Esdras 5:14 - DAWAN BÎLA AISKA

¹⁴ ‘Baku sin gul bara silbar ni paskan dukia nani Ciro mita Jerusalem, Gâd watla wina saki brih wan kan ba, baha nani sin king Ciro mita Babilon gâdka tempelka ba wina sut pali saki Sesbasar wihta tara mihta ra mangkan bara kli bri balan.

Esdras 5:14 ပူးပေါင်းရင်းမြစ်များ

2 Kronikas 36:18

Gâd tempelka ra diara nani bâra kan ba, tara, sirpi bara diara manakira nani sut brih wan, king prapatika bara ai uplika nani yuyaka sin sut, Caldea kingka ba bui Babilon ra brih wan.

2 Kronikas 36:7

Nabucodonosor tempel dukia holi kan ba wina bakriki prais brih wan, bara Babilon tempelka ra mangkan.

Esdras 5:15

Bara Ciro bui Sesbasar ra adar yaban naha diara watla nani na bribia bara Jerusalem tempelka ra brih wabia, bara Gâd tempelka ba sin ai pliska kat kli mâkbia.

Esdras 5:16

Bara baku Sesbasar wan, bara Gâd tempelka playka nani ba kli bapan Jerusalem ra, bara baha yua wina kli nanara kat mâkisa, sakuna kau danh apia sa.

Esdras 6:5

Baha purkara sin, gul bara silbar ni paskan dukia nani Gâd watla ra kan king Nabucodonosor wih, Jerusalem tempelka wina saki Babilon ra brih wan nani ba kli yabia, bara Jerusalem ra bri si Gâd watla ra suni swibia.’ ”

Esdras 7:27

Bamna Esdras naku ai pura sunan: “Dawan ba yamni pali kabia, wan aisika nani Gâdka ba, witin mita king kupia ra mangkan, Dawan watla Jerusalem ra ba pain kulkaia.

Sins Lâka 21:1

King lukanka ba Dawan mihta ra sa; tingni nani lî plapi ba baku nina blikisa Dawan yabalka ra brin dauki ba kat.

Jirimaya 52:19

Baha nani daukan ba baku sin, aihwawakra nani kamandantika ba sin, gul ni, silbar ni paskan dukia nani ba sut brih wan: bisin nani ba, pauta aswan auhbaika nani ba, kâp tara nani ba, yamhpus auhbaika nani ba, wain laiki kahbaika kapka tara nani ba.

Hageo 1:1

Darío mani wâl Persia kingka kan piua ra, kati matlalkahbi, lapta yu kum aimakan ra, Dawan ai prapitka Hageo bâk aisin ai bîla dahra ba; Zorobabel, Salatiel luhpia waitna, Juda tasbaya ra wihta tara aimaki kan ba ra wiaia, prîs tara Jasua, Josadac luhpia ra sin wibia dukiara.

Hageo 1:14

Dawan baha bîla aisin ba wal, Zorobabel, Juda wihtka tara ba, Jasua prîs nani wihtka ba sin, bara upla nani sut ba, kati matlalkahbi, yua 24 aimakan ra, Darío pat mani wâl king aimaki kan ba ra, witin nani mahka buan ai Gâdka, karnika sut alki bri ba Dawanka, tempelka ba kli paskaia.

Hageo 2:2

bara witin ra win nanara Zorobabel ra, Jasua ra, bara tawan uplika nani sut ra wibia:

Hageo 2:21

witin Juda wihtka tara Zorobabel ra wiaia: “Yang kasbrika pura bara tasba ba sin nikbamni;

Apastil Nani Sturka 13:12

Bara wihta ba naha diara kaikan ba ra, kasak lukan, Dawan tânka smalkan ba dukiara sin tâ iwan kan bamna.