Epesus 3:3 - DAWAN BÎLA AISKA

³ Gâd ai tânka dahra prakan ra bri kan ba param marikan, yang pali ra sin aikan kaikri, pat bîla prahni mai ulbatna ba baku.

Epesus 3:3 ပူးပေါင်းရင်းမြစ်များ

Apastil Nani Sturka 22:17

“Jerusalem ra kli balri ba ra, yang tempel ra wih puri suni kapri ba ra, diara aihka kum kaikri.

Apastil Nani Sturka 22:21

Sakuna Dawan bui ai win: ‘Man mahka was, yang bui man ba laihura mai blikaisna, Ju apia nani tilara.’ ”

Apastil Nani Sturka 23:9

Sut ba wini banhwi kan; bamna parisi daknika tila ba wina Lâ Smasmalkra tila nani sin buan, bara win: —Naha waitnika na diara saura kumi sin daukras, ban kra spirit kum, apia kaka insal kum sapa witin ra aisin.

Roman 11:25

Muihki nani, Gâd daukanka dahra prakan ra bâra ba tânka brima brin ai daukisa, man nani ba sinskira sma lukaia apia dukiara: Tila Israel luhpia nani kupia karna takan ba, Israel apia nani ba sut Gâd ra brih balaia piua kum praiska baman dukiara sa.

Roman 16:25

Bara nanara, Gâd ra mayunpi, witinka sip pali ba man nani karnakira mai daukaia, dîa yang swaki sakan lâka bara Jisas Kraist tânka sin mai smalkisna ba baku. Naha tânka na lika Gâd kau tasba paskras kan piua wina, diara yukuki bri kata ba nanara param sakan ba sika,

2 Korint 12:1

Diara kumi sin hilp sakras upla kum witin yakan ai dukiara diara aisaia tânka ba wina, bamna kanra pain kabia diara aihka nani bara param kaikri dukia nani Dawan ai marikan nani ba aisaia.

Galesha 1:12

Baha ba upla kumi mita sin ai smalkan yang briras, sakuna Jisas Kraist mita aikan kaikri.

Epesus 1:17

Makabisni wan Dawan Jisas Kraist Gâdka ra, Aisa pranakira ba, witin mita sins lâka spiritka maikbia, bara sip kama witin param takan ba tânka pain kaikaia, bara witin ra sin kau kakaira kaia.

Epesus 3:4

Aisi kaikma bara man nani sip sma kaikaia, Kraist ra diara yukukan bâra ba yang kaikisna,

Epesus 3:6

Naha sika diara yukukan ra kan ba: Swaki sakan lâka smalkanka bâk, Ju apia nani sin Ju nani wal baku, Gâd yamnika nani wina ai dukia bribia, kan sim wîna tara sirpika nani sa, bamna Gâd mita Kraist Jisas bâk, dîa pramis daukan ba wina sin ai dukia brisa.

Epesus 3:9

Bara adar sin aikan upla sut yarka kaikbia, Gâd patitara piua wina diara yukuki bri kan ba dîa kata sapa, witinka sika diara nani sut paskan ba.

Epesus 6:19

Yang dukira sin puram suni bas, aisaia awarka ra Gâd mita bîla nani aikka aisamna, bara baku mika yang sip kamna swaki sakan sturka yamni yukukan ra ba sibrin âpu param aisaia.

Kolosi 2:2

Aiklabisni baha nani sut ai kupia nani ra tâ baikanka bribia, aikuki asla latwan lâka ra kabia, bara diara tânka kaikaia kasak ba bribia, bara Gâd tânka yukukan ra ba bribia, baha sika Kraist witinka pali ba;

Kolosi 4:3

Yang nani dukira sin puram suni bas, Dawan mita yang nani ra dur kum saki aikbia sturi yamni ba smalkaia; bara Kraist tânka prakan ba sin aisaia, kan naha sin dahra prakan tânka na dukiara silak ra ai brisa.

Hibru Nani 13:22

Muihki nani, yang bui man nani ra mamkabisna, kupia kraukanka bîla nani na kupiam takaski kira wali kama, wauhkataya mai ulbri na uya yari apia sa bamna.

1 Pita 5:12

Silvano hilpka ni, witinka muihni kasakkira kum kulkisna ba, naha wauhkataya bîla prahni na mai ulbisna. Yang want sna man nani tâm baikaia bara witnis taki pali sin mai wisna: yamnika nani briram ba lika, Gâd latwanka tânka kasak ba sika. ¡Baha ba kat bapi bûi bas!

2 Pita 3:15

Bamna luki bas, wan Dawan yawan aikuki wihka bîla kaiki ba lika, yawan sut swaki wan sakaia dukiara sa. Baku sin wan muihni latwankira Pal sin man nani ra ulban sa, Gâd mita sins lâka yan ba tânka kat.