Esdras 6:12 - DAWAN BÎLA AISKA

¹² ¡Bara Gâd Jerusalem ra ai nina bâra kaia wahbi bâk sakan ba bui ani kingka, apia kaka ani nisanka bal Dawan tempelka ba sauhkaia, apia kaka, warkka ba takaskaia trai munbia uplika nani ra, sauhki tikan kabia! Yang, Darío, baha adarka ba yâri sa. Bamna dîa ulbri ba kat daukan kabia.”

Esdras 6:12 ပူးပေါင်းရင်းမြစ်များ

1 King Nani 9:3

bara Dawan bui win: “Yang puram sunra bara makabankam daukram ba sut walri. Yang bui naha tempel daukram na yamnika yâri sa, bahara yang nini ba swiaia ban kaia ra. Bara naha watla ba, yang piu sut main kaiki kamna bara yang sin bâra kamni.

2 Kronikas 7:16

kan naiwa wina bâk saki briri, bara naha watla ba holikira sa, nini ba ban kaia ra bâra kabia, bara naikra nani bara kupi sin bâra kabia ban kaia ra.

Esdras 6:13

Bara baku wihta tara Tatenai, Setar-boznai bara ai pânika nani sut aikuki, Éufrates awala muna tani ra iwi banhwi kan ba, dîa king Darío win kan ba kat daukan.

Esdras 6:14

Bara baku, Ju nani tâ uplika ba wark tara ba ban dauki ai kainara brih waia sip kan, prapit nani Hageo bara Sakaraya aisan ba kat, witinka na Idó luhpia kan ba. Baku bamna, Israel Gâdka win ba kat paskan, Persia kingka ba adar win kan ba kat sim katka ra.

Esdras 7:15

Bara king ai uplika nani aikuki, gul bara silbar nani Israel Gâdka ra ai prisantka yaban ba sin brih was, witin ai tempelka ba Jerusalem ra sa,

Esdras 7:17

Bara baha lalahka ba ni, tânkira man nani atkma, bîp wainhka nani, sîp wainhka bara mairin nani, baku sin plun bara wain nani sin atkma; baha dukia nani atkuma ba tempel altarka pura ba ra suni angkaia, Jerusalem ra man nani Gâdkam ra mayunra yabaia dukiara.

Esdras 7:26

Bara ani uplika man Gâdkam lâka ba bara king lâika ba sin wali daukras kabia kaka, witin nani ai lâka ba mahka daukan kabia, ikaia sapa, tasbaya wina kangbi sakaia, ai lal mana kulkaia silak ra mangkaia, dîa witin nani ra daukaia ba daukbia.”

Ester 8:14

Bara wauhkataya ba brih wan aras plaplapra nani ba wal, king adarka ba kat aihni muni brih waia sa bamna. Naha lâka na Susa kan kahbaika pliska ra sin yan walan, king adarka ba.

Lawana Nani 5:10

¡Gâdki, witin nani ba klala yas! ¡Man dauks, witin nani lâ daukan lâka ba, tawi slingbaia! Witin nani ba lulki swis, saura ailal daukan ba mita, witin nani ba man mampara buan bamna.

Impakan Sturka 20:24

Tasba ni altar kum paski aik, yang duki, bara baha purara daiwram nani daknika ba tila wina, sîp sapa, bîp sapa aiska angki aikaia brih bal, naha sakripaiska na yang wal man nani kli kupia kumi takaia prisantka kabia. Bara yang balamna, yamni sin mai munamna baha pliska bani ra puram sunaia maikri ba ra, yang baku brin ai dauki kan ba man nani piu bani ra nini ba âmya ra bri kama dukiara.

Smasmalkra 9:10

Bara diara sut man mihtam ra ba mahka alki dauks, karnikam aiska ba wal; kan raiti ra wama lika bahara diara kumi sip daukras, bahara diara kumi sin man lukras, diara tânka briaia âpu bara sins lâka sin âpu.

Aiseya 60:12

Bara nisan kum kra, apia kaka king tasbaya kum kra sin, man nani warkkam daukras kabia kaka, witin ba tanis tiwbia, witin nani ba aiska pali diara âpu tiwbia.

Abdías 1:10

“Swiram dauki mai slingbi mai tikan lâka ba wal man puramra bâra ban kabia, man muihkam Jekob ra rausauhki ikram ba tâwan.

Apastil Nani Sturka 9:5

Bara Saulo pana makabi walan: “¿Man ba ya sma ki, Dawan?” Bara bîla baikra ba naku win: “Yang sika Jisas, man bui yang ra sika rau ai sauhkisma ba.

Kli Smalkanka 12:11

bara Dawan Gâdkam witin ai nina bâra kaia pliska kum bâk saki maikbia ba, bahara diara sut yang mai wîri ba baku man nani sakripais daukma: witin ai nina ra daiwan angkan sakripaiska daukma, matawalsip mânka nani, prisantka nani, bara diara sut wahbi saki Dawan ra yabaia pramis daukan ba sin witin ra yama.

Kli Smalkanka 12:5

Man nani kiamkam ra, Dawan bui plis kum saki maikbia witin ai nina bâra kaia pliska, bara man nani baha pliska ra wih mayuni kama.

Kli Smalkanka 16:2

“Witin ai nina bâra kaia pliska aihka sakan ba ra, Insal luan Yua ra bîpkam bara sîpkam nani Dawan Gâdkam ra sakripais dauki yama.