Epesus 4:31 - DAWAN BÎLA AISKA

³¹ Kupiam tahplika nani sut ba mahka swis, brinka saura nani, kupiam baiwanka nani, bara upla ra pura wini swira daukaia lâka nani, bara diara saura bani sut ba mahka swis.

Epesus 4:31 ပူးပေါင်းရင်းမြစ်များ

Blasi Sturka 27:41

Bara Isau baha yua wina Jekob ra misbara kaikata, baha yamnika ba ai aisika witin ra yaban kan bamna. Bara Isau ai kupia ra lukan: “Aisiki pruanka dukiara sari bri inaia yua nani ba aimakaia pat baila sa; bamna baha yua ba lubia ba ningkara, yang muihki Jekob ba ikamna.”

Blasi Sturka 37:21

Baha lâka witin nani daukan ba, Ruben walan. Bara witin Josep ba, muihnika nani ba mihta wina dakbi sakaia luki, witin naku win: —Yawan bui witin ba ikbiara.

Blasi Sturka 37:4

Sakuna ai muihni nani ba ai dara wali kaikan ai aisika ba Josep ra kau latwan kaiki ba, witin nani ra lika baku apia. Bara witin nani Josep ra misbara kaikan, bara lakula sin daukras kan.

Blasi Sturka 4:8

Yu kum Ken ai muihni Abel ra win: “Kaisa yawan impaki waia.” Bara baku takan. Witin nani twi ra kan ba ra, Ken ai muihni Abel mapara buan, bara ai muihni ba ikan.

2 Samuil 13:22

Absalón witin mita lika Amnón ra diara kumi sin wiras kan, sakuna ai lakra Tamar ra swira daukan ba dukiara lika misbara kaiki kan.

2 Samuil 19:27

Witin ba yang dukira king ra nini sauhkan. Ban sakuna, king ba Gâd insalka kum baku sa, bamna man dauks nahki kau yamni kaikisma ba kat.

2 Samuil 19:43

Israel wina uplika nani ba pana win: —Yang nani king purara kau aima matawalsip prais raitki brisna man nani purkamra. Baha purkara sin kiamka nani baku, yang nani ba man nani muihkam almuk nani. Baku bamna, ¿dîa muni bahki wan kulkisa? ¿Yang nani pas luki kaikras katna ki wan kingka ba kli tawi balaia ba dukiara? Ban sakuna, Juda uplika nani ba kau karna aisi kan Israel luhpia nani ba wal.

Lawana Nani 101:5

Baha nani ba bîla prakaia daukamni yukuwan ra ai lamara iwi uplika nani ninara aisi ba; witin nani ba tara sa luki ba, ai mawan snungki aisi ba, ¡baha nani mapara sip kupi alki takaskras sni!

Lawana Nani 140:11

Upla twisa yari nani ba wan tasbaya ra ban kabiara; diara saura dauki ba mita nina bliki bara sauhki tikbia.

Lawana Nani 15:3

witin lika upla ninara saura aisaras; ai uplika ra diara saura munras; upla ai lamara iwi ba mapara sin sturi saura bukras;

Lawana Nani 37:8

Kupiam baiwaia lâka ba swis, kasak kupiam baikaia lâka ba sin mahka lulks, kupiam lapta takbiara; baha wina saura daukaia lâka man taki aula.

Lawana Nani 50:20

Man muihkam dahra kwahkisma; ¡muihkam pali ba mapara bîla wirha nani wisma!

Lawana Nani 64:3

Baha nani ai twisa, sord baku mala dauki bara trisba nani lulki baku, bîla saura puisin nani aisisa.

Sins Lâka 10:12

Misbara lâka ba unsaban lâka nani bukisa, sakuna latwan lâka lika, lâ sauhkanka nani ra pura praki bikisa.

Sins Lâka 10:18

Misbara pura praki bri uplika ba kunin aisasara sa; nina sauhkan dahra kwahki ba, sins âpu nani warkka sa.

Sins Lâka 14:17

Ya diara isti dadaukra ba lukras kira diara daukisa; ya kupia krauki smalki ba laman lâka ra sâp kabia.

Sins Lâka 18:8

Dahra kwakwahkra bîla nani ba plun auhni pali baku sa, sakuna baha nani lika wan biara pali kat krauki auya.

