Epesus 1:17 - DAWAN BÎLA AISKA

¹⁷ Makabisni wan Dawan Jisas Kraist Gâdka ra, Aisa pranakira ba, witin mita sins lâka spiritka maikbia, bara sip kama witin param takan ba tânka pain kaikaia, bara witin ra sin kau kakaira kaia.

Epesus 1:17 ပူးပေါင်းရင်းမြစ်များ

1 Kronikas 29:11

¡Dawan, man dukiam sa tara kulkan lâka ba, karnika ba, prana ba, pura luan lâka bara king lâka ba sin! Kan kasbrika purara diara nani bâra ba, bara tasba ra bâra ba sut ba sin man dukiam atia sa, king lâka ba man dukiam sa, bamna man Dawan sika sut purkara sma.

Job 42:5

Naha piua kat mai kakaira sna walisna ba wina baman, sakuna nanara naikra pali ni mai kaikisna.

Lawana Nani 24:10

¿Kingka pranakira na ya? ¡Baha sika karnika sut bri Dawanka ba! ¡Witin sika King pranakira ba!

Lawana Nani 24:7

¡Ban kaia ra getka nani ba, param taks, param banhwi bas wâl wâl ra bara king pranakira ba dimbia!

Lawana Nani 29:3

Dawan bîla baikra ba, kabu tara nani purara bin daukisa, Dawan pranakira bîla baikra ba, alwani binka baku takisa: ¡Dawan ba bâra sa kabu tara pali ba purara!

Impakan Sturka 28:3

Diara daukaia sip uplika nani ba wal man aisas, witin nani ba diara sât sât pain paskaia sinska yabri sa, witin nani Eran prâka nani ba sipaia wis, bara baku witin ba yamni munbia yang prîski baku.

Sins Lâka 18:15

Sinskira nani ba bara diara tânka kaikaia pliki luki uplika ba, baha tânka ba pliki sakisa.

Sins Lâka 2:5

Baku mika Dawan ra kulkanka lâka ba kakaira takma, tânka brima dîa ba Gâd ra kakaira kaia ba.

Aiseya 11:2

Dawan Spiritka ba witin ai purara ban takaski kabia, bara sins lâka, âuyama kaia yabia, diara tânka luki sakaia, lâ tânka smalki mariki kaia, karnika sin yaia, diara tânka kaikaia bara Dawan sibrinka sin.

Jirimaya 2:11

idan nisanka kum ai gâdka swi si gâd wala brisa kaka. ¡Baha nani ban gâd bahki nani sa! Sakuna yang upliki nani ai swin, yang lika witin prana ban sna, sakuna aidul nani diara bahki ba briaia tâwan.

Jirimaya 24:7

Yang bui witin nani ra diara tânka kaikaia yabamna, bara witin nani ai kaikbia yang sika Dawan sna ba, bara witin nani upliki nani kabia, yang sin witin nani ai Gâdka kamna, kan witin nani ai kupia aiska yang ra kli tawi balbia bamna.

Jirimaya 31:34

Bara upla ai walka ra, ai uplika nani ra, ai taya nani yang ai kakaira takaia smalkaia nit apia kabia, tara ba wina sirpi ba kat upla sut ai kakaira kabia. Saurka daukan pâtka nani swih tikamna bara kli kupi ra brimna apia. Yang, Dawan, kasak aisisna.”

Jirimaya 9:24

Upla kum aimayunaia brin daukisa kaka, yang ai kakaira taki bara witin aimayunbia, witin tânka bribia yang sika Dawan sna ba, yang latwan kaiki tasba ra diara daukisna, kasakka lâka, wapni kaka ni, yang baha daukaia sika yamni kaikisna. Yang, Dawan, kasak aisisna.”

Daniel 10:1

Persia kingka Ciro mani yumhpa king aimaki kan piua ra, Daniel nina wala Beltsasar mâki ba, diara aihka kum kasak pali kan kaikan ba, sakuna tânka ba briaia karna pali kata, sakuna baha dukiara Daniel kasak pali tânka pliki kan, bara sip kan diara aihka kaikan ba tânka pain briaia.

Daniel 5:11

Man kingkam tasbaya ra waitna kumi bâra sa, Gâd holikira spiritka ba witin wal sa. Bamna man aisikam king aimaki kan piua ra, baha waitnika ba bui marikan kata nahki witin ai sinska lâka tânka ba, witin ba sinskira, diara tânka kakaira pali sa, dawan nani ba baku. Baha mita, man aisikam king Nabucodonosor, baha waitnika sinskira nani, sins lâka kakaira nani, bara slilma tânka plaplikra nani, baha tasbaya ra ba sut lalka mangkan kata.

