Esdras 6:14 - DAWAN BÎLA AISKA

¹⁴ Bara baku, Ju nani tâ uplika ba wark tara ba ban dauki ai kainara brih waia sip kan, prapit nani Hageo bara Sakaraya aisan ba kat, witinka na Idó luhpia kan ba. Baku bamna, Israel Gâdka win ba kat paskan, Persia kingka ba adar win kan ba kat sim katka ra.

Esdras 6:14 ပူးပေါင်းရင်းမြစ်များ

Esdras 3:8

Zorobabel, Salatiel luhpia waitna ba, bara Jasua, Josadac luhpia waitna, witin nani ai pânika prîs nani wal asla ba ra, Libait nani ba aikuki, baku sin kangbi sakan kan kli tawi balan uplika nani sut kira asla pali, mahka kli tempel ba paskaia warkka tâ krikan, naha lika kli Jerusalem ra balan piua wina mani wâl pura kati wâl ra tâ krikan, bara Libait nani 20 mani bri ba wina ai purara uplika nani ba mihta ra mangkan, Gâd tempelka mâkaia warkka ba.

Esdras 4:24

Bara baku, Jerusalem ra Gâd tempelka mâki kan ba takaskan. Bara bîla kaikan Darío Persia kingka mani wâl aimakan ba kat.

Esdras 4:3

Bara Zorobabel, Jasua bara Israel aisika nani bui pana naku win: —Aitani apia kabia yang nani na man nani wal Gâdki watla ba mâkaia, kan Persia kingka Ciro bui ai blikan, yang nani yakan naha na mâkaia, Israel Gâdka watla ba.

Esdras 5:1

Prapit nani wâl bâra kan, Hageo bara Sakaraya, Idó luhpia ba, witin nani Dawan Israel Gâdka mita aisin dahra ba Ju nani Juda bara Jerusalem ra iwi nani ra win.

Esdras 5:13

Baha ningkara Ciro Babilon kingka aimakan yua ra, witin mita adar wankan Gâd tempelka na kli mâkaia.

Esdras 5:2

Bara Zorobabel, Salatiel luhpia ba, bara Jasua, Josadac luhpia ba sin asla taki, bûi banhwan bara Gâd tempelka Jerusalem ra ba kli mâki banhwata. Bara witin nani aikuki kan Gâd prapitka nani, bara warkka taki hilp muni kan.

Esdras 6:3

“King Ciro, witin king aimakan pas manka bilara, naha adarka nani yan ulban: ‘Gâd tempelka Jerusalem ra ba dukiara lika: Utla tara playka nani ba bapi, bara kli mahka mâkbia, bahara sakripais dauki kaia dukiara; tempelka ba naku yahpika bri kabia: 90 pît purara, bîla yahpika sin 90 pît;

Esdras 6:8

Naha na yang adarki nani maikisna, naha Ju nani tâ uplika nani ba tâ baikaia sma, witin nani Gâd tempelka ba kli mâkbia mata. Bara Éufrates awala muna tani tasbaya wina lal mana nani king bri ba, baha lalahka ba wina diara nani atki bri ba mana piua kat sut aibapi kabia, baha warkka ba alki takaskbiara.

Esdras 7:1

Mani nani luan ba ningkara, Persia kingka Artajerjes king aimaki kan yua nani ra, waitna kumi bâra kan ai nina Esdras, witin sika naha uplika nani kiamka wina kan: Seraías, Azarías, Hilquías,

Esdras 9:9

Yang nani alba nani sna sakuna, taiban bara alba lâka tilara ban wan lulki wan swiras sma; man daukram Persia kingka nani kupia pihni lâka ra yang nani ra tniwan, baku sin rayaki aikram man tempelkam ba kli bukaia, baha sauhki tikan ba tila wina. ¡Man sin wan kaina kahbram Juda ra bara Jerusalem ra sin!

Nihimaya 6:15

Bamna tawan kutbanka paski danh takan ba Elul katka yua 25 aimakan ra, warkka ba yu 52 ra dauki tnata alkan.

Aiseya 44:28

Ciro ra yang wisna: ‘Man ba yang sepadki kama, man daukma yang dîa daukaia want sna ba sut’; yang bui Jerusalem ra wisna: ‘Man ba kli mai paskan kabia’; Bara tempel ra sin wisna: ‘Man ra playa tara nani kli bapbia.’ ”

Hageo 1:1

Darío mani wâl Persia kingka kan piua ra, kati matlalkahbi, lapta yu kum aimakan ra, Dawan ai prapitka Hageo bâk aisin ai bîla dahra ba; Zorobabel, Salatiel luhpia waitna, Juda tasbaya ra wihta tara aimaki kan ba ra wiaia, prîs tara Jasua, Josadac luhpia ra sin wibia dukiara.

Hageo 1:8

Man nani il nani tilara was, baha wina dus nani klaki bri bal, bara tempel ba kli raya mâki banhs, yang bahara âiyapah taki bâra yang praina ba mamrikamni.

Sakaraya 1:1

Darío mani kumi king aimakan ba ningkara, kati matlalkahbi pura wâl aimakan ba ra, Dawan mita naha bîla nani prapit Sakaraya ra aisin. Sakaraya, Berequías luhpia, ai damika nina Idó. Witin ra naku win:

Sakaraya 1:16

Bahamna, yang Dawan sna ba, naku aisisna: Yang kupi pihni lâka wal Jerusalem ra kli tawi kaikuna; bara tempel bara tawan aiska ba sin kli paski daukamna.’ ”

Sakaraya 4:9

“Zorobabel mita naha tempelka playka nani ba bapan sa, bamna witin mita aiska mâki daukbia.” Baku man nani damra walma, karnika sut bri Dawanka ai blikan ba.

Sakaraya 8:9

Dawan, karnika sut bri ba, naku aisisa: “Man nani, Dawan karnika sut bri ba tempelka kli mâkaia karna bûi bas; naha yua prapit nani dîa aisi ba walan sa, Dawan watla playka nani bapan ba dukiara.