Epesus 5:26 - DAWAN BÎLA AISKA

²⁶ Kraist naha daukan serts ba holikira sakaia mata, bara lî ni bara ai smalkanka bîla ni klin daukan,

Epesus 5:26 ပူးပေါင်းရင်းမြစ်များ

Isikiel 16:9

Tahbi mai sakri, tala bri katma ba klin daukri, bara kîa yamni mai yûkri.

Isikiel 36:25

Lî klin wal sikbamna, klin daukamna ai tâskika sut ba wina, sunu daukamna aidul nani wal asla kata lâka ba wina;

Libait Lâka 14:11

Baha prîs mita sunu lâka warkka daukaia ba sunu takaia uplika ra wibia ba, diara nani bri ba sut, Dawan wal aisaia Tintka dimaika ra bri balbia wibia Dawan kaiki ba ra.

Libait Lâka 16:30

Baha yua ra man nani ba Dawan mawanra pâtkam swih tikaia lâka plikaia sma, man nani sut klin pali takaia.

Libait Lâka 8:6

Bamna Moses win Eran luhpia waitna nani ba ai lamara balbia. Witin nani balan bara Moses bui witin nani sikbi klin sakan.

Sakaraya 13:1

“Baha piua ra lî kârma kum takbia, bara baha laya ra Debit kiamka nani, Jerusalem ra iwi nani ba ai saurka nani ba sikbia.

Jan 13:10

Sakuna Jisas bila: —Ani uplika bisiura aihtaban ba, witin lika klin sa, bamna mina nani baman sikbaia sa. Baku bamna man nani lika klin sma, sakuna sut lika apia.

Jan 15:3

Man nani lika pat klin sma, baha bîla mai smalkri ba mita.

Jan 15:8

Bamna man nani mâ manis sakuma ba ra, Aisiki ba mayunra brisa, bara baha ba mita marikisma man nani ba kasak disaipilki nani sma.

Jan 17:7

Nanara witin nani kaiki banhwisa diara nani sut aikram ba, man wina atia sa;

Jan 3:5

Jisas mita pana win: —Kasak pali mai wisna, ani uplika lî ni bara Spirit wina aisubi takras kaka, witin sip Gâd kingka tasbaya ra dimbia apia.

Apastil Nani Sturka 22:16

Bara nanara, ¿man dîa bîla kaikisma ki? Mahka, yas tahbi mai daukbia, Dawan nina kat luki, saurkam nani sut sikbi sakaia dukiara.’

Apastil Nani Sturka 26:18

Man baha uplika nani nakra nani ba ilingkma, bara witin nani tihmia ra kau wapbia apia, sakuna ingni ra yarka wapbia. Bara sin Sitan mihta ra ban kabia apia, sakuna Gâd nina blîkbia; yang ra sin kasak lukbia, bara ai saurka nani sut ba swih tikan kabia, bara naika piua ra ai pliska bri kabia Gâd mita holikira sakan nani ba aikuki.’

Roman 10:8

¿Bamna, dîa pali aisisa ki?: “Gâd bîla ba man lamam pali kat sa, bîlam ra bara man kupiam kat sin.” Naha bîla na sika kasak lukan lâka yang nani smalkisna ba.

1 Korint 6:11

Man nani tilam wina tila nani ba baku nani kata. Sakuna man nani ba saurka wina pat klin mai sakan sa, holikira nani sin mai daukan sa, bara Dawan Jisas Kraist nina ba mita bara wan Gâdka Spiritka ba mita sin, kasakkira nani mai kulkan sa.

2 Korint 11:2

Kan yang lika man nani tâmwan lawisna, tâmwan lawanka kum Gâd wina sa; kan man nani ba Kraist mihta ra mai mangkri, bamna brin ai daukisa man nani ba witin mawanra mai brih waia, sim tiara pain kumi waitna kumi kat wal marit taki ba baku kaia.

Epesus 6:17

Swaki sakan lâka ba sin lal pura bikaia baku lamla ra baps, Spirit Holikira mita wanki sord ba sin bris, baha sika Gâd bîla.

Kolosi 3:16

Kraist smalkanka ba, man nani kupiam nani ra aiska pali banhwan kabia. Sins lâka sut ni pana pana smalki kupiam krauki banhwi bas. Pura Sunra Lawana nani, mayunra lawana nani bara lawana holikira nani ba sin, kupiam aiska Gâd ra tingki wih aiwani bas.

