Epesus 6:18 - DAWAN BÎLA AISKA

¹⁸ Man nani puram sunisma ba swipara, piu bani Gâd ra bik taki makabi bas, Spirit man nani tâm briaia. Ridi bas, lukankam swapras kira bara Gâd uplika nani sut dukiara sin man nani puram suni kama.

Epesus 6:18 ပူးပေါင်းရင်းမြစ်များ

1 King Nani 8:52

“Baku bamna, man aman pali wali bas albikam pura sunra na, bara uplikam Israel luhpia nani makabanka ba sin yawan ra wan wals, ay, Dawan, man ra makabisna piua ra.

1 King Nani 8:54

Salaman Dawan ra ai pura suni makabanka ba sut tnata alkan ba ningkara, witin ai lula krikan kan ba wina buan, Dawan altarka mawan tani ra bara ai mihta kasbrika purara tani ra bukan,

1 King Nani 8:59

Bara puri sunra bîla nani sut ba lika, Gâd, lamamra kabia, kakna ra, tihmia ra sin; baku mika witin ai albika bara ai uplika Israel luhpia nani ba kaina kahbi kabia, diara bani ba piua kat.

1 King Nani 9:3

bara Dawan bui win: “Yang puram sunra bara makabankam daukram ba sut walri. Yang bui naha tempel daukram na yamnika yâri sa, bahara yang nini ba swiaia ban kaia ra. Bara naha watla ba, yang piu sut main kaiki kamna bara yang sin bâra kamni.

Ester 4:8

Baha purkara sin lâ mangkan ba, Ju nani iki tikbia dukiara, baha wauhkataya ba sin yaban, Ester ra marikbia dukiara. Bara baku sin, witin ai purara naha pâtka na brih, king ra aisabia ai uplika nani dukiara.

Job 27:10

Bamna witin ai lilia sakras sa Gâd karnira ba mawanra, piua kumi sin witin nina mâki winbia apia.

Lawana Nani 4:1

¡Gâdki, tâiwan aiklabisma ba, mai winisna bara pana ai aisas! Man, yang trabilki tilara lilia ai daukram; ¡umpira ai kaiks, yang puri sunra na wals!

Lawana Nani 6:9

Dawan bui yang makabanki ba walan; ¡Yang puri sunra ba witin yamni walan!

Aiseya 26:16

Yang nani trabil tara ra dimisna ba ra Dawan, man mai plikisna, klala wankisma ba ra yang nani ini puri sunra ba mamwanra aisisna.

Daniel 6:10

Daniel walan baha lâka ba ulbi daukan, witin ai watla ra wih ai yapaika windarka ba sakan, baha windarka ba Jerusalem tani ra kan, bamna witin ai lula kriki Gâd ra ai pura suni mayuni kan, naha na witin dauki kan yu bani aima yumhpa, baku witin dauki kata piua bani.

Daniel 9:20

“Yang ban puri suni kapri bara saurki nani dukiara aisi katna, upliki Israel luhpia nani dukiara sin, Dawan Gâdki ilka holikira ba dukiara makabi katna.

Oseas 12:4

Insal kum wal aitwaki, pura luan; inan bara makaban witin ra umpira kaikbia. Gâd lika witin wal Betel ra prawan bara bahara witin wal aisin.

Sakaraya 12:10

“Kupia yamni ai pura suni kaia spiritka wal, Debit kiamka nani ba Jerusalem ra iwi uplika nani ba banhkamni. Bara baha nani witin ra saban ba kat kaikbia, bara witin pura mata sari pali ini banhbia, luhpia waitna kumi baman kan, apia kaka tawahkia kan sarka ini ba baku.

Matiu 17:21

[Sakuna nahmuna piritka na pura sunra bara Gâd ra luki plun wahwi wal lika kangbi sakaia sip sa.]

Matiu 26:41

Aihwaki puram suni bas, traika kaikan ra kauhmara sîa. Kasak pali, spiritkam ba wilin sa, sakuna wînam ba lika swapni sa.

Mark 13:33

“Baha mita, man nani aihwaki, bîla kaiki bas, kan man nani kaikras sma ahkia piua ba aimakbia sapa.

Mark 14:38

Man nani aihwaki, puram suni bas, bara traika kaikan ra kauhma apia. Spiritkam ba karna sa, sakuna wînam tara ba swapni sa.

Luk 21:36

Bamna man nani ridi bas, bara piu bani sin puram suni bas, bara baku mika sip kama naha diara nani takaia ba wina swakwaia, ban sin Upla Luhpia Waitna maiwanra kaia.”

Luk 22:46

Bara witin bila: —¿Dîa kan man nani yapisma ki? Man nani bus, puram sin suns, traika kaikan ra kauhmara sîa.

Luk 3:26

Nagai ba Máhat luhpia, Máhat ba Matatías luhpia, Matatías ba Semeí luhpia, Semeí lika Josec luhpia, Josec ba Juda luhpia;

Luk 3:37

Lámec lika Matusalén luhpia, Matusalén ba Henoc luhpia kata, bara Henoc ba Jéred luhpia, Jéred ba Mahalalel luhpia, Mahalalel ba Cainán luhpia;

Apastil Nani Sturka 1:14

Piua bani witin nani sut, Jisas muihnika nani aikuki asla taki kan ai pura sunaia. Witin nani ai tilara Jisas yaptika Meri bara mairin wala nani sin bâra kata.

