Epesus 2:3 - DAWAN BÎLA AISKA

³ Piua luan ra yawan sut lika baha nani wal baku iwi kan, wan daukanka nani nina bliki kan, wan wîna tara bara wan kupia lukra brinka ba kat sin dauki kan. Baha mita klala saura pali Gâd wina ba, wan dukia kan, sim wala nani wal baku.

Epesus 2:3 ပူးပေါင်းရင်းမြစ်များ

Blasi Sturka 5:3

Bara Adam mani 130 alkan ba ra, ai luhpia waitna kum baikan, witin wal ai talia pali, ai lilka talia kat, bara nina ba Set mâkan.

Blasi Sturka 6:5

Bara Dawan kaikan upla nani watawika lâka ba tara pali kan tasba ra, upla nani ai kupia lukanka ra diara daukaia luki ba lika, kau saura dauki kaia ba baman luki kan.

Blasi Sturka 8:21

Bara Dawan baha kîa pain ba kiawalan; bara witin ai kupia ra lukan: “Upla ba tâka mita, tasba ra yang kli saura wimna apia; kan upla kupia lukra ba, kau wahma ba yua wina saura ra baman luki ban sa. Bara diara rayakira nani sut ba sin kli sauhkamna apia, nanara daukri ba baku.

Job 14:4

Upla kumi sin âpu sa diara tâski ba wina diara sunu sakaia.

Job 25:4

¿Sip sa ki upla bahki kumi ba, Gâd kaiki ba ra pâtkas bara sunukira kaia?

Lawana Nani 51:5

Yang kasak daihra walisni, saurakira sna ba, aisubi takri ba wina. Saurakira sna, yaptiki biara ra kapri ba wina.

Aiseya 53:6

Yawan nani sut, sîp baku wan mawahkan, kumi bani ai yabalka ra tawi wan; sakuna Dawan ba, yawan nani sut wan saurka ba, witin ai purara sunan.

Mark 4:19

sakuna naha tasba dukia nani ra lukan man, tasba yuyaka bahki mita kunin sin munisa, bara diara sât sât nani ba brin dauki, nina blikisa. Naha sut ai kupia ra dimi, sturi yamni ba blaki ikisa, bara naha nani sip yan mâ briras.

Jan 1:13

Witin nani Gâd luhpia sa, diara nani paskanka ba wina lika apia, baku sin upla brinka bâk sin apia, sakuna Gâd mita ai karnika wal mangkan bamna.

Jan 8:44

Man nani aisikam ba lika dibil; man nani ba witin wina atia sma, bamna dîa witin brin dauki ba kat daukisma. Dibil ba tâ pali piua wina upla âikra sa. Aima kumi sin kasakka lâka ra aibapi buras sa. Witin kunin aisi ba ra, ai tânka ba kat aisisa, kan witin lika kuninkira pali sa bara sin kunin aisika sa.

Apastil Nani Sturka 14:16

Piua luan nani ra Gâd mita ban swin upla nani sut ba ai yabalka kat man tauki kaia,

Roman 1:24

Baha tâwan Gâd mita witin nani ra tâski brinka dauki kan ba kat lulki swin, bara baku witin nani wala wal wan swira dukia nani ba daukan;

Roman 11:30

Man nani lika kaina piua ra Gâd bîla wali daukras katma, kuna nanara Ju nani bîla wali daukras kan ba mita, Gâd mita man nani ra kupia yamni mai kaikisa.

Roman 13:14

Sakuna, Dawan Jisas Kraist ba ni war aiklabaia prâka baku dims, bara wînam brinka saura nani baman pliki dauki âmyapah kaia upla natka kaia lukpara.

Roman 2:14

Bamna Ju apia uplika nani lâ ba briras, sakuna witin nani lâ dîa wi ba kat daukisa, âu baha lâka pali ba bri banhras, kuna witin nani ai wîna ra sika lâ bri ba;

Roman 5:10

Bamna yawan na kau Gâd wal wan waihla kan, sakuna ai Luhpia pruanka ba mita witin wal kupia kumi wan daukan, bamna nanara kau aiska pali Kraist rayaka ba mita swaki wan sakan kabia, nanara witin wal yawan kupia kumi sa bamna.

Roman 5:9

Bara nanara, Kraist pruanka ba mita Gâd mita pri mai sakan sa, bara kau pali Gâd lawanka ba wina sin Kraist bâk pri mai sakan kabia.

Roman 6:12

Baku ba mita, man nani yarka wînam ra saurka lâka mita taibi munbiara bara adar maikbiara wînam brinka ba bîla wali daukaia.

