Esdras 5:11 - DAWAN BÎLA AISKA

¹¹ Bara witin nani pana yang nani ra ai win: ‘Yang nani sika Gâd kum laih purara bara tasba ra sin bâra ba Gâdka ra mayunisna; yang nani naha tempelka na kli mâkisna, pat mani nani luan ra Israel kingka kum karnika tara bri kan ba mita naha ba pat aiska mâkan kan bamna.

Esdras 5:11 ပူးပေါင်းရင်းမြစ်များ

Blasi Sturka 24:3

bara yang ra swer taki ai wis Dawan nina ra luki, kasbrika pura bara tasba wal Gâdka ba nina ra, man bui yang luhpi waitna maya ba naha Kenan tasbaya yang nâra iwisna na tasbaya mairka nani na tila wina pliki maya baikaia apia.

1 King Nani 6:38

Bara witin mani 11 king aimaki kan, bara baha Bul katka kan, mani bilara 8 kati ba, baha manka kat tempel ba aiska pali paskan. Baha warkka aiska daukaia ulban kan ba paski danh daukan 7 mani bilara. Dîa dukia nani sut tempel kum nit ba, bahara paskan kata.

1 King Nani 9:10

Bara mani 20 luan ningkara, Salaman utla wâl ba mâkan kan, Dawan tempelka ba bara king iwaia watla ba sin.

Esdras 5:10

Bara tâ bri uplika nani nina makabi wali banhri, nina nani ba ulbi king tara ra wiaia dukiara.

Lawana Nani 119:46

Bara man lâmka bîla nani ba, king nani mawanra aisamni bara yang swiri brimna apia.

Lawana Nani 136:26

¡Man nani kasbrika pura ba Gâdka ba ra tingki wis, ai latwanka lâka ba ban kaia ra ban sa bamna!

Daniel 3:26

Nabucodonosor naha aisi si kubus untika ba lamara wih bara winan: —¡Sadrac, Mesac bara Abed-negó, Gâd Laih Purara ba albika nani, taki nahara bal! Wahma yumhpa ba pauta klauhan ba wina bal takan,

Jona 1:9

Jona pana naku win: —Yang lika Hibru, Dawan ra puri sunisna, witin sika Gâd laih kasbrika purara ba, kabu, tasba sin Papaskra ba. Witin ra puri suni mayunisna.

Matiu 10:32

“Upla kum kra yang daihra upla nani mawanra latan aisabia kaka, yang sin Aisiki kasbrika purara ba mawanra ai dahra latan aisamna.

Luk 12:8

“Yang bui man nani ra mai wisna, ani uplika mita upla wala nani mawanra yang ra lukisa dukiara param aisabia ba, Upla Luhpia Waitna mita Gâd insalka nani mawanra witin ra lukisna dukiara param aisamna.

Apastil Nani Sturka 27:23

Naha tihmia luan ra, Gâd ra yang bui witin ra mayuni dukia daukri ba mita insal kum yang ra blikan.

Roman 1:16

Sturi yamni smalkanka ba dukiara yang swiri lukras sna, kan baha ba Gâd karnika sa swaki sakaia ya ya kasak lukbia ba, tâura Ju nani ra, bara Ju apia nani ra sin.

Roman 6:16

Man nani pain kaikisma, alba kum baku dawankam kum mihta ra aimakma witin bîla wali daukaia bara baha dawankam ba albikam takisma. Baku sin, man nani saurka lâka bîla wali daukma kaka, bara baha sin prura ra mai brih auya, bara baku Gâd bîla wali daukma rayakam wapni brih iwaia.

Galesha 6:14

Kuna yang maipara, diara kumi dukiara sin maiyunaia brin ai daukras, Dawan Jisas Kraist dus prihni ra pruan ba baman lika. Bamna Kraist dusa prihni ba mita, yang maipara naha tasba na pat pruan baku sa, bara yang sin tasba mapara pruri sa.

Jasua 24:15

Sakuna man nani lika Dawan dukia daukan mai daukras kaka, pliki sâks naiwa man nani ya dukia daukaisma ba: man nani damikam nani bui Éufrates awalka un ra iwi kan bara gâd bahki nani ra kulkan ba, apia kaka amorreo nani gâdka bahki nani ra mayuni kan ba naha tasbaya ra. Sakuna yang tani ra lika, waitla uplika sut sin, Dawan dukia dauki banhwamni.