Esdras 6:15 - DAWAN BÎLA AISKA

¹⁵ Bara tempel watla ba mâki danh takan, Adar katka yu yumhpa ra, king Darío ba pat 6 mani king lâka ra aimaki kan piua ra.

Esdras 6:15 ပူးပေါင်းရင်းမြစ်များ

1 King Nani 8:63

Baku ba ra king Salaman, kumi wal kli uplika takaia sakripais Dawan ra daukaia dukiara, bîp bul nani 22,000 bara sîp nani 120,000 yan kata. Naku sika king bara Israel luhpia nani sut wal aikuki, utla ba Dawan mihta ra mangkan.

Esdras 4:24

Bara baku, Jerusalem ra Gâd tempelka mâki kan ba takaskan. Bara bîla kaikan Darío Persia kingka mani wâl aimakan ba kat.

Esdras 5:16

Bara baku Sesbasar wan, bara Gâd tempelka playka nani ba kli bapan Jerusalem ra, bara baha yua wina kli nanara kat mâkisa, sakuna kau danh apia sa.

Esdras 9:9

Yang nani alba nani sna sakuna, taiban bara alba lâka tilara ban wan lulki wan swiras sma; man daukram Persia kingka nani kupia pihni lâka ra yang nani ra tniwan, baku sin rayaki aikram man tempelkam ba kli bukaia, baha sauhki tikan ba tila wina. ¡Man sin wan kaina kahbram Juda ra bara Jerusalem ra sin!

Ester 3:13

Bara wauhtaya nani ailal blikan wan wauhtaya twatwilkra nani ba wal, king tasbaya nani aiska ra, Ju nani almuk tuktan, mairin bara wahma nani ba sut iki tikaia bara diara bri ba sut witin nani dawanka takbia. Baha yua mangkan ba lika, kati 12, yua 13 ra kabia.

Ester 3:7

Kati pas, mani tâura, apia kaka Nisán katka ba, king Asuero ba king aimakan wina 12 mani bri kan; bara lat lulki kaikan Amán mawanra, baha lika dîa yua bara katka kauhbia sapa ai warkka ba daukaia; bara takan ba sika, yua 13, kati 12 ra, wibia sa kaka, Adar katka ra.

Ester 8:12

King Asuero tasba aiska ra naha daukanka ba yu kumi blikan daukaia kan, baha yua ba bâk sakan kata, Adar katka ra, yua 13 ra, kati 12 nani alkan ba ra.

Ester 9:1

Yua 13, kati 12 ra, Adar katka mâki ba ra, king adarka ba aimakaia kata; baha yua pali ba sika Ju nani wailhka ba aihwaki kan, Ju nani ba iki, âpu tiki, dukia kukanka nani ba ai dukia briaia, ban sakuna lâka kata aikarwi tawan. Bara pana Ju nani mita witin nani ra misbara kaiki kan uplika nani ra, taibi pura luan bara ai dukia kukan nani kan ba, nanara witin nani sika dawanka takan.

Ester 9:15

Bara Ju nani Susa ra kan ba, kli asla takan, yua 14 Adar katka ra, bara Susa ra upla nani 300 ikan, sakuna diara kukanka bri nani ba ra lika kangbras kan.

Ester 9:17

Yua 14 ba ris bri banhwan, pata tara dauki bara lilia sin bri banhwan.

Ester 9:19

Bahamna, Ju nani tawan sirpi nani ra, kau tawanka kutbras iwi kan nani ba lika, Adar kati yua 14 ra, lilia tara brin, pana pana prisant yaban.

Ester 9:21

Bara adar yaban, Adar katka bani yua 14 ra, 15 mani bani, lilia tara dauki kaia.

Sakaraya 1:1

Darío mani kumi king aimakan ba ningkara, kati matlalkahbi pura wâl aimakan ba ra, Dawan mita naha bîla nani prapit Sakaraya ra aisin. Sakaraya, Berequías luhpia, ai damika nina Idó. Witin ra naku win:

Sakaraya 1:16

Bahamna, yang Dawan sna ba, naku aisisna: Yang kupi pihni lâka wal Jerusalem ra kli tawi kaikuna; bara tempel bara tawan aiska ba sin kli paski daukamna.’ ”

Sakaraya 4:9

“Zorobabel mita naha tempelka playka nani ba bapan sa, bamna witin mita aiska mâki daukbia.” Baku man nani damra walma, karnika sut bri Dawanka ai blikan ba.