Epesus 3:18 - DAWAN BÎLA AISKA

¹⁸ bara baku mika man nani pain tânkam brima lalukra nani sut aikuki, Kraist latwanka lâka yahpika ba, yarika ba, tihuka ba, purara ba.

Epesus 3:18 ပူးပေါင်းရင်းမြစ်များ

2 Kronikas 6:41

“Bus, Dawan Gâd, lâmka auhbaia watla karnakira ba alki, bara anira man ris briaia pliska ba kaiks. Man, Dawan Gâd, man prîskam nani ba swaki sakan prâka dimi kabia, uplikam holikira nani ba lilia kabia kupiam yamnika ra.

Lawana Nani 103:17

Sakuna Dawan kupia latwanka lâka ba, ban kaia ra bâra sa, baha nani witin ra pain kulki nani ba ra; ai kasakka lâka ba tnata âpu sa baha kiamka nani sut ra,

Lawana Nani 116:15

Dawan mapara karna pali sa kaikaia witin ra latwan kaiki uplika nani pruanka ba.

Lawana Nani 132:9

Prîskam nani ba swaki sakan kwalka ni dingkan kabia; uplikam aihwa nani ba ai lilia wini kabia.

Lawana Nani 139:6

Sins lâka aihka painkira ba, yang sip alkras; ¡laih purara sa, baha yang sip alkras, baha tânka briaia!

Lawana Nani 145:10

¡Dawan, man warkkam nani sut daukram ba mita mamyunbia! ¡Kasak lalukra nani mayunan kabia!

Sakaraya 14:5

Bara man nani baha ilka nani langnika bîla taki plapma tnaya wala ba kat, langnika ba Asal kat auya bamna. Ozías king aimaki kan piua ra, tasba nikban bara damikam nani plapata ba baku plapma. Bara Dawan Gâdki ba witin ai uplika kasakkira nani ba wal aikuki balbia.

Jan 15:13

Latwan lâka kau tara upla briaia sip ba lika, ai uplika nani dukiara ai rayaka yabaia ba.

Roman 10:3

Sakuna Gâd upla ra pâtka wina pri saki ba witin nani baha kaikras, baha mita witin nani ai natka bâk swak takaia plikisa, Gâd daukan ba ra bawras kira.

2 Korint 13:13

Wan Dawan Jisas Kraist kupia yamni lâka ba, Gâd latwanka lâka ba, bara Spirit Holikira wal asla kaia lâka sut ba sin man nani wal kabia.

Galesha 2:20

Yang lika Kraist wal dus prihni ra pruri; baha mita yang apia sika raya sna ba, sakuna Kraist sika yang ra raya iwisa. Bamna wîni tara mapa ra yang raya sna ba lika, Gâd Luhpia ra kasak lukisna ba mita raya sna, witinka yang ra latwan ai kaiki prura mihta ra ban aimakan ba.

Galesha 3:13

Lâ mita saura pali wan kulkan ba wina Kraist mita pri wan sakan sa, kan yawan wan tâwan witin lika upla saura kum baku takan; Ulbanka ba wisa: “Saura pali sa baha nani dus ra paman prui ba.”

Epesus 1:10

Gâd diara daukaia lukan ba lika, diara bani ba piua kat sut pali tnata alkan kabia, bara yaka paskanka aiska ba asla takbia ba ra, Kraist lika baha sut lal kabia, diara nani kasbrika purara ba bara tasba ra ba sut sin.

Epesus 1:15

Baha mita man nani bui Dawan Jisas ra kasak lukisma ba, bara Gâd uplika nani sut ra latwan kaikisma ba, yang kaikri ba ra,

Epesus 3:19

Bahamna, puri sunisna baha latwanka lâka tânka ba man nani brima, baha tânka ba kau tihu sa tânka wala sut kaikan wan dauki ba wal, bara baha mita Gâd latwanka lâka ni aibanhwan pali kama.

Kolosi 1:4

Man nani Kraist Jisas ra kasak lukisma ba, yang nani walri, bara Gâd uplika sut ra latwan kaikisma ba sin,

1 Timoti 3:16

Upla kumi mita sin Gâd ra luki kaia, dahra prakan tânka tara ba sip apia wiras: Gâd ba upla baku latan takan; witin ba Spirit mita kasak kulkan kata, bara insal nani mita sin witin ba kaikan. Ai tânka ba nisan nani tilara aisi smalkan kata, upla sut mita witin ra kasak lukan, bara kasbrika purara sin witin ba bri banhwan kata.

Param Marikanka 3:21

Ya ya sip muni pura lubia ba, yang king iwaiki ra plis kum yabamna, yang wal iwaia, sim yang mita pura lui Aisiki wal ai king iwaika ra iwisna ba baku.