Esdras 7:12 - DAWAN BÎLA AISKA

¹² “King Artajerjes bui Esdras ra lakula daukisa, prîs smasmalkra Gâd kasbrika purara bâra ba lâka kakaira ba.

Esdras 7:12 ပူးပေါင်းရင်းမြစ်များ

1 King Nani 20:1

Bara Ben-hadad Siria kingka ba war aiklaklabra nani asla daukan, bara king wala nani 32 aikuki ai uplika takan, aras nani wagin kira, bara Sameria ra wih kutban; baha wina aiklaban bara pura luan.

1 King Nani 4:24

Bara witin lika Éufrates tasbaya muna tani aiska tâ aimaki kan, Tífsah wina ban Gaza kat, bara naha tasbaya kingka nani sut purara, bara ai tnaya aiska kir kupia kumi bri kan.

Esdras 1:2

“Ciro, Persia kingka ba, naku wisa: Dawan, kasbrika nani laih purara ba Gâdka, witin mita naha kingka tasbaya aiska sut ba yang mihti ra mangkan sa, bara Jerusalem ra tempel watla kum mâkamna ai win, baha lika Juda tasbaya ra ba.

Esdras 4:17

Bara Artajerjes pana naha bîla na witin nani ra blikan: “Kamandanti Rehúm ra, Simsai wauhtaya âiulbra ra, bara Sameria uplika nani sut Éufrates awala muna tani ra iwi nani sma ba: laikula mai blikisna. “Wauhkataya yang ra bliki banhram ba bîla laki ulbanka ba,

Esdras 7:1

Mani nani luan ba ningkara, Persia kingka Artajerjes king aimaki kan yua nani ra, waitna kumi bâra kan ai nina Esdras, witin sika naha uplika nani kiamka wina kan: Seraías, Azarías, Hilquías,

Esdras 7:11

Naha sika wauhkataya ulbanka kan ba wina, wala sim sât ulbanka kum, king Artajerjes wina prîs Esdras ra yaban ba; witin ba âiulbra kan, bara Dawan lâka nani sut Israel ra ulbi yaban lâka nani ba daukaia tânka ba sin brabrira pali kan:

Esdras 7:6

Dawan, Israel Gâdka Moses ra lâ yan smalkan lâka ba, Esdras ba kakaira pali kan, baha smasmalkrika ba Dawan wina karnika yabi kan, baha mita witin diara nani king Artajerjes ra makaban ba sut yan. Baku natka ra Esdras ba Babilon wina kli tawi balan

Aiseya 10:8

Aisisa: ‘King nani sut ba, yang adarki ra wihta aimakisa.

Isikiel 26:7

“Yang Dawan sna ba, aisisni: Yahbra wina yabrika balbia Nabucodonosor ba, Babilon kingka; king kau karnakira ba, Tiro purara kauhan kabia dukiara. Aras nani wal balbia, wagin nani, bara aras ra âiulra nani balan kabia, baku sin suldiar daknika ailal kira aikuki balbia.

Daniel 2:37

Man king tara king nani sut purkara, king tara sma, Gâd kasbrika purara ba mita naha king kaia lâka ba maikan sa, karnika, sip kaia lâka, mayunra ba sin,

Daniel 2:47

Baha ningkara, Daniel ra aisin: —Kasak pali, man nani Gâdkam ba kanra tara sa, gâd wala nani sut ba wal; king nani sut Dawanka sa, witin mita dahra prakan ba param ra sakisa, bamna man sip sma naha dahra prakan ba param ra sakaia.

1 Timoti 6:15

Baha piua ba aimakbia ba ra, Gâd mita naha na daukbia, kan witin baman sika Gâd kumi baman ba, yamnikira bara karnikira, king nani Kingka, bara dawan nani Dawanka ba.

Param Marikanka 17:14

Witin nani Sîp Luhpia ba mapara aiklabi kabia, sakuna Sîp Luhpia ba witin nani pura lubia; kan witin ba Dawan nani dawanka sa, King nani kingka sin, bara witin wal nani ba lika, Gâd mita paiwan sa bara wahbi sakan sa, bara kasak sin banhwisa.”

Param Marikanka 19:16

Ai kwalka ra bara ai kuhma purara naha nina ulban kan: “King nani Kingka bara dawan nani Dawanka.”