Esdras 5:7 - DAWAN BÎLA AISKA

^7-8 bara wauhkataya ra naku ulban kan: “Brinki sa, king tara, man siknis âpu yamni kama. Yang nani bui man ra maisam pakisna, Juda tasbaya aiska ra impaki tauki banhri, bara Gâd tara karnakira watla mâki banhwi kan kaikri, baha ba walpa tara nani ni watla ba mâkisa, bara tnaya sin pat tat wal saban sa, warkka ba uba istikira pali daukisa, baha mita pat aitani ai tâura brih impakan sa.

Esdras 5:7 ပူးပေါင်းရင်းမြစ်များ

Esdras 4:17

Bara Artajerjes pana naha bîla na witin nani ra blikan: “Kamandanti Rehúm ra, Simsai wauhtaya âiulbra ra, bara Sameria uplika nani sut Éufrates awala muna tani ra iwi nani sma ba: laikula mai blikisna. “Wauhkataya yang ra bliki banhram ba bîla laki ulbanka ba,

Esdras 5:6

Naha sika wauhkataya ulbanka Tatenai, Éufrates awala muna tani tasbaya ra wihta tara ba, bara Setar-boznai ai pânika nani aikuki ulbi blikan ba king Darío ra,

Daniel 3:9

Bara naku win: —¡Man king tara, raya ban kama, bara piua bani man ninam ba wan kupia krauki kabia!

Daniel 4:1

“Yang, king Nabucodonosor, brinki sa upla sut ba kupia kumi lâka bri pâwi kabia, nisan nani, upla nani bara bîla sât sât aisi ba naha tasbaya ra iwi nani ba.

Daniel 6:21

Bara Daniel bui pana win: —¡King piua bani ban raya kama ba!

Jan 14:27

“Man nani wina dakwi takuna kupia kumi lâka ra. Kupi kumi lâka man nani ra maikisni, sakuna tasba uplika nani kupia kumi lâka yabi ba sât lika apia. Man nani kupiam trabil bripara bara sibrin kapara.

2 Tesalonaika 3:16

Bara kupia kumi lâka Dawanka ba mita, piu bani kupia kumi lâka natka sât sât ra maikbia. Dawan ba man nani sut aikuki kabia.