Epesus 3:20 - DAWAN BÎLA AISKA

²⁰ Bara Gâd ra mayunan kabia, witin lika sip pali sa yawan dîa makabia ba bara wan kupia ra luki ba sut kau pura luki daukaia, ai karnika yawan ra wark dauki ba ni.

Epesus 3:20 ပူးပေါင်းရင်းမြစ်များ

Blasi Sturka 17:1

Ebram 99 mani bri kan, Dawan ba witin ra bal taki, sturi aisin: —Yang sika Dawan, karnika sut brisna ba; rayakam ba yang maiwanra sunu iwi bas.

Blasi Sturka 18:4

Man sin aitani lukisma kaka, yang wimna lî wiria bri balbia man nani minam sikbaia dukiara, bara ningkara dus munhtara man nani minit kum ris bri kaia.

2 Samuil 7:19

¡Naha na diara bahki kum baku kulkram, Dawan, man ban luki bara aisaram albikam kiamka yua nani bîla kaikanka ba dukiara! Dawan, upla kumi sin man baku sip diara daukras.

1 King Nani 3:13

Bara sin man bui diara nani makabras kapram dukia nani ba sut maikuna, yuyaka manis briaia lâka bara prana lâka sin. Baku bamna man yuam nani sut ra, king wala âpu kabia man baku.

2 Kronikas 25:9

Amasías bui Gâd waitnika ra makabi walan: —Sakuna, ¿dîa takbia 3,300 kilo pura silbar Israel suldiar daknika ra yabri ba? Gâd waitnika ba pana witin ra win: —Dawan diara sut brisa man yaram ba pura praki maikaia.

2 Kronikas 9:12

Bara king Salaman sin, pana Sabá kwinka dîa makaban ba sut yaban, witin ra diara bri balan ba purkara pura praki yan. Baha wina kwin ba kli ai kuntrika ra wan ai uplika nani aikuki.

Impakan Sturka 34:6

Moses mawanku lui, ai bîla baikra tara buki win: —¡Dawan ba! ¡Dawan ba! ¡Gâd kupia swapni umpira kaiki ba, ai kupia alki takaski, latwan kaikaia lâka tara bara kasakka lâka sin bri ba!

Yamni Kulki Lawana 5:1

Giadinki ra pat bal dimri sa, laikra lupia, wal kut taki mairka, sîka mâka kîa painkira bara isint kîa auhni nani brisna ba pat briri sa, nasmiki laya ba pat dabi kaikri sa, wainki laya bara bîpki tialka laya sin pat diri. Pâinika nani, pi banhs bara sin di banhs, nahki din mai dauki ba kat dis.

Aiseya 35:2

Tangnika ailal baiwbia, bara sin witin lilia aiwanbia, liliakira pali. Líbano mayunra ba witin ra yan kabia, Carmelo, Sarón prana ba sin tasba maura ra. Upla sut Dawan prana ba kaikbia, wan kingka Gâd prana ba.

Aiseya 55:7

Saurakira ai yabalka ba yarka swibia, bara upla watawikira ba sin ai kupia lukra nani ba swibia; bara man nani lika Dawan ra kli tawi bal, witin nani umpira kaikan lâka bribia; yawan wan Gâdka ra, witinka wan saurka swi tikaia lâka tara bri ba.

Jirimaya 32:17

‘Dawan, man kasbrika pura bara tasba sin paskram ba ni karnikam tara ba marikisma. Man daukaia sip apia dukia ba âpu sa.

Jirimaya 32:27

“Yang sika Dawan, diara rayaka bri ba sut Gâdka. Yang maipara sip apia sna ba kumi sin âpu sa.

Daniel 3:17

Yang nani Gâdki, witin ra mayuni banhwisna ba sip sa baha kubuska pauta klauhan tara ba wina, bara dîa saura wala kra sin, man king tara, ai munaia lukma ba wina swaki ai saki banhwaia.

Daniel 6:20

Bara layan nani watla ba lamara auya kan ba ra, king ba sarikira wal ai bîla saki Daniel ra wini, win: —Daniel, Gâd rayakira dukia dadaukra sma ba, ¿baha Gâdka kasak tânka ra dukia daukisma ba, layan nani wina swaki mai sakan sa ki?

