Esdras 10:11 - DAWAN BÎLA AISKA

¹¹ Baku bamna, man nani nanara aisikam nani Dawanka bara Gâdka ba mawanra pâtkira banhwisma ba damra wals, baku bamna Dawan lâka ba alki dauks, idan uplika nani lâka ba wina dakwi taks, baha purkara tringsar mairin nani ba wina sin.

Esdras 10:11 ပူးပေါင်းရင်းမြစ်များ

2 Kronikas 30:22

Ezequías bui Libait nani sut ra yamni win ai kupia wilinkira Dawan warkka ra hilp munan bamna. Bara baha pata tara yua 7 sin luan ba ningkara, kli ai uplika takaia dukiara daukan bara Dawan ra mayunan ba, ai damika nani Dawanka ra.

Esdras 10:10

Bara prîs Esdras witin nani mawanra buan bara win: —Man nani saura daukram, Israel mairka briras mairin tringsar mayam bri banhram ba mita, baku Israel pâtka ba kau tara daukisma.

Esdras 10:12

Bara upla sut bui wini aisi, win: —Man dîa aisaram ba kat yang nani daukamna.

Esdras 10:3

Bamna kaiks, nanara yang nani pramis takaisna, man wan smalkisma baku wala nani sin Gâd lâka kulki ba baku, yang nani daukaisna: wan mairka nani ba sut pliska ra bliki banhwaisna, ai luhpia nani sin, bara lâ ulbanka ba aimakbia, man bara wala nani brinkam ba kat.

Esdras 9:1

Baha warkka nani ba sut daukan ba ra, Israel wihtka nani ba yang ra balan bara naku ai win: “Israel luhpia nani, baku sin prîs bara Libait nani ba, naha tasbaya uplika lâka nani wina sip dakwi takras sa: Kenan uplika nani, hitita nani, ferezeo nani, Jebús uplika nani, Amón uplika nani, Moab uplika nani, Idsip uplika nani bara amorreo nani dîa ai natka saura dauki tauki banhwi ba lâka kat taukisa.

Nihimaya 13:3

Baha lâka ba aisin upla nani walan ba ra, Israel luhpia nani ai tilara upla wala nani bâra kan ba sut sakan.

Nihimaya 9:2

baha purkara sin Israel lupia nani ba, upla sât wala idan nani ba tila wina dakwi takan, witin nani saura daukan ba ai dahra walan, bara ai damika nani kasak apia kan ba sin.

Lawana Nani 32:5

Saurki daukri dahra, yang bui man ra param mai wîri; watawi daukri ba, man ra yukukras kupi wal lâ daukri ba, lâ krikanka daukri daihra ba sut man ra sakri, bara Dawan, man, pâtki nani ba sut ban swih tikram.

Sins Lâka 28:13

Ani uplika ai saurka nani pura biki ba, ai bisniska ba sip yamni takbia apia; sakuna baha nani ai dahra saki si mahka swi ba, saurka swih tikbia.

Aiseya 56:4

Kan Dawan ba aisisa: “Yunok nani ba riski yua nani kulkisa kaka, yang kupi lâka ba daukisa kaka bara yang lâika ba sin ai lama bîla kat witin nani alki bribia kaka,

Jirimaya 3:13

Man watawi daukram ba daukri, wis, Dawan Gâdkam mapara babura takram ba; tringsar nani latwan kaiki plapi pliki waram ba, dus tara nani sut distiki ra waram, yang bîli walras adarki nani wîri ba daukras. Yang, Dawan, kasak aisisni.’ ”

Jirimaya 7:3

Dawan karnika sut bri, Israel Gâd ba, aisisa: ‘Rayakam lâka warkkam nani ba man nani yamni dauks, bara yang ban mai swirka man nani naha tasbaya ra kau ban iwi kama.

Isikiel 18:30

Yang bui man nani kumi bani lâmka daukisni, Israel wina nani daukanka ba kat. Yang, Dawan, kasak aisisna. Watawankam nani sut ba mahka swis, bara man nani klauna sauhki mai tikaia pâtka ba brima apia.

Jan 9:24

Bara Ju nani mita kan piua ra blain kan waitnika ba kli paiwi, win: —Diara kasak ba wan wis Gâd mawanra; kan yang nani kaikisna baha waitnika ba lika saura dadaukra sa.

Roman 12:2

Bamna kli naha tasba lâka tânka ba kat iwi kapara; sakuna lukankam pali ba lakma, bara baku mika rayakam aiska ba tâwan kabia. Baha mita sip kama Gâd kupia lâka pali ba tânka briaia, baha tânka ba lika dîa pain ba, Gâd yamni kaiki ba, bara witin wapni kaiki ba lukma.

2 Korint 6:17

Bamna witin bila sin: “Witin nani lilapaska ba wina dakwi taki bal taks, Dawan bila; diara tâski ba kangbi banhpara. Bâra mika yang mita mai brimna,

Kolosi 1:10

Makabi banhwisna man nani ba Dawan uplika nani baku tânkam pain brih dîa dîa daukaia sma ba dauki kama, piua bani witin pain kaiki dukia nani baman sin dauki kama, wark painkira nani wina mâ saki kama, bara baku mika sip kama Gâd tânka kau pain kaikaia.

Hibru Nani 13:21

Kupia kumi lâka Gâdka ba mita kasakkira nani bara diara sut mapara yamni nani mai daukbia, ai kupia lâka kaia dukiara; bara Jisas Kraist bâk, yawan sut ra dîa daukaia luki ba witin daukbia. ¡Kraist ra mayunra yan kabia, ban kaia ban kaia ra! Baku kabia.

Jasua 7:19

Bara Jasua bui Acán ra makabi walan: —Luhpi, pain kulkan mayunan lâka ba Dawan Israel Gâdka ra yas, man dîa daukram ba damra ba yukukpara, ai wis.