Esdras 4:22 - DAWAN BÎLA AISKA

²² Aman kaiks, mai wisna na daukras swipara, king tasbaya ra baha lukanka saura nani ba, king tasbaya ra kau pâwi kaia apia sa.”

Esdras 4:22 ပူးပေါင်းရင်းမြစ်များ

Esdras 4:13

Nanara naha na, king tara, param sa uplika nani na naha tawanka tara na swika kli paskbia kaka, baku sin walpa kutbanka nani bukbia kaka, naha uplika nani na diara nani lal mana kulki ba aibapbia apia; bara baha tâka mita, king lalahka ba sin mâya pali kat iwbia, lalah briaia ba praiska kat sip bribia apia.

Esdras 4:21

Bamna nanara, baha waitnika nani ra wis, warkka ba alki takaski banhbia, baha tawanka kli paskbiara, ani yua yang mita adar wala yabamna ba kat.

Esdras 4:23

Bara baha wauhkataya king Artajerjes ulbanka ba Rehúm, Simsai ai pânika nani sin sut mawan ra aisi kaikan ba ningkara, witin nani isti pali Jerusalem ra wan, bara Ju nani ra win bîla karna nani wal warkka ba takaskbia.

Daniel 6:2

Baha nani ba purara pura kakaira yumhpa mangkan, baha nani bui wihta nani mangkan nani ba purara aihwaki kaiki kaia, baku mika king mapara diara watawi kumi sin takbia apia dukiara. Pura kakaira nani yumhpa ba wina kumika ba Daniel kata.

Daniel 6:3

Daniel ra sika upla sut bui aitani kulkan kata pura kakaira wala nani bara tasba pîska bani wihtka nani sut ba purkara kaia, kan witin ba sip pali kan ba mita. Bara king bui sin ai tasbaya aiska lalka mangkaia lukan.