Matiu 3:9

bamna pana pana aimayuni naku aisapara: ‘Yang nani na Ebraham kiamka’; kan yang bui man nani ra mai wisna: Gâd sip sa naha walpaya nani na wina Ebraham kiamka daukaia.

Jan 10:10

“Bamna âimplikra ba lika aula, implikaia bara iki âpu daukaia baman; sakuna yang balri na lika, witin nani raya kaia lâka bribia ba dukiara, bara baha sin manis pali bribia mata.

Roman 16:25

Bara nanara, Gâd ra mayunpi, witinka sip pali ba man nani karnakira mai daukaia, dîa yang swaki sakan lâka bara Jisas Kraist tânka sin mai smalkisna ba baku. Naha tânka na lika Gâd kau tasba paskras kan piua wina, diara yukuki bri kata ba nanara param sakan ba sika,

Roman 4:21

bamna witin kasak pali luki kan, Gâd karnika brisa dîa dîa witin pramis dauki ba sut daukaia.

1 Korint 2:9

Sakuna, Ulbanka ra wi ba baku: “Witin ra latwan kaiki nani dukiara, Gâd diara nani ridi daukan sa; baha dukia nani ba kau upla kumi sin kulkras sa, walras, bara luki pali sin kaikras.”

2 Korint 9:8

Gâd sip sa man nani ra dîa dîa brin mai dauki ba purkara kau maikaia, bara baha purkara man nani dukiam kau manis pali bri kama bara wark yamni sât sât daukaia dukiara sin aitani kat.

Epesus 1:19

bara ai karnika ba sin tara pali bara tnata âpu sa, bamna baha karnika sika yawan bui witin ra kasak lukan nani bani ra ai warkka dauki ba. Naha sim karnika sika Gâd mita karnika aiska aihwa pali ni wan marikan,

Epesus 3:7

Bamna yang na, Gâd ai uplika nani ra diara yaia win ba sturka yamni albika takri. Gâd naha na aikan, witin ai karnika tara wal wark dauki ba kat.

Kolosi 1:29

Naha dukiara yang wark takisna, bara Kraist mita karnika aikan ba ni, aiska pali karna trai kaikisni.

1 Timoti 1:14

Baha mita, wan Dawan ai kupia yamnika lâka uya bri ba ni yang ra ai banhkan, bara kasak lukan lâka, latwan lâka yawan Kraist Jisas wal asla ba, baha sin Dawan mita yang ra aikan.

Hibru Nani 11:19

Ebraham kasak lukan, Gâd ba pruan nani pali sin kli bukaia karnika brisa; bara maprika tânka baku sip sa wiaia, Ebraham ba ai luhpia pruan nani tila wina kli brin.

Hibru Nani 7:25

Baha mita, nanara bara ban kaia ra, witin bâk Gâd lamara wi nani ba ra witin mita swaki sakaia sip sa, kan witin ba ban kaia ra raya iwisa, witin nani tâwan Gâd ra makabaia dukiara.

Jems 4:12

Bamna Gâd mita lâ ba yaban, bara witin sika lâ wihtka aimaki ba. Bara witin baman swaki wan sakaia sip sa, bara iki wan tikaia sin. Bara, ¿man ba ya sma ki, uplikam lâka daukisma ba?

2 Pita 1:11

Baku lika, wan Dawan Sasakra, Jisas Kraist ban kaia ra king aimaki ba pliska ra dimaia nani sut ba, man nani ra param sakan kabia.

Judas 1:24

Gâd kumi baman bara swaki wan Sasakra ba, karnika brisa main mai kaikaia kauhmara sîa, witin ai mawan pranakira ra maikka buma tâski âpu liliakira. Gâd ra mayunan kabia, tara kulkan lâka karnika bri ba lâka, bara lâ wihtka kaia aitani kulkan lâka ba sin, wan Dawan Jisas Kraist bâk patitara piua ba wina, nanara bara ban kaia ra. Baku kabia.