Epesus 4:26 - DAWAN BÎLA AISKA

²⁶ Ban kra kupiam baiwbia kaka, kuna saura lika daukpara; bara kupiam baiwanka ra yu dimpara.

Epesus 4:26 ပူးပေါင်းရင်းမြစ်များ

Lawana Nani 37:8

Kupiam baiwaia lâka ba swis, kasak kupiam baikaia lâka ba sin mahka lulks, kupiam lapta takbiara; baha wina saura daukaia lâka man taki aula.

Lawana Nani 4:4

¡Sibrinkira tatatwi bas, bara kau saura daukpara! Man krikrikam ra aitniki bara sâp prawi, ningkara kupiam wal aisi, tânkam pliks;

Impakan Sturka 11:8

Bara Moses naha bîla aisi, win: —Man uplikam tara nani ba sut yang ra ai kaikaia balbia, ai lula kriki yang ra makabi ai wibia: ‘Uplikam nani sut ninam bliki nani ba brih, man nani mahka taki was.’ Sakuna yang taki wamna apia. Baku aisin bara Moses ai kupia baiwan, king mawan wina mahka taki wan.

Sins Lâka 14:29

Upla ai kupia alki takaskaia lâka manis bri ba, sins tânka bri ba marikisa; sakuna sip ai kupia alki takaskras uplika ba, tanis lâka tânka marikisa.

Sins Lâka 19:11

Upla tânkira muni ba mita, ai lawanka tara ba ban alki takaski brisa; bara witin ai prana ba sika, witin ra saura munan sakuna pana diara munras ban pura luisa.

Sins Lâka 25:23

Yahbra payaska mita lî ba aula; bara wan twisa alhwan sakbi aisin ba mita wan mawan saura lawi baku sakisa.

Smasmalkra 7:9

Kupiam sauhkanka mita yarka mai brih wabiara, kan kupia sauhkanka ba, upla sinskas nani dukia sa.

Kulki Kaikanka 20:24

“Eran ba prubia, Israel luhpia nani ra tasba yaia wîri ba ra dimbia apia, kan Meribá laya kârma lamara man nani bîli lulkram.

Matiu 5:22

Sakuna yang bui man nani ra mai wisna: Ya ya ai muihni mapara ai kupia baikbia kaka, lâ pâtka dimbia. Ya ai muihni ra bîla saura wibia ba, lâ wihta nani mita ai lâka daukbia; bara ya ai muihni ra kunin lâka daukbia ba, hil pauta pâtka briaia pat baila sa.

Mark 10:14

Jisas baha kaiki baha nani ra lawi daukan, bara naku win: —Swis tuktan nani ba yang ra balbia, witin nani takaskpara, kan Gâd kingka lâka ba witin nani sâtka uplika nani dukia sa.

Mark 3:5

Bara Jisas lawi pali kir kaikan, sakuna sari pali sin takan, witin nani tânka briaia briras kan bamna. Bara skahwa waitna ra win: —Mihtam ba sakbram. Bara sakban, ai mihta ba pain takan.

Kli Smalkanka 24:15

Kau lapta ulras kainara wark takan ba mana aibaps, kan umpira sa bara nit sa, baha lalahka raya kaia dukiara. Man nani mampara aisi Dawan ra makabia kaka, pâtkam ba saurakira mai kulkbia.

Jems 1:19

Naha na âmya ra bri bas, muihki laitwankira nani: man nani kumi bani walaia dukiara ridi kaia sma, sakuna damra wali kaia sma, aisaia bara praut takaia mapa ra.

Jems 1:20

Kan upla ai kupia baiki ba, Gâd kupia lâka ba kat sip daukras.

1 Samuil 20:34

Bara Janatan ai kupia sauhki tibil wina buan, baha yua pata ba sin piras, witin ai kupia wirha tara brin Debit dukiara, ai aisa mita witin ra sin saura pali munan bamna.