ra yaban, witin sika Ju nani waihla kata ba. Bara ningkara, Mardoqueo ba king lamara balan, kan Ester mita pat king ra win kan Mardoqueo ba ai lakra sa.

Ester 9:29

Bara kwin mairin Ester, Abihail luhpia mairin wihki Mardoqueo Ju waitna ba wal wauhtaya wala ulban, karnika aiska ba wal, Purim lâka takan ba kau karnika yaia dukiara.

Sins Lâka 15:33

Dawan ba kulkanka yabaia ba lika, sins lâka tânka wan smalkisa; kulkanka tara briaia kaka, tâura bawan lâka bri kaia sa.

Yamni Kulki Lawana 6:9

Sakuna kumi baman sa, yang butkuki mairin lupia ba kumi baman sa, luhpia mairin kau wantkira sna, yaptika unhsakka tâura baikan ba. Mairin tiara nani, witin ba kaikuya ba ra, yamni pali wisa, kwin mairin nani bara king lilika nani ba sin witinka ra mayunisa.

Yamni Kulki Lawana 8:10

Yang na kutbanka kum baku sna, tiailka nani ba sin tawerka nani baku sa. Baha mita, witin nakra ra yang lilia lâka pat sakri.

Apastil Nani Sturka 7:10

Bamna Gâd mita trabil nani sut wina swaki saki kan, sins lâka ba yan, ban sin Idsip kingka fero mita yamni kaikaia ba sin. Bara Josep lika Idsip wihtka tara mangkan, bara king fero dukia aiska wihtka sin.