Esdras 8:31 - DAWAN BÎLA AISKA

³¹ Kati pas yua 12 ra, yang nani Ahavá tingnika wina taki banhri, Jerusalem ra waia. Wan Gâdka wan tâ baikan yabal ra wan waihla nani bara rausasauhkra nani mihta wina swaki wan sakan.

Esdras 8:31 ပူးပေါင်းရင်းမြစ်များ

Esdras 7:28

Bara Dawan bui ai kupia swapnika lâka ba yang ra sin mairikan king ba mawanra, bara ai uplika lâ mariki nani mawanra, lâ dauki uplika tara wala nani mawanra sin, bara kupi lukra bukan karnika sin aikan. Dawanki hilpka karnika ba yang purira kan, baha hilpka wal yang sip katna, Israel luhpia nani kau kulkanka bri nani ba asla daukaia, yang wal balbia dukiara.”

Esdras 8:15

Bara yang Esdras, uplika nani ba sut asla daukri baha Ahavá awala un kat, bara bahara lapta yumhpa takaski banhri. Bara witin nani ba sut laki kaikri, upla nani ba tilara, prîs nani ba tilara, sakuna baha nani tilara Libai luhpia nani kumi sin sakras kapri.

Aiseya 66:14

Man nani baha kaikma, bara kupiam lilia takbia, bara man nani dusam ba kli raya karna takbia twi raya taki pâwi ba baku; bara Dawan mita ai dukia dadaukra ba param marikan kabia, bara ai waihla nani mapara, ai kupia baiwanka ba marikbia.

Apastil Nani Sturka 25:3

Witin nani makaban, witin nani ra pain luki kaka, du pali Pal ba Jerusalem ra bri balbia. Witin nani pat lâ daukan kan Pal ba yabal ra ikaia,

Apastil Nani Sturka 26:22

Sakuna Dawan hilpka ba mita, ban nanara kat bapi buisna, bara sip sna upla sut ra Dawan sturka yamni ba wiaia. Moses bara prapit nani mita dîa takbia aisin ba, diara sât wala kumi sin yang aisaras.