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

Hibru Nani 10:10

Jisas Kraist ba Gâd kupia lâka kat dauki, aima kumi baman ai wîna tara ba sakripais dauki yaban; baha ba aitani sa ban kaia ra; baku daukan bamna, Gâd yawan na saura lâka ba wina klin wan daukan sa.

Hibru Nani 10:14

Bamna sakripais kumi ni baman, baha uplika nani saurka wina klin daukan ba, witin mita ban kaia ra kasak aihwa daukan.

Hibru Nani 10:22

Baha mita, kaisa yawan wan kupia tânka kunin âpu bara kasak lukan lâka sin kasak pali brih, Gâd lamara waia; kan witin mita wan kupia nani ba klin daukan sa, yawan ba saurka dukiara pâtkira banhwisa lukbia apia dukiara, bara wan wîna tara nani ba lî tâski âpu ni sikban sa.

Hibru Nani 10:29

Bamna, Gâd Luhpia ra ai mina ni taibi uplika ba, bara tâlia ra bahki kulki ba, bara kupia yamni Spiritka ra sin saura muni ba mapara, ¿nahki kabia ki? ¡Man nani luki kaiks nahki witin ba kau klala saura pali briaia ba! Kan baha tâlia mita sika lâ daukan ba karna saki ba, bara baha ni sin uplika ba holikira daukan sa.

Hibru Nani 13:12

Baku sin, Jisas ba tawan getka lata tani ra prura pâtka ba wahwan, witin ai tâlia ni upla nani holikira nani daukaia dukiara.

Hibru Nani 4:12

Kan Gâd bîla ba rayaka brisa, bara karnika sin brisa. Baha ba sika sord mala napa wâl bri ba sut purkara kau mala sa, bara wan sulka bara wan spiritka biara pali ba kat dimi wisa, wan lukutbaika bara wan dusa bîla kat sin. Baha bîla ba mita wan kupia lukanka nani ba bara dîa daukaia luki ba sut sin klir pali sakisa.

Hibru Nani 9:14

Sakuna baku sa kaka, ¡Kraist tâlia ba kau karnika tara pali brisa! Ban kaia Spiritka bâk, Kraist witin ai wîna tara pali ba sakripais tâski âpu baku dauki, Gâd ra yaban. Witin ai tâlia ba mita wark bahki nani ba wina wan kupia dara walra ba klin daukisa, yawan bui Gâd rayakira dukia nani ba daukaia sip kabia dukiara.

Jems 1:18

Sturi kasakkira bâk rayaka wankan sa, diara nani sut paskan ba tilara, yawan pas tâura kaia dukiara; kan witin baku pali want sa bamna.

1 Pita 1:2

Man nani ba Gâd Aisa mita bâk mai sakan sa patitara wina, dîa daukaia lukan ba kat. Spirit bâk man nani ba upla holikira nani mai daukan sa; witin ra ai bîla wali daukma dukiara, bara Jisas Kraist tâlia mita klin mai daukbia dukiara sin. Bamna, man nani ba yamnika nani bara kupia kumi lâka manis pali bri kama.

1 Pita 3:21

Baha laya ba lika tahbi wan dauki laya ba lilka kan, naha mita sika nanara swaki wan saki ba. Tahbi daukaia lâka ba lika wan wîna ra tâski bri ba sikbi sakaia tânka apia sa, sakuna Gâd ra wan kupia dahra walra klin wankbia makabaia ba tânka sika. Bara swaki wan sakisa Jisas Kraist pruan wina kli buanka bâk.

2 Pita 1:9

Sakuna ya baha diara nani âpu ba, sim blain kum baku sa, apia kaka, diara ai lama kat baman kaiki ba wal kumi sa; ai âuya tiwan sa, piua luan ra saurka daukan ba wina klin sakan ba.

1 Jan 5:6

Jisas Kraist naha tasba ra balan tânka ba lî bara tala wal tânka ra wan marikan sa; lî ni baman apia, kuna lî bara tala wal praki marikan sa. Bamna Spirit pali naha diara na witniska sa, kan Spirit ba sika diara kasak tânka ba.

Judas 1:1

Yang Judas, Jisas Kraist warkka dadaukra bara Jems muihnika ba, naha wauhkataya ulbisna, Gâd Aisa mita latwan kaiki ba bara paiwan ba, baha nani Jisas Kraist mita kan kahbi brisa.