Epesus 4:29 - DAWAN BÎLA AISKA

²⁹ Sturi aisi banhwisma ba ra uplikam mapara bîla saura lika aisapara, sakuna hilp munaia bîla ni aisas, dîa witin want dukia ba yama bara baha wal pâwbia, bara bahmuna bîla aisaram wali uplika ba mapara hilpka pali sa.

Epesus 4:29 ပူးပေါင်းရင်းမြစ်များ

Lawana Nani 45:2

Man waitna kau painkira sma, waitna wala nani ba wal. ¡Man unam aisisma ba, wan kupia aihka sakisa! Baha mita Dawan bui man ra yamni mai munbia ban kaia ra.

Lawana Nani 5:9

Witin nani sturi kasak aisaras; ¡lukanka bîla tani ba sut aisawan! Ai kârma ba, raiti kwawan baku sa; ¡kunin nani ba ai twisa ra sa!

Lawana Nani 52:2

Man twisam, saura daukaia dukiara baman aisisa; man twisam ba, upla âikra pali sa, sin skiru malika ba baku.

Lawana Nani 71:24

Baku sin yang twisi ba aisi wibia, aima bani ra man ba kasak sma, bamna nanara baha uplika nani, trabil ai munaia pliki kata ba lika ai swira takan kabia.

Sins Lâka 12:13

Upla watawikira ba, ai kuninka aisi ba tilara aiblakwisa, sakuna kasakkira ba lika trabil saura wina swak takisa.

Sins Lâka 15:23

Pana aisaia bîla pali ba walaia lilia wan sakisa, sakuna nahki prais kau lilia sa baha piua pali kat walaia.

Sins Lâka 15:7

Sinskira nani bîla aisinka wina sins lâka yakabisa, sinskas ba, ai lukanka wal, dîa sut ba mapara man daukisa.

Sins Lâka 16:21

Ya sins lâka ra luki kaiki ba, baha ba sinskira nina mâkisa, kupia yamni bîla aisanka ba, kau pain kasak lukaia wankisa.

Smasmalkra 10:12

Sinskira bîla aisanka nani ba, upla pain walisa, sakuna sinskas aisanka ba ai wîna ra sauhkisa:

Aiseya 50:4

Dawan mita ai smalkan swapan nani ba yang mita maisa nihkaia, tasapaia bîla nani aisi. Titan bani lukanki ra ai munisa witin aisi ba pain wali kaia, swapni bani kira baku walaia dukiara.

Matiu 5:16

Baku sin, man nani yarka ingnikam upla sut mawanra ingbia, bara diara yamni dauki banhwisma ba kaiki, witin nani mita kasbrika purara bâra ba mayunbia.

Luk 4:22

Upla nani bahara kan ba sut, Jisas dukiara pain baman aisin, tâ sin iwan kan, bîla painkira nani witin nani ra aisin ba dukiara. Pana pana sin makabi wali kan: —¿Naha apia Josep luhpia ba?

Jan 1:37

Jan nina blablikra wâl ba mita naha aisin walan ba ra, mahka Jisas nina blikan.

Roman 14:19

Baku bamna, kupia kumi lâka dauki dukia nani ba nina blîkpi, baha diara nani wal sip ba, wan walka wal pana pana hilp munaia spirit lâka mapara pâwaia dukiara.

Roman 15:2

Yawan kumi bani wan muihni kupia lâka daukaia sa, witin ba pain kabia dukiara bara kasak lukan lâka ra sin pâwbia dukiara.

1 Korint 14:19

sakuna prias dauki ba ra kau want sna, upla tânka briaia sip kaka bîla matsip aisaia, upla wala nani ra sin smalkaia dukiara, bîla sât aihka ni bîla 10,000 aisaia watlika ra.

Epesus 4:12

Witin naku daukan, Gâd uplika nani bani kristian warkka daukaia ba mata, Kraist wîna tara ba pain paskaia dukiara,

Epesus 4:16

Kraist ba mita wîna tara aiska asla pain sa; bamna wîna sirpika bani witin ra asla takan ba ra, sut ba pain wark takuya, bara wîna sirpika bani ba mahka latwan lâka ra pain pâwisa.

Kolosi 4:6

Sturi nani aisisma ba sut sin pain bara auhni kabia, bara kaiki banhwi kaia sma, dîa upla ra pana aisaia sma ba.

1 Tesalonaika 5:11

Baha mita, pana pana tâm baiki bas, bara pana pana sin walkam ra hilp muni bas, nanara daukisma ba baku.

1 Pita 2:12

Gâd ra kakaira apia nani tilara pain watauki bas. Baku, witin nani bui mampara man nani ba lâ sasauhkra nani baku damhra sâkbia ba ra, daukankam pain nani ba kaiki, Gâd ra mayuni kabia, witin bal tânkam dukiara mamkabi walbia yua ra.

1 Pita 3:1

Baku sin, man nani maya mairin nani, mayam waitna nani ra bawi bas, bara baku mika witin nani tila wina kum kum kra, Gâd bîla ba ra kasak lukras kaka, ai maya mairin nani tânka pain ba mita, witin nani kupia alkan kabia. Man nani ba bîla kum pan aisaia sin apia sma,

2 Pita 2:18

Witin nani lika bîla bahki bara praut baman aisisa, bara tanis lâka ra iwi uplika nani wina swakwan nani ba, witin nani ra daukanka saura pali ni bara wîna tara brinka nani ni maisa kapisa.