Sins Lâka 19:12

King lawanka ba layan ihbi ba baku sa; sakuna witin yawan ra yamni luki ba, diwas laya twi purara ba baku sa.

Sins Lâka 25:23

Yahbra payaska mita lî ba aula; bara wan twisa alhwan sakbi aisin ba mita wan mawan saura lawi baku sakisa.

Sins Lâka 26:20

Pauta âpu ba ra, pauta klauhi ba daswuya, bara dusa kakuhbra âpu kaka, blahwan sin âpu.

Sins Lâka 29:22

Lawan tara bri waitnika ba blahwan bukisa, bara kupia lapta uplika piua bani lâ manis sauhki unsabisa.

Sins Lâka 29:9

Sins bri waitnika ba taniskira wal unsabisa kaka, ai kupia baikbia, lawaska kiki lâka bribia bara diara kumi sin wapni daukbia apia.

Sins Lâka 6:19

Witnis kuninkira ai bîla wina kunin man aisi ba, bara ani uplika tuski unsaban daukisa ai muihni nani tilara.

Smasmalkra 7:9

Kupiam sauhkanka mita yarka mai brih wabiara, kan kupia sauhkanka ba, upla sinskas nani dukia sa.

Jirimaya 6:28

Dawan, witin nani sut ba wan mapara babura atia sa; upla dusa kakuhbra nani bara watawikira atia; bras baku, ayan baku sa.

Jirimaya 9:4

Wan upliki nani ba sin kasak sa kulkaia apia; wan muihni pali ba ra sin kasak lukaia apia sa, kan ai muihnika nani ba sin pana pana kunin munisa, bara ai uplika nani ba sin ai uplika ninara saura aisisa.

Apastil Nani Sturka 21:30

Tawan aiska ba kupia turban pali takan, bara upla nani sut plapi aidrubi balan. Bara Pal ba alki raski, tempel ba wina sakan. Baha pali piua ra upla dur nani sut ba prakan.

Roman 3:14

Ai bîla ba watawi bara tahpla lâka ni banhki sa.

1 Korint 14:20

Muihki nani, tuktan sirpi nani baku luki kapara. Saura daukaia mapa ra lika tuktan nani baku bas, sakuna lukankam mapa ra lika upla almuk nani baku bas.

1 Korint 5:8

Baku bamna, wan lilia yua tara ba daukpi, brit îs almuk bri ba wal lika apia, saurka lâka bara tâski lâka îska ba, sakuna îs âpu britka ba wal mika, sunu lâka bara kasak tânka britka ba wal.

2 Korint 12:20

Bamna si brisna man nani mai kaikaia wamna ba ra, yang brin ai dauki ba baku ban kra mai kaikamna apia, bara man nani ai kaikaia brin mai dauki ba baku kra ai kaikma apia. Si brisna ban kra man nani tilamra aiklaban nani, tuman lâka nani, kupia baikan lâka nani, wînam kat man lukan lâka nani, tatuskaia lâka nani, nina aisanka nani, praut lâka nani bara inipis lâka nani sut sin bâra kabia.

Galesha 5:20

aidul nani ra mayunaia, sukia warkka daukaia. Upla ra misbara kaikaia, tar baiwan lâka, bara nina tâwan lawaia nani. Diara bahki dukiara wan kupia baikaia, bara wan kupia lâka baman pliki daukaia, dakwi takaia lâka, bara dakni sât sât paskaia sin.

Epesus 4:22

Bamna man nani blasi natkam almuk ra iwi katma lâka ba mahka swis, kan baha daukanka mita mai sauhkisa, bara ai brinka saura ba ni kunin mai munisa.

Epesus 4:25

Baha mita kli kunin aisapara, sakuna kumi bani ai muihnika ba wal diara kasak baman aisi kabia, kan yawan sut lika wîna tara kum sirpika nani sa.

Epesus 4:26

Ban kra kupiam baiwbia kaka, kuna saura lika daukpara; bara kupiam baiwanka ra yu dimpara.

Kolosi 3:19

Marit waitna nani, mayam mairin nani ra latwan kaiki bas, bara witin nani mapara lâ karna mangkpara.

