Esdras 7:6 - DAWAN BÎLA AISKA

⁶ Dawan, Israel Gâdka Moses ra lâ yan smalkan lâka ba, Esdras ba kakaira pali kan, baha smasmalkrika ba Dawan wina karnika yabi kan, baha mita witin diara nani king Artajerjes ra makaban ba sut yan. Baku natka ra Esdras ba Babilon wina kli tawi balan

Esdras 7:6 ပူးပေါင်းရင်းမြစ်များ

Blasi Sturka 32:28

—Ninam Jekob ba, ban baku mâki kabia apia. Nanara wina man ninam ba Israel mâkan kabia, kan Gâd wal bara upla wal sin aitwaki man ban pura luram bamna.

Esdras 5:5

Ban sakuna, Ju tâ uplika nani ba Gâd mita kaina kahbi kan bamna, witin nani mita baha warkka nani ba sip takaskras kan, bara baha dukiara king Darío ra ulbi maisa pakan warkka dauki ba, witin dîa wibia ba walaia.

Esdras 6:22

Witin nani brit îs âpu dauki, yu 7 baha yua liliaka ba dauki kan, Dawan mita Persia kingka kupia swapni daukan, bara yaban witin nani ra umpira kaikan, bara sin kau ni tâ baikan, Gâd, Israel Gâdka tempelka mâkan liliaka dauki ba ra.

Esdras 7:21

Bara yang, king Artajerjes, adarki yabisna king lalahka main kaiki nani sut ra, Éufrates awala muna tani ra ba, prîs Esdras Gâd lâka smasmalkra kakaira ba, dîa witin makabia kaka alki takaskras mahka pali yabia.

Esdras 7:28

Bara Dawan bui ai kupia swapnika lâka ba yang ra sin mairikan king ba mawanra, bara ai uplika lâ mariki nani mawanra, lâ dauki uplika tara wala nani mawanra sin, bara kupi lukra bukan karnika sin aikan. Dawanki hilpka karnika ba yang purira kan, baha hilpka wal yang sip katna, Israel luhpia nani kau kulkanka bri nani ba asla daukaia, yang wal balbia dukiara.”

Esdras 7:5

Abisúa, Finees, Eleazar bara Eran, prîs pas pali takan ba.

Esdras 8:1

Naha nina nani na sika, utla bîla bani lalka nani, pamali nani nina ulban wauhkataya ra taki ba, witin nani Babilon wina Esdras aikuki balan ba Artajerjes king aimaki kan piua ra:

Esdras 8:18

Gâd ra tingki, witin mita Serebías ba bri sal wankan, waitna sip pali ba, Libait kum nina Mahli, baha kiamka, bara Serebías luhpia waitna nani, baku sin muihnika nani sin brih balan, sut ba ra 18 upla nani kata.

Esdras 8:22

Yang lika king ra suldiar nani aras uli nani ba makabaia swiri ai dauki kan, witin nani wan waihla nani ba mapara yabal ra wan kaina kahbi wan brih wabia dukiara, kan pat king ra wîri sa, yang nani Gâdki mita ya nani witin ra pliki ba aikuki sa, baku sin Gâd ba lulki swisa bara ai kupia baiwanka nani sin, baha nani uplika witin wina laihura taki nani ba mapara kahbisa.

Esdras 8:31

Kati pas yua 12 ra, yang nani Ahavá tingnika wina taki banhri, Jerusalem ra waia. Wan Gâdka wan tâ baikan yabal ra wan waihla nani bara rausasauhkra nani mihta wina swaki wan sakan.

Nihimaya 12:26

Naha nani sut ba, Joaquim Jasua luhpia waitna, bara Josadac mulika ba yua nani ra bâra kan; bara wihta tara Nihimaya, prîs, Esdras smasmalkra yua nani kat ban bâra kan.

Nihimaya 12:36

baku sin ai muihni nani Semaías, Azarel, Milalai, Guilalai, Maai, Natanael, Juda bara Hananí, witin nani lika Gâd waitnika Debit mayunra daukaia dukia nani bri kan ba brih wan. Bara Esdras smasmalkra ba lika witin nani tâura wapi kan.

Nihimaya 2:12

tihmia ra buri, yang bara waitna wala nani kulki aikuki. Sakuna upla kumi ra sin kau param wiras kapri, Gâd bui yang kupi ra mangkan ba, Jerusalem dukiara yang dîa daukaisna ba. Yang sin diara wala brih waras kapri, biriku uli wari ba baman.

Nihimaya 2:18

Bara yang bui witin nani ra param wîri, nahki Gâd yamnika ba yang purira kan ba, baku sin baha bîla nani king ai win ba sut param wîri. Bara witin nani aisi banhwan: —¡Kaisa yawan mahka baha kutbanka ba kli paskaia! Bara baku witin ani ai lukanka pain wina, pana pana tatukban kupia bukaia.

Nihimaya 2:8

bara wauhtaya wala kum sin ulbi aikbia Asaf ra yaia, witin lika unta ra dus nani pâwi ba king bui yan pura kaiki kan ba, witin tat aikbia tempel kan kahbaika pliska getka nani, utla nani, yang dimaia playka nani ba paskaia dukiara. Bara dîa makabri ba, king baha sut aikan, Gâd kupia yamnika makabri ba yang purira kan ba mita.

