Esdras 4:7 - DAWAN BÎLA AISKA

⁷ Bara Artajerjes, Persia kingka aimaki kan yua nani ra, dahra kwakwahkra ba ra win mapara babura nani Bislam, Mitrídates, Tabeel bara ai pânika wala nani kira, Artajerjes ra wauhkataya kum ulban. Wauhkataya ba Aram uplika bîla ra ulban kan, bara Persia bîla ra sin lakan kan.

Esdras 4:7 ပူးပေါင်းရင်းမြစ်များ

2 King Nani 18:26

Bara Eliaquim, Sebná bara Joah mita sin, Asiria wihtka tara ra win: —Mamkabisna man wan aisas Aram uplika bîla ra, baku yang nani tânka brimna. Hibru bîla ra wan aisapara, kan baha uplika nani kutbanka purara bâra ba mai walisa.

Esdras 4:1

Juda bara Benjamín uplika wailhka nani ba walan, upla nani alki brih wan kan wina kli tawi balan nani ba, Dawan Israel Gâdka tempelka ba kli paski kan.

Esdras 4:17

Bara Artajerjes pana naha bîla na witin nani ra blikan: “Kamandanti Rehúm ra, Simsai wauhtaya âiulbra ra, bara Sameria uplika nani sut Éufrates awala muna tani ra iwi nani sma ba: laikula mai blikisna. “Wauhkataya yang ra bliki banhram ba bîla laki ulbanka ba,

Esdras 4:8

Kamandanti Rehúm bara Simsai, wauhtaya âiulbra ba wal, Jerusalem uplika nani mapara dahra kwahki ulban king Artajerjes ra.

Esdras 4:9

Wauhkataya ba ulban sa, kamandanti Rehúm, âiulbra Simsai bara ai pânika nani, wihta nani, war wihtka tara nani, upla kulkanka bri nani bâra ba Persia, Érec, Babilon bara Susa tawanka nani ra, baku sin Asnapar waitna karnakira kata ba mita upla nani ba tawanka wina saki Sameria bara Éufrates awala muna tani ra swin iwi nani kan ba mita sin ulbi dahra kwahkan, bara naku wisa “King Artajerjes ra, yang nani Éufrates awala muna tani tasbaya wina lamkula dauki banhwisna:

Esdras 5:6

Naha sika wauhkataya ulbanka Tatenai, Éufrates awala muna tani tasbaya ra wihta tara ba, bara Setar-boznai ai pânika nani aikuki ulbi blikan ba king Darío ra,

Esdras 7:1

Mani nani luan ba ningkara, Persia kingka Artajerjes king aimaki kan yua nani ra, waitna kumi bâra kan ai nina Esdras, witin sika naha uplika nani kiamka wina kan: Seraías, Azarías, Hilquías,

Esdras 8:36

Baha ningkara king bui ulbi adar yaban kan ba yan, wihta tara bara wihta sirpi nani Éufrates awala muna tani ra iwi nani ra, baha nani mita Israel luhpia nani bara Gâd tempelka ba mâkaia tâ baikan ba.

Nihimaya 2:1

Bara Artajerjes pat 20 mani king aimaki kan ba ra, Nisán katka yua kum, wain ba yang bui king ra yabi katna ba ra, sari pali kapri ba king ai kaikan,

Aiseya 36:11

Eliaquim, Sebná bara Joah, Asiria wihtka tara ra win: —Mamkabisna man wan aisas Aram uplika bîla ra, baku yang nani tânka brimna. Hibru bîla ra wan aisapara, kan baha uplika nani kutbanka purara bâra ba mai walbia.

Daniel 11:2

Bara nanara maikrika diara kasak ba tânka brima: ‘Kau Persia king yumhpa king aimaki kabia, baha ningkara king walhwalka ba king aimakbia, witin ba king yumhpa ba sut wal kau yuyakira pali kabia. Ai yuyaka ba ni karnika tara alkan kabia, ai karnika aiska ni Grik tasbaya kingka tasbaya mapara bubia.

Daniel 2:4

Bara sinskira Aram uplika bîla aisi pana king ra win: —¡Man king lâmka ba ban kabia! Bara yaprisauhkankam kaikram ba yang nani ra ai wis, bara yang nani tânka ba mai wimna.