Kolosi 3:8

Sakuna nanara naha diara nani sut mahka swis: kupia baiwanka, brinka karna lâka, saura lâka nani, swira daukaia lâka nani, bîlam wina saura aisaia ba sin.

1 Timoti 3:11

Sim baku hilpa mairin nani ba kulkanka bri uplika nani kaia sa, upla dahra kwakwahkra kaia apia, witin nani ba ai rayaka wapni bri kabia, bara diara sut mapa ra kasak kaia sa.

1 Timoti 3:3

bla tatakra kaia apia sa, unsasabra wal ai uplika kaia apia, sakuna kupia yamnikira bara kupia kumi lâka bri uplika kabia; witin ba lalah wantkira kaia sin apia sa.

1 Timoti 5:13

Witin nani sin upla watla ra kirhbi wih sturi bahki baman aisi ai taimka ba bahki ra baman tikaia lan takisa; sakuna kau saura pali, witin nani ba upla nina aisaia bara upla bisniska tilara dimaia lan taki banhwisa, bara diara aisaia apia nani ba baman aisi taukisa.

2 Timoti 2:23

Blahwanka tânkas nani bara sinskas nani bîla walpara; man pain kaikisma baha dukia nani wina unsaban nani takisa.

2 Timoti 3:3

Ai uplika nani ra latwan bara umpira sin kaikbia apia, upla nina aisasara nani kabia, ai wîna brinka nani sip alki takaskras kabia, kupias nani bara diara pain nani waihla kabia.

Taitus 1:7

Kan ani uplika pura kakaira warkka bri ba, witin lika Gâd warkka nani ba ai mihta ra brisa, bara baha mita witin pât kumi sin âpu kaia sa. Witin ba lal karna kaia apia sa, daukanka saura bri uplika kaia apia sa; bla tatakra kaia apia, unsasabra sin apia, saurka lâka wina lalah alkaia apia.

Taitus 2:3

Baku sin, serts almukka mairin nani ra wis, upla wal kulkan lâka ra iwaia, upla dahra kwahki kabiara, bara bla tatakra kabia apia. Witin nani ba diara pain ba kat smalkaia sa,

Jems 1:19

Naha na âmya ra bri bas, muihki laitwankira nani: man nani kumi bani walaia dukiara ridi kaia sma, sakuna damra wali kaia sma, aisaia bara praut takaia mapa ra.

Jems 3:14

Sakuna man nani kupiam ra tuman lâka tahpla pali brisma ba ra, wînam dukiara sin diara nani daukisma kaka, sinskam ba dukiara wînam ra tara lukpara, kan baha ba kasak lâka mapara kunin aisisma, apia sin wisma.

Jems 4:11

Muihki nani, pana pana man nani saura aisapara. Ya ai muihni mapara saura aisi, lâka sin aisi dauki kaka, witin lika Gâd lâka mapara saura aisisa; bara lâ wihtka aimakisa. Bara man nani bui Gâd lâka mapara aisisma kaka, lâ bîla wali daukaia katma watlika ra, lâ wihtka ni aimakisma.

1 Pita 2:1

Baha mita man nani saurka ba sut mahka swis; kunin lâka kli daukaia apia, kunin daukanka nani mahka swiaia, tuman lâka bara nina sauhki aisanka sâtka nani sut sin.

1 Jan 3:12

Yawan lika Ken baku kaia apia sa; witin lika dibil uplika kan ba mita, ai muihni ra ikan. ¿Bara dîa muni ikan ki? Kan Ken dîa dauki kan ba saura baman kan, kuna Abel dîa dauki kan ba lika yamni pali kata.

1 Jan 3:15

Ai muihni ra latwan kaikras ba lika upla âikra sa, bamna man nani pain kaikisma upla âikra kumi sin ai kupia ra raya ban kaia lâka sip briras.

Param Marikanka 12:10

Bara kasbrika purara bîla baikra tara kum walri, naku aisin: “Swaki sakan lâka ba pat balan. Yawan wan Gâd karnika ba kingka lâka ba, nanara Kraist karnika ba marikan sa. Kan wan muihni nani dahra kwakwahkra ba saki lulkan sa, witinka kakna bara tihmia wan Gâdka mawanra baha nani dahra kwahki kata ba.