Esdras 4:20 - DAWAN BÎLA AISKA

²⁰ Baku sin wisa, Jerusalem ra king karnakira nani bâra kan, bara Éufrates awala muna tani tasbaya nani ba ra sin baha nani ra taibi bri kan, bara witin nani ra diara nani sut ba lal mana kulkan aibapi kan.

Esdras 4:20 ပူးပေါင်းရင်းမြစ်များ

Blasi Sturka 15:18

Baha pali yua ra Dawan Ebram wal lâ daukan, bara win: —Naha tasbaya na man kiamkam ra yabamni, Idsip awalka ba wina Éufrates awalka tara ba kat.

1 King Nani 4:21

Bara Salaman lika baha king tasbaya aiska kingka aimaki kata, Éufrates awala ba wina filisteo tasbaya kat bara ban Idsip tasbaya lainka kat. Ai lal mana sin aibapi kata, dukia sin dauki kan Salaman raya kan yua nani sut ra.

1 King Nani 4:24

Bara witin lika Éufrates tasbaya muna tani aiska tâ aimaki kan, Tífsah wina ban Gaza kat, bara naha tasbaya kingka nani sut purara, bara ai tnaya aiska kir kupia kumi bri kan.

1 King Nani 5:1

Tiro kingka Hiram bui sin ai albika nani Salaman ra blikan. Witin walan Salaman ba Dawan lâka ra yamni munan bara ai papika Debit watlika ra king aimakata, kan Hiram bui piua bani Debit ra latwan kaiki kan.

1 King Nani 5:4

Sakuna nanara Dawan Gâdki mita tawan nani sut wal kupia kumi lâka aikan sa, waihli nani ba âpu sa, diara saura kumi âpu sa sibrinka lukaia.

1 Kronikas 18:13

Ningkara, Debit bui Edom ra aihwaki kaiki kaia war uplika nani swin, Edom uplika nani sut witin mununhtara kan; bara ani anira taki wabia ba, Dawan wina pura luaia lâka ba yabi kan.

1 Kronikas 18:3

Debit bui Hadad-ézer kingka Sobá kingka pura luan, baha ba Hamat ra sa; naha sika Éufrates awalka un ra ai karnika bapaia luki kan ba.

1 Kronikas 18:6

Baha ningkara aiklaklabra dakni tara swin, Siria Damaskus ra ba aihwaki kaiki kaia, bara Siria uplika nani ba Debit albika taki banhwan, ban ai lal mana sin aibapi kan; Dawan bui Debit ra pura luaia lâka ba yabi kata, ani ani ra wabia ba sut ra.

1 Kronikas 19:19

Bara Hadad-ézer pânika nani ba kaikan Israel luhpia nani bui pura luan, bamna Debit wal kupia kumi lâka daukan. Bara baha piua wina Debit lâka mununhtara kauhan, bara Siria uplika nani kli Amón uplika nani ra hilp munaia apia win.

2 Kronikas 17:11

Ban sakuna, kau ni filisteo nani kum kum ba prisant nani blikan, silbar ai lal mana Josafat ra bara Arabia uplika nani lika 7,700 sîp, guts nani sin 7,700 brih wan.

2 Kronikas 9:14

diara wauhi atki tauki uplika nani wina lal mana bri kan ba kau kulkras, baha purara sin Arabia kingka nani bara baha tasbaya wihtka tara nani ba wina sin, gul bara silbar Salaman ra bri bali kan ba sin kau kulkras.

Esdras 4:13

Nanara naha na, king tara, param sa uplika nani na naha tawanka tara na swika kli paskbia kaka, baku sin walpa kutbanka nani bukbia kaka, naha uplika nani na diara nani lal mana kulki ba aibapbia apia; bara baha tâka mita, king lalahka ba sin mâya pali kat iwbia, lalah briaia ba praiska kat sip bribia apia.

Esdras 4:16

Bahamna, nanara, king tara, yang nani bui man ra param mai wisna, naha tawanka tara na kli paskbia kaka, bara walpa kutbanka nani ba sin kli bukbia kaka, kingki tara, Éufrates awala muna tani tasbaya ra uplika nani purara sip lâ daukma apia.”

Esdras 4:19

bara yang wîri ulban ba kat dîa tânka bâra ba pliki kaiki banhbia. Bara kasak sa naha uplika nani ba king mapara babura nani atia sa, wihta nani mapara babura sin, kaina piua ra pat baku dauki banhwan.

Esdras 4:21

Bamna nanara, baha waitnika nani ra wis, warkka ba alki takaski banhbia, baha tawanka kli paskbiara, ani yua yang mita adar wala yabamna ba kat.

Esdras 7:24

Baku sin man nani nu kaia sma, naha dukia ba daukaia apia sma ba: prîs nani, Libait nani, aiwawanra nani, dur ra aihwawakra nani, bara tempel ra wark taki uplika nani sut sma ba, man nani lal mana bripara, diara lal mana sin sâkpara.

Lawana Nani 72:8

Kabu kum wina, kabu wala kat, bara Éufrates wina, tasba paski takaskan ba kat purara ai karnika bribia.

Inanka Nani 1:1

¡Tawan tara yakan pali takan na, blasi upla ailal pali kata ba! ¡Nanara piarka baku takan sa, witin nisan nani tilara tawan nani kiapitalka kata ba! Tawan nani tilara witin king luhpia mairin baku kan, nanara alba mairin takan sa.

Isikiel 19:11

Ai tnawa nani ba karna pali takan, king nani kingka baku takan bara tara pali pâwan bamna, kasbrika nani kat uli wan. Bâk sakan tânka taki kan purara pali pâwaia ulan ba mita; baku sin ai tnawa nani tara pali kilwi dihwan bamna.

Matiu 9:9

Jisas baha wina mahka wan, bara waitna kum wal prawan, ai nina Matiu. Witin ba lal mana wawahbra kan Rom ra yaia bara bahara iwi kata. Jisas mita win: —Nini blîks. Bara Matiu mahka bûi, ai nina blikan.