Epesus 2:1 - DAWAN BÎLA AISKA

¹ Blasi man nani watawika lâka tâka saurka lâka tilara pruram katma.

Epesus 2:1 ပူးပေါင်းရင်းမြစ်များ

Blasi Sturka 8:21

Bara Dawan baha kîa pain ba kiawalan; bara witin ai kupia ra lukan: “Upla ba tâka mita, tasba ra yang kli saura wimna apia; kan upla kupia lukra ba, kau wahma ba yua wina saura ra baman luki ban sa. Bara diara rayakira nani sut ba sin kli sauhkamna apia, nanara daukri ba baku.

Matiu 8:22

Bara Jisas bila: —Nini blîks; swis pruan nani ba ai pruanka nani ba bikbia.

Luk 15:24

Kan naha luhpi waitna pruan kan, kli rawan; tiwan kan, yawan bui witin na kli sakan sa.’ Bamna mahka lilia daukan.

Luk 15:32

Sakuna nanara lika pain sa yawan lilia tara daukaia, kan muihkam pruan kata ba kli rawan sa; witin tiwan kan ba, kli yawan sakan sa.’

Jan 10:10

“Bamna âimplikra ba lika aula, implikaia bara iki âpu daukaia baman; sakuna yang balri na lika, witin nani raya kaia lâka bribia ba dukiara, bara baha sin manis pali bribia mata.

Jan 14:6

Jisas bila: —Yang sika yabal ba, kasak tânka ba bara rayaka ba sin. Yang bâk baman sip sa Aisa ra waia.

Jan 5:21

Bamna Aisa mita pruan nani ba buki kli rayaka yabi ba baku, Luhpia mita sin witin yaura raya kaia lâka yan dauki ba yabisa.

Jan 5:25

Kasak pali mai wisna, piua ba aula, bara baha ba lika nanara pali, pruan nani ba Gâd Luhpia Waitna bîla baikra walbia, bara baha nani bîla wali banhbia ba sut raya takbia.

Roman 8:2

Jisas Kraist ra raya kaia spiritka lâka ba mita, pri wan sakan sa saurka lâka ba prura lâka ba wina.

1 Korint 15:45

Baku bamna, Ulbanka ra wisa: “Pas upla Adam ba, rayaka bri uplika kum kata”; sakuna Adam wala ba lika rayaka yabi spiritka sa.

2 Korint 5:14

Kraist latwanka lâka ba mita yawan ra lâ wankisa, kumi ba upla sut pura mata pruan baha yang nani tânka briri ba wina, yang nani sin pat kaikisna upla sut lika pruan sa.

Epesus 4:18

bara witin nani kupia lukra ba tihmia takan sa. Gâd wina raya kaia lâka aula ba, witin nani briras sa, kan sins aitani briras ba mita kupia sin karna pali sa.

Epesus 5:14

Bahamna naku wisa: “Man yapisma ba, mahka rawi bus; pruan nani tila wina sin mahka raya taki bus, bara Kraist man puramra ingbia.”

Kolosi 2:13

Piua luan ra, man nani sut lika spiritkam mapa ra pruram nani katma saurkam nani ba tâka mita, bara Aisa sainka briras kapram ba mita sin; sakuna nanara, Gâd mita Kraist ra mai praki raya kaia lâka asla ba maikan, bara saurkam nani sut sin swin tiwan sa.

1 Timoti 5:6

Sakuna ani piarkika ai wîna brinka ra iwi nani ba, witin ba raya kabia kuna pat pruan baku sa.

1 Jan 3:14

Bamna yawan lika prura wina raya kaia ra pat luan sa, bara baha ba yawan pain kaikisa, wan muihni nani ra latwan kaiki bamna. Ani uplika ai muihni ra latwan kaikras ba, witin lika pruan ban sa.

Param Marikanka 3:1

“Sardes sertska insalka ra sin ulbi wis: ‘Gâd spiritka 7 bri ba bara slilma sin 7 bri ba naha aisisa: Dîa daukisma ba, yang sut kaikisna, bara kaikisna man ba pruram sa sakuna sturka brisma ba lika raya sma.