Epesus 2:12 - DAWAN BÎLA AISKA

¹² Baha piua man nani ba Kraist luha katma, Israel nisanka wina laihura kapram, bara Gâd bui Israel nisanka wal lâ nani bara pramis daukan ba sin kakaira apia katma. Naha tasba ra diara kumi sin kainamra bîla kaikras, Gâd sin luha iwi nani katma.

Epesus 2:12 ပူးပေါင်းရင်းမြစ်များ

Blasi Sturka 15:18

Baha pali yua ra Dawan Ebram wal lâ daukan, bara win: —Naha tasbaya na man kiamkam ra yabamni, Idsip awalka ba wina Éufrates awalka tara ba kat.

2 Kronikas 15:3

Israel ba piu wihka pali kan Gâd kasakkira ba wina laihura kan, prîs nani âpu, Dawan yabalka smalkanka marikaia sin âpu.

Esdras 4:3

Bara Zorobabel, Jasua bara Israel aisika nani bui pana naku win: —Aitani apia kabia yang nani na man nani wal Gâdki watla ba mâkaia, kan Persia kingka Ciro bui ai blikan, yang nani yakan naha na mâkaia, Israel Gâdka watla ba.

Impakan Sturka 12:45

Impapakra nani, wark taki ai mana bri uplika nani ba, baha nani ba sin sip pibia apia sa.

Aiseya 14:1

Âu, Dawan Jekob ra umpira kaikbia, baha purkara Israel sin kli bâk saki bribia, bara yaka ai tasbaya ra ris bribia. Tringsar nani ba sin witin aikuki asla takbia, bara Jekob taika nani ra asla prakan kabia.

Aiseya 44:6

Dawan, Israel kingka witin ra swaki saki ba, Dawan karnika sut bri ba, witin aisisa: “Yang sika diara sut tâura sna, ningkara sin yang bâra sna ba. Yang tnaiya ra Gâd wala âpu sa.

Aiseya 45:20

Asla taki bara bal, tawan ra raya takaskan nani ba, laimara bal. Witin nani kau baha nani tânka briras kan ba, baha nani ai aidulka dus ni daukan ba purara buki, bara witin nani gâd kum ra ai pura suni ba swaki sakaia gâdka apia ra.

Aiseya 61:5

Bara upla tringsar nani ba sîpkam nani ba pata dakakbia, tringsar nani ba sin, tasbayam babaikra nani kabia bara wainkam mamangkra nani sin.

Jirimaya 14:8

Israel bîla kaikanka, piua karna nani tilara yang nani swaki ai sasakra, ¿dîa muni man upla tringsar kum wan tasbaya ra tauki ba baku taukisma ba, impapakra kum tihmia kum man takaski mahka auya ba baku?

Jirimaya 17:13

Dawan, man sika Israel bîla kaikanka. Baha nani sut mai briras mai swin ba swira takan kabia. Baha nani sut man wina kitwi laihura taki ba upla nina tasba pukpuka ra ulbi swin tiwi ba baku lap tiwbia, man lî kârma kauhla, mai briras mai swin ba mita.

Isikiel 13:9

Yang mihti ba bukamna klala yabaia, prapit nani diara bahki nani kaiki bara kunin man smalki nani mapara; tawanki asla takanka ra âpu kabia; nina sin ulban kabia apia, Israel watla uplika wauhtaika ra, Israel tasbaya ra sin tawbia apia. Bara damra walma yang sika Dawan sna ba.’

Isikiel 37:26

Witin nani aikuki lâ kum daukamna, ai rayaka lamni lâka ra iwi kaia dukiara. Ban kaia ra wilkanka kabia. Yabrika ailal pali takbia, bara ban kaia ra tempelka holikira ba witin nani tilara mangkan kabia.

Isikiel 47:22

Naha sika man nani briaia sma ba, bara tringsar nani man nani tilamra iwi nani ba bara luhpa bri nani ba Israel ra aisuban baku kulkaia sa. Israel kiamka tilara baiki saki bribia ba ra, witin nani ra sin ai dukia yaban kabia.

Oseas 3:4

Kan Israel luhpia nani ba, piua wihka pali king âpu, wihta sin briras kabia, sakripais daukaia âpu, angkaika pliska nani sin âpu kabia; prîs prâka nani âpu kabia, baha gâdka talika nani sin âpu kabia.

Kulki Kaikanka 18:19

Upla nani ai prisantka yang ra aikaia brih aula ba sut, man nani ra maikisna, luhpiam waitna bara luhpiam mairin nani ra, witin nani wamtla ra kau man wal bâra ba. Lâ kum man nani wal yang daukisna, naha sip kli aihka tawaia apia sa baku dauki ban kaia.”

Luk 1:72

wan damika nani ra sin umpira kaikbia, bara ai pramiska holikira witin nani wal daukan ba sin ai âuya tikbia apia.

Jan 10:16

Bara sîp wala nani sin brisni, bara baha nani ba lika naha klarka wina apia sa; sakuna baha nani ba sin brih balaia sni. Âu, witin nani mita sin yang bîli walbia, bara baku dakni kumi takbia bara sepadka sin kumi kabia.

Jan 15:5

“Yang sika wain kiwka ba, bara man nani lika tnawa nani sma. Bara ani uplika yang wal asla ban ba, yang sin witin wal asla sna, bara baku lika witin ai mâ manis sakisa; baku bamna yang âpu kira man nani sip diara daukras.

Jan 4:22

Man nani Sameria uplika nani ba, yaura puram suni mayunisma sapa sin kaikras; sakuna yang nani lika kaikisna, yaura puri suni mayunisna ba, swaki sakan lâka ba Ju nani wina aula bamna.