Roman 7:18

Bamna kaikisni yang pali ra, tânka ba kasak pali wibia kaka, yang pali wîni ra diara pain ba âpu sa; yang lika diara pain daukan ai daukisa, sakuna sip daukras sna.

Roman 9:22

Bamna Gâd lika ai lawanka bara ai karnika tânka ba marikan dauki kan ba ra, witin wihka ai kupia alki takaski brin, baha uplika nani klala yaia bara âpu daukaia aitani kulkan kan nani ba mapara.

1 Korint 4:7

Bamna, ¿man ba ya mita upla wala nani purkara kau tara mai daukan sa ki? ¿Diara nani brisma ba sut, Gâd bui maikras kata ki? Bara witin bui maikan kaka, ¿dîa kan tara pulisma, diara nani brisma ba man mita saki briram kan baku?

2 Korint 7:1

Baku bamna, muihki laitwankira nani, naha sika pramiska nani yang nani brisna ba. Bamna wan wîna bara wan spiritka sut ba tâski âpu klin bri kap; bara Gâd sibrinka ra, yawan na aiska holikira takaia sa.

Galesha 3:22

Sakuna Ulbanka ba wisa, sut lika saurka mita priski silak ra brisa; naha na naku sa, ya Jisas Kraist ra kasak lukbia ba, sip sa Gâd bui dîa pramis munan ba briaia.

Epesus 2:2

Bamna baha piua luan ra, man nani naha tasba daukanka saura nani ba nina bliki banhwi katma, bara pirit pâsa purara karnika bri ba bîla wali dauki katma, baha piritka sika Gâd bîla wali daukras nani tâ bri ba.

Epesus 4:22

Bamna man nani blasi natkam almuk ra iwi katma lâka ba mahka swis, kan baha daukanka mita mai sauhkisa, bara ai brinka saura ba ni kunin mai munisa.

Kolosi 1:21

Kaina piua ra man nani ba upla tringsar nani kapram bara Gâd wal wailhka kupiam nani ra, diara saura nani dauki kapram ba mita.

1 Tesalonaika 4:13

Muihki nani, yang nani want sna man nani kaiki kama pruan uplika nani ra dîa taki ba, baku man nani sari bri banhma apia, sim upla wala nani ai kanra diara bîla kaikanka âpu nani ba baku.

1 Tesalonaika 5:6

Baku bamna, yawan na wala nani ba baku yapaia apia sa; yawan lika raya kaia sa bara wan dara sin pain wali kaia sa.

1 Timoti 6:9

Sakuna yuyakira takan dauki nani ba, traika kaikan ra kauhisa, bara brinka karna taniskira ailal alki priski brisa; baha nani sika upla nani ra saura muni ba, bara sauhki tikaia lâka ra bara tanis tiwaia lâka ra sin rungkisa.

Taitus 3:3

Kan yawan pali na sin, pas piua sinskas nani kan bara Gâd bîla sin wali daukras. Yawan na aihka aimawahki tauki kan, bamna wan wîna brinka karna nani bara wan brinka dukia sât sât albika nani kata. Yawan na saurka lâka ra bara tuman lâka ra sin iwi kan upla wala nani mita misbara wan kaiki kan, bara pana yawan mita sin.

1 Pita 1:14

Luhpia kiama lihni nani baku bas, bara kau Gâd ra kakaira apia katma ba ra, brinka karna nani bri kapram ba, kli daukpara.

2 Pita 2:14

Mairin nani kaikbia ba sut want sa; saura dauki sin swapras. Sulka swapan takan nani ba maisa kapisa; witin nani baman sin diara manis bri kaia want sa; bamna baha nani ba upla saura pali kulkan sa.

2 Pita 2:18

Witin nani lika bîla bahki bara praut baman aisisa, bara tanis lâka ra iwi uplika nani wina swakwan nani ba, witin nani ra daukanka saura pali ni bara wîna tara brinka nani ni maisa kapisa.

1 Jan 2:16

kan tasba na mita wanki dukia ba kumi sin Aisa wina apia sa, tasba witin ai dukia sa. Wan wîna tara brinka saura nani ba, wan nakra diara kaiki bani brin dauki ba, naha tasba dukia nani ba wal aimayunaia lâka ba sut, naha tasba wina baman sa.

1 Jan 2:8

Ban sakuna, dîa ulbisna ba ban kra lâ raya baku takisa, bara baha ba diara kasak sa Kraist ra bara man nani mampa ra sin, kan tihmia ba mahka lui auya, bara kasak ingni ba pat ingwisa.