Nihimaya 4:15

Bara wan waihla nani ba walan, yang nani ai mapara aiklabaia kapri ba, bara Gâd mita sin witin nani daukaia luki kan ba slingbi sauhkan, bara yang nani sut kli tawi balri taim, kutbanka paskaia warkka bri banhri.

Nihimaya 8:1

Bara upla nani ba sut aidrubi asla takan baha katka pas yua ra, pulaia pliska kum ra, lî watla getka ba lamara. Bara smasmalkra Esdras ra win, Moses ulbanka lâka wauhkataya ba bri balbia, Dawan mita Israel luhpia nani ra yaban ba.

Nihimaya 8:13

Baha yua ba luan ningkara taika bani wihtka nani ba, prîs nani bara Libait nani sin asla taki smasmalkra Esdras ra balan, aikuki lâ wauhkataya tânka ba pliki kaikaia.

Nihimaya 8:4

Bara dus ni plis kum paskan kata, bahara uli lâ aisi kaikaia pliska. Bara smasmalkra Esdras ba, baha pliska ra bûi aisi kaikan. Witin ai aihkika ra Matatías, Sema, Anías, Urías, Hilquías bara Maaseías sin bâra bûi kan. Bara ai smihka tani ra lika Pedaías, Misael, Malquías, Hasum, Hasbadana, Sakaraya bara Mesulam kat bûi kan.

Nihimaya 8:9

Lâ aisi kaiki ba wali upla sut ini kan, Nihimaya wihta tara ba, prîs smasmalkra Esdras sin; bara Libait nani bui lâ tânka param saki aisi kan nani ba mita upla nani sut sari bri ini kan ba ra win baha yua ba holi kulkaia sa, Dawan ai Gâdka yua sa, bamna sari brih inbia apia.

Nihimaya 9:13

“Baha ningkara, Sainai ilka bahna ra bal iwram, bara witin nani wal aisaram laih kasbrika pura ba wina; bara witin nani ra lâ kasak kat daukaia lâka yaram, smalkanka kasak nani, lâ nani bara adar yamni nani ba sut.

Lawana Nani 109:27

bara witin nani kaikbia, man ba Dawan sma, naha na man mihtam ni daukram sa.

Lawana Nani 45:1

Lukanki na bîla painkira aisaia ni banhwan sa; twisi ba âiulbra pain kum pinsilka baku sa. King mawanra, mayuni aisi bîla nani aisaisna.

Lawana Nani 80:18

bara yang nani kli man wina ilihwi takamna apia. ¡Rayaka wanki bas, bara yang nani lika man ra man puri suni kamni!

Sins Lâka 3:6

Diara daukisma nani sut ra, Dawan ba tâmra bri bas, bara witin mai brih wabia yabal wapni bâk.

Aiseya 50:2

Yang balri piua, ¿dîa muni upla kumi sin âpu kan ba? ¿Yang bal winri bara dîa muni upla kum sin uni kahbras kan ba? ¿Dîa witin nani lukan yang na sip apia sna witin nani pât ra ba wina pri sakaia? ¿Dîa witin nani lukan yang na witin nani ra pri sakaia sip apia sna? Aitani sa yang aisinki kumi ni, kabu ba lâwaia bara awala nani ba tasba lâwan takaia; bara inska nani ba diran bla pruaia bara lî âpu ba mita sukwaia.

Aiseya 59:1

Dawan karnika ba, kau sirpi takras sa, swaki sakaia kat praiska baku, witin sin kiama prawra takras bara wan walras kaia prais kat sa.

Jirimaya 8:8

¿Nahki man nani wiaia sip sma diara tânka brabrira nani sma, Dawan lâka ba sin brisma? ¡Sturi âiulbra nani ba, daiwan tnawa ba buski kunin baman ulban!

Matiu 13:52

Baku bamna, Jisas bila: —Lâ Smasmalkra kum kasbrika purara ba kingka aimaki ba lâka tânka ba pain lan takuya ba ra, kiaptin kum baku sa; witinka ai yuyaka nani wina diara raya nani bara almuk nani sin sakaia ba pain kaikisa.

Matiu 23:2

“Lâ Smasmalkra nani bara parisi nani sin Moses lâka tânka pliki marikaia karnika brisa.

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

1 Korint 1:20

Baku bamna, ¿anira sa sins lâka kakaira ba, bara smasmalkra ba, bara baha nani naha tasba dukia nani ra blahwi aisaia lan ba? ¡Gâd mita bahki lakan sa naha tasba sinska lâka ba!

1 Korint 15:1

Bara nanara, muihki nani, yang want sna swaki sakan sturka man nani ra mai smalkri ba, kupiam krauki kama. Baha smalkanka sika brisatma ba bara bahara bapi buisma.

Kli Smalkanka 28:1

“Man nani Dawan Gâdkam bîla wali daukma kaka, bara ai lâka nani naiwa yang maikri yaba kat trai munma kaka, Dawan mita tawan wala nani purkara mai bukan kabia.

Kli Smalkanka 4:5

Yang lâ nani bara lâ daukaia ba mai smalkri Dawan Gâdki wina aikan ba. Ani kuntrika ra dimma ba, bahara smalki kaia.