Esdras 6:11 - DAWAN BÎLA AISKA

¹¹ “Baha purkara, yang mita adar yabisna, ya ya naha lâka na krikbia kaka, ai watla mâkan ba wina playa kum daiki brih tâ ba tatwa dauki, tasba ra bapi bahara sabi ikbia; baku sin ai watla ba slingbi pura kat paski swibia.

Esdras 6:11 ပူးပေါင်းရင်းမြစ်များ

2 King Nani 10:27

Baku sin altarka paskan kan ba krikri tikan, bara Baal tempelka kan ba sin sauhki tikan, bara dipasta lulkaika pliska daukan, baha ba naiwa yua kat baku ban sa.

2 King Nani 9:37

bara Jezabel wîna tara ba daiwan tâskika ba baku kabia Jezreel tasbaya ba purara, baha mita upla kumi sin wibia apia baha sika Jezabel wîna tara ba.

Esdras 7:26

Bara ani uplika man Gâdkam lâka ba bara king lâika ba sin wali daukras kabia kaka, witin nani ai lâka ba mahka daukan kabia, ikaia sapa, tasbaya wina kangbi sakaia, ai lal mana kulkaia silak ra mangkaia, dîa witin nani ra daukaia ba daukbia.”

Ester 5:4

—King tara, man aitani lukisma kaka, pata tara kum man kulkanka ra luki daukri ba ra, man Amán ba sin bri balma. Pana king ba adar yan:

Ester 7:10

Bara Amán ba baku langki ikan, Mardoqueo ra langki ikaia wisi paskan kan ba dusa ra. Bâra lika king kupia sauhkanka ba lamni takan.

Daniel 2:5

—Naha sika yang lukanki ba —king bui pana win—: Man nani baha yaprisauhkanka kaikri ba bara tânka sin ai wiras sma kaka, irbi mai paskan kabia, bara wamtla nani ba sin slingbi pura kat paski swin kabia.

Daniel 3:29

Bamna nanara adar maikisna ya naha wahma nani Gâdka mapara saura aisabia ba, klaki pîs ra baman daukamni, ai watla nani ba lika slingbi yakaban kabia, ani tawanka uplika kabia, bîla ani nisanka kra kabia, twisa sât wala aisi ba kabia kra, gâd wala âpu sa baku swaki sakaia.”