Apastil Nani Sturka 10:2

Witin lika ai watla uplika aikuki Gâd ra sibrin luki mayuni kan. Witin sin lalah uya yaban Ju uplika umpira nani ra hilp munaia, ban sin Gâd ra ai pura suni kan.

Apastil Nani Sturka 12:5

Bamna Pita silak ra kan, aihwawakra nani mita sin pain aihwaki kaiki kan, sakuna serts uplika nani lika witin dukiara Dawan ra karna pali ai pura suni kata.

Apastil Nani Sturka 6:4

Yang nani lika takaskras ban puri suni kira, Dawan bîla ba upla ra smalki kamna.

Roman 12:12

Naika diara briaia sma ba dukiara liliam bas; pât wahwisma ba ra, kupiam alki takaski bri bas. Piu bani puram sunaia lâka ba swipara.

Roman 8:15

Bamna Spirit man nani briram ba lika alba kaia spiritka apia sa kli sibri kaia; sakuna Spirit kumi Gâd luhpia wan dauki ba sika briram ba. Bara naha sim Spiritka na mita sika yawan wini ba: “¡Yang Aisiki!”

Galesha 4:6

Bamna, yawan nani na ai luhpia nani sapa tânka wan marikaia, Gâd ai Luhpia Spiritka ba wan kupia kat blikan; bara baha Spiritka Holikira wan kupia nani ra winisa: “¡Yang Aisiki!”

Epesus 1:16

takaskras kira Gâd ra tingki wisni man nani sut dukiamra puri sunisna bara man nani ra lukisna.

Epesus 2:22

Baku sin man nani, Kraist wal asla takram ba mita, wala nani sut ba wal asla taki utla kum takram, bara Gâd bahara iwisa ai Spiritka Holikira bâk.

Epesus 3:18

bara baku mika man nani pain tânkam brima lalukra nani sut aikuki, Kraist latwanka lâka yahpika ba, yarika ba, tihuka ba, purara ba.

Epesus 3:8

Gâd uplika sirpi nani sut tilara, yang na kau sirpi pali sna; sakuna Gâd mita ban adar aikan, Kraist yuyaka sip kulki sakras ba, Ju apia uplika nani ra smalkaia.

Epesus 6:19

Yang dukira sin puram suni bas, aisaia awarka ra Gâd mita bîla nani aikka aisamna, bara baku mika yang sip kamna swaki sakan sturka yamni yukukan ra ba sibrin âpu param aisaia.

Pilipai 1:4

Puri sunisna ba ra sin, piu bani liliakira man nani sut dukiamra makabisna;

Pilipai 4:6

Man nani diara kumi dukiara sin sari takpara, sakuna dîa dîa luha sma ba sut, Gâd ra puram sunra nani ra wis, makabi bas bara tingki sin wis.

Kolosi 1:3

Yang nani piua bani man nani dukiamra puri suni banhwisna ba ra, piua bani Gâd ra tingki wisna, wan Dawan Jisas Kraist Aisika ra.

Kolosi 1:4

Man nani Kraist Jisas ra kasak lukisma ba, yang nani walri, bara Gâd uplika sut ra latwan kaikisma ba sin,

Kolosi 4:2

Piua bani puram suni ban bas, aihwaki Gâd ra tingki wi bas.

1 Tesalonaika 5:17

Piu bani puram suni banhwi bas.

1 Timoti 2:1

Bamna tâura lika, yang makabi wisni, makabanka nani ba, pura sunra nani, makabanka ba, bara Gâd ra tingki wiaia ba sin, upla sut dukiara kaia sa.

2 Timoti 1:3

Yang puri sunisna piua nani ra mai lukisna ba ra, tihmia bara kakna ra yang bui Gâd ra tingki wisna, witinka ra kupi lukra klin ni ai warkka daukisna ba, almukki nani ai warkka daukan ba baku.

Pilimon 1:5

kan yang walri man ba Gâd uplika nani sut ra latwan kaikisma, bara Dawan Jisas ra kasak lukan lâka brisma.

Hibru Nani 5:7

Kraist naha tasba ra tauki kan piua ra, witin ai pura sunra nani bara ai makabanka nani ba sin, ai bîla baikra tara ni bara ai nakra laya uya saki sin Gâd ra yaban, witinka mita prura wina swaki sakaia karnika bri kan ba. Witin lika Gâd bîla wali daukan ba mita, Gâd bui witin ra walan.

1 Pita 4:7

Diara nani sut tnata yua ba pat baila sa. Baha mita, man nani sinskam yamni brih aihwaki bas bara kasak wilin pali puram suni bas.

Judas 1:20

Sakuna muihki laitwankira nani, man nani lika kasak lukankam lâka holi ba kat ban bûi bas. Spirit Holikira karnika ra puram suni bas.

1 Samuil 1:12

Ana ba baku yari pali Dawan ra ai pura suni kan ba ra, Elí lika ai bîla kat aman kaiki kan;