Epesus 6:9 - DAWAN BÎLA AISKA

⁹ Bara man nani, alba dawanka nani sma ba, trai kaiks baha sim natka ra albikam nani ba yarka warkkam dauki kaia, taiban lâka âpu kira. Kupiam krauki bas, man nani wih alba nani wal Dawankam kasbrika purara ba mihta ra sma, bara witin lika upla kumi ba upla wala wal aihka baku kulkras sa.

Epesus 6:9 ပူးပေါင်းရင်းမြစ်များ

Nihimaya 5:5

“Yang nani muihki aikuki tawanki kumi kiamka sna; yang nani luhpi nani witin nani ai luhpia nani wal sim sât sa. Ban sakuna kaiks, yang nani luhpi waitna nani bara luhpi mairin nani alba lâka ra pat mangki banhri sa. Pat baku daukan sa luhpi mairin nani tila pat alba lâka ra sa, sakuna yang nani sip takaskras, kan tasbayi nani bara wan nasla nani sin pat upla wala dukia takan sa bamna.”

Job 34:19

Witin mita naha tasba wihtka nani mawan kulkras sa, yuyakira ba kau kulkras sa, umpira ba wal, kan witin mita sika sut ra paskan ba.

Lawana Nani 140:12

Yang kaikisni, Dawan bui upla umpira nani ba kasak wapni daukisa, bara sari bri uplika nani raitka ba tâ baikisa.

Smasmalkra 5:8

Aihka lukpara, kuntri kum mita umpira nani ra taibi brisa kaka; bara karna lâka munisa, kasak lâka bara raitka lâka ra sin; kan war tâ uplika kum, wala kau tara ba mita pura prakisa, bara kau purara tâ aimaki ba mita wâlsut ra pura prakisa.

Aiseya 47:6

Yang upliki nani mapara kupi baiwan kan, bahki lâka mihta ra mangkri nisanki nani pali ra bara swiri man karnikam munhtara kauhan, man bui witin nani ra umpira kaikras kapram bara almukkam nani pahpaya ra wirhika nani sunram.

Daniel 3:15

¿Man nani ba wilin pali sma ki, baha miusik kangbaia dukia nani ba binka walma ba ra, yang mita wîri lilka dauki bapan ba ra bawi mayunaia? Man nani bawi mayunras sma kaka, nanara baha kubus pauta klauhan tara ba ra mai lulkan kabia; ¿ani gâdka swaki mai sakaia sip kabia?

Daniel 3:6

Baha lilka ra ai lula kriki mayunras ba sut, prak alki kubus kum pauta klauhan tara ba ra lulkan kabia.”

Libait Lâka 19:13

“Uplikam mapara saura munaia lukpara, diara bri ba dukiam wisi mihta dakpara. “Warkkam takan ba mana yauhka kat aibappara.

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Matiu 22:10

Alba nani ba yabal nani ra taki wan, bara upla sakan ba sut asla daukan, upla saura nani bara yamni nani sin; bara baku watla ba upla baman banhki takan.

Matiu 22:8

Baha ningkara, ai albika nani ra win: ‘Marit pata ba pat ridi sa, sakuna paiwri uplika nani ba lika balaia aitani apia kan.

Matiu 24:48

Sakuna baha albika ba saura kaka, bara ai kupia ra luki ai dawanka ba wihka takaskisa wisi,

Matiu 24:51

bara kau pât saura pali ba yabia, bamna kuninkira nani pâtka ba aikuki wauhbia. Bâra mika witin inbia, ai napa nani sin arkbia.

Matiu 7:12

“Baku bamna, upla wala nani man nani ra dîa mai daukaia brin mai dauki ba baku, man nani sin dauks; kan baha daukaia sika lâ ra wan aisi ba prapit nani ulbanka ra sin.

Luk 6:31

Upla mita man nani ra daukbia want sma ba, baha sika man nani mita upla wala ra daukaia sma ba.

Jan 13:13

Man nani mita yang ra Smasmalkra bara Dawan sin ai wisma, bamna baha ba kasak aisisma, kan yang lika baha sna.

Apastil Nani Sturka 10:34

Bara Pita mahka aisi, win: —Nanara kasak pali kaikisni, Gâd mapa ra upla sâtka kumi upla sât wala ba wal aihka apia sa,

Roman 2:11

Kan Gâd ba upla mawanka kulkaia lâka âpu sa, sut ba sim sât kulkisa;

1 Korint 1:2

Korint tawanka ra wan muihni nani, Gâd sertska uplika nani ba ra ulbisna, witinka nani Kraist Jisas wal asla ba mita Gâd uplika holi takan ba. Gâd bui man nani ba holikira nani kaia mai paiwan sa, ani anira wan Dawan Jisas Kraist nina mâki, witin ra wini uplika nani ba aikuki, witinka lika baha nani Dawanka bara yawan Dawanka sin ba.

1 Korint 7:22

Kan upla kum Dawan bui paiwan bara alba kan kaka, nanara lika pri uplika sa, bara Dawan dukia daukisa; bara baha sim natka ra, ani uplika Kraist mita paiwan bara pri uplika kan kaka, nanara lika witin albika sa.

Kli Smalkanka 10:17

kan Dawan man nani Gâdkam ba, Gâd nani gâdka sa, bara Dawan nani dawanka sa. Witin lika Gâd kum ai karnika ba silp brisa, karnakira, sibrinkira pali sa, upla mawanka kulkras, prisant mana sin sip atki briras;

Kolosi 3:25

Sakuna ya saura daukisa kaka, ai saurka lâka mana ba bribia, kan Gâd lika upla kumi ba upla wala wal aihka kulkras sa.

Kolosi 4:1

Bamna man nani, alba dawanka nani, albikam nani ra diara yaia sma ba, pain bara kasakka lâka ra yas. Man nani sin kasbrika purara Dawankam brisma ba dukiara, kupiam krauki bas.

Jems 2:13

Kan ya ya ai uplika ra umpira kaikras kaka, witin ra sin umpira kaikras kira ai lâka daukan kabia; sakuna ani uplika umpira kaikan lâka bri kan kaka, lâ daukbia yua ra witin mita pura lubia.

Jems 2:8

Ulbanka lâ kau tara ba naha sika: “Uplikam ra latwan kaiks, man wînam baku”, bara man nani baha ba kulkisma kaka, uya pain daukisma.

Jems 5:4

Namsla ra wark takan uplika nani ra mana yabras kapram ba, mampara winisa; bara Dawan Gâd, karnika sut bri ba, warkkam tatakra nani winanka ba walan.

1 Samuil 15:17

Samuil pana aisin: —¿Man wiria pan luki kaikras sma ki, man diara apia, bahki kapram ba? Ban sakuna, Dawan bui yamni mai munan Israel kingka mai mangkan, bara nanara man lika Israel kiamka nani sut wihtka tara sma.