Apastil Nani Sturka 2:39

Naha pramiska na lika man nani bara luhpiam nani sut dukiam sa, bara upla nani laihura banhwi ba sut dukia sin; wibia kaka Dawan wan Gâdka paiwaia luki uplika nani ba dukia sin.

Apastil Nani Sturka 28:20

Baha dukiara sika man nani mai paiwri aikuki prawi, aisi kaikaia. Yawan Israel luhpia nani naika wan kainara diara briaia bîla kaiki ba dukiara sika, naiwa mihti priskan na.

Apastil Nani Sturka 3:25

Gâd ai pramiska nani ai prapitka nani bâk aisin ba man nani dukiam sika aisin; Gâd wan damika wal lâ daukan lâka prapatika ba man nani sin dawanka sma. Gâd bui Ebraham ra win: ‘Tasba ra nisan nani sut ba man kiamkam nani bâk yamni munan kabia.’

Roman 9:8

Naha tânka wan marikisa upla kiamka tilara kaia baman ba mita kau Gâd luhpia wan daukras sa; sakuna Gâd mita pramis daukan ba kulki nani ba baman lika rait kiamka pali kulkisa.

Galesha 4:8

Kaina piua ra, Gâd kakaira apia katma ba ra, man nani lika gâd apia nani albika nani katma.

Epesus 2:19

Baha mita, man nani lika upla tringsar nani ai tasbaya pali ra iwras ba sâtka lika apia, sakuna man nani sut lika Gâd uplika nani wal aikuki sim kuntrika uplika nani sma. Man nani ba Gâd watla suliarka nani sma.

Epesus 4:18

bara witin nani kupia lukra ba tihmia takan sa. Gâd wina raya kaia lâka aula ba, witin nani briras sa, kan sins aitani briras ba mita kupia sin karna pali sa.

Kolosi 1:21

Kaina piua ra man nani ba upla tringsar nani kapram bara Gâd wal wailhka kupiam nani ra, diara saura nani dauki kapram ba mita.

Kolosi 1:27

Witin nani ra Gâd mita baha yuyaka pranakira ba marikaia want kan, naha yukukanka lâka na sika Ju apia nani ra praki brisa. Bara baha yukukanka ba sika Kraist, man nani ra takaski ba, bara naika briaia bîla kaiki ba tânka kum sa.

Kolosi 1:5

latwan lâka kum, bîla kaikanka yamni man ra maikaia ridi dauki swin sa kasbrika purara ba baku. Man nani naha bîla kaikanka briram, smalkanka kasak pali ba walram bamna, swak sakan sturka yamni ba.

1 Tesalonaika 4:13

Muihki nani, yang nani want sna man nani kaiki kama pruan uplika nani ra dîa taki ba, baku man nani sari bri banhma apia, sim upla wala nani ai kanra diara bîla kaikanka âpu nani ba baku.

1 Tesalonaika 4:5

Gâd ra kakaira apia nani, ai maya mairin nani ra brinka karna ni bara lukanka saura ni bri nani ba, baku lika apia.

2 Tesalonaika 2:16

Wan Dawan Jisas Kraist pali mita bara Gâd wan Aisa, witinka ai yamnika ra latwan wan kaikan ba, ban kaia ra maisa nihkra wankan ba, bara bîla kaikanka yamni kum sin wankan sa,

1 Timoti 1:1

Yang Pal, Jisas Kraist apastilka sna, Gâd wan Sasakra bara Dawan Jisas Kraist adarka mita ai blikan, witinka wina yawan wan kainara diara briaia luki ba,

Hibru Nani 11:34

pauta klauhan karna klauhi kan nani ba daskan, sord ni iki kan ba wina swak takan. Swapni nani ba karna takan; war ra karnakira nani kan, bara ai waihla nani war suliarka daknika nani ba pura luan.

Hibru Nani 6:18

Baku bamna, diara wâl bâra sa sip lakras pali, bara baha dukiara Gâd sip kunin aisaras sa. Bara baku yawan lika Gâd hilpka pliki pain trabil âpu nani, bara wan kainara diara briaia lâka wankan ba kat alki bri banhwi ba ra sin, witin mita maisa nihkra tara kum wankisa.

Hibru Nani 8:6

Sakuna wan prîska tara na lika prîs warkka ba baha nani bri kan ba purkara kau tara daukan, kan witin ba lâ daukan kau pain kum lengstarka sa, bara baha ba diara kau pain nani yaia pramiska dauki lâka daukan kata.

1 Pita 1:21

Kraist bâk Gâd ra kasak lukisma man nani, bara witinka sika pruan nani tila wina kli bukan bara prana sin yan; baku bamna, man nani kasak lukisma lâka ba kainamra diara bîla kaikisma ba sin Gâd ra kasak brisma.

1 Pita 1:3

Yawan wan Dawan Jisas Kraist Aisika bara Gâd ba sin, witin ra mayunpi. Kan witin umpira kaikan lâka tara bri ba mita, rayaka raya kum wankan sa, Jisas Kraist pruan wina kli buan ba bâk. Naha na wan kanra diara bîla kaikaia lâka rayaka kum wankisa,

1 Pita 3:15

kuna kupiam nani ra Kraist ra Dawan kulki bas. Piu sut ridi bas, man nani diara bîla kaikanka brisma ba, ya ya mita tânka ba mamkabi walbia kaka, klir pali saki wiaia; sakuna baha ba bawikira bara kulkan lâka dauki bas.

1 Jan 3:3

Bara upla bani naha bîla kaikanka Kraist ra bri ba, witin ai wîna ba holikira sakisa, sim Kraist holikira ba baku.