Matiu 11:25

Baha piua ra, Jisas naku win: “Aisa, kasbrika purara ba bara tasba Dawanka, yang tingki mai wisna, kan sinskira nani ra bara diara lan nani ra naha dukia nani na yukukram, sakuna tuktan nani ra latan marikram.

Matiu 11:27

“Yang Aisiki mita diara nani sut mihti ra mangkan sa. Upla kumi sin Luhpia ba pain pali kaikras, Aisa ba baman; bara Aisa ra upla kumi sin pain pali kaikras, Luhpia baman, bara ya ya Luhpia mita marikaia luki nani ba sin.

Matiu 16:17

Bara Jisas witin ra win: —Man ba yamni pali sma, Saiman, Jona luhpia, kan naha na Aisiki kasbrika purara ba mamrikan sa, upla kumi mita lika apia.

Matiu 20:33

Witin nani bila: —Dawan, yang nani kaikaia want pali sna.

Matiu 6:13

Traika kaikan tilara ban wan swipara, sakuna saura ba wina dakbi wan sâks.’

Luk 12:12

kan mahka aisaia kama ba ra, Spirit Holikira mita mai smalkbia dîa wiaia kama ba.”

Luk 2:14

“¡Gâd ra mayunan kabia laih purara! ¡Kupia kumi lâka tasba ra, witin mita yamni kaiki uplika nani tilara!”

Luk 21:15

kan yang mita dîa aisaia sma bîla nani bara sinska lâka ba sin maikamni, bamna waihlam nani kumi sin baha mapara bubia apia, aisabia sin apia.

Jan 14:17

Dawan ra tawras uplika nani baha Spiritka ba sip bribia apia, kan witin nani mita sip kaikbia apia, bara sip tânka bribia apia; sakuna man nani lika pat kakaira nani, kan witin ba man nani wal sa, bara ban kaia ra sin man nani wal kabia.

Jan 14:26

Sakuna Spirit Holikira Aisa mita yang nini ra luki blîkbia ba lika, man nani ra hilp mai munaia bara maisam nihkaia dukiara, bara witinka mita diara sut mai smalkbia, bara dîa dîa mai wîri ba sut kupiam kraukbia.

Jan 16:3

Baku daukan kabia, kan tasba wina uplika nani ba mita Aisiki ra kakaira apia sa, bara yang ra sin ai kakaira apia sa.

Jan 17:3

Bamna raya ban kaia lâka ba lika, mai kakaira takaia, Gâd kumi baman kasakkira sma ba, bara Jisas Kraist ra sin kakaira takaia, witinka man mita blikram ba.

Jan 20:17

Jisas win: —Ai alkpara, kan yang Aisa bâra ba pliska ra kau uli wih asla takras sni. Sakuna muihki nani ra wih wis, uli auna Aisiki ra bara man nani Aisikam ra, yang Gâdki ra bara man nani Gâdkam ra.

Apastil Nani Sturka 6:10

Sakuna Stiben, Spirit Holikira wina sins lâka yan aisi kan ba mapara, witin nani lika sip buras kan.

Apastil Nani Sturka 7:2

Bara witin pana aisin: —Muihni nani bara aisa nani, ai wals. Wan Gâdka pranakira ba mita wan damika Ebraham ra param takan, witin Mesopotamia ra iwi kan piua, kau Eran ra wih iwras kan ba ra.

Roman 1:28

Witin nani Gâd kakaira takaia want apia sa bamna, Gâd mita witin nani ba ai lukanka saura nani ba kat lulki swin, swika baha nani dîa daukaia apia kan ba kat daukbia dukiara.

Roman 15:6

Baku mika, man nani sut kumi baku prais, wan Dawan Jisas Kraist Gâdka ra bara Aisika ra sin mayuni kama.

1 Korint 12:8

Spirit ba bâk, witin bui upla tila nani ra sins tara brih aisaia sinska yabisa, bara wala nani ra lika, baha sim Spiritka bâk diara tihu tânka kaiki aisaia sinska yabisa.

1 Korint 14:6

Baha mita, muihki nani, yang na man nani ra bal bîla sât aihka nani ra mai aisamna kaka, ¿dîa hilpka man nani brima ki? Hilp nani brima apia, ban kra Gâd mita diara kum yawan kaikbia dukiara mai aisuna kaka lika, diara tânka kaikan dahra kum mai wisna kaka, Gâd wina sturi kum brih aisuna kaka, wan kanra bîla kaikan lâka kum kabia.

1 Korint 2:10

Naha dukia nani sika Gâd ai Spiritka bâk, tânka nani wan marikan ba. Spirit lika diara sut turbi kaikisa, Gâd tânka nani tihu ba sin.

1 Korint 2:8

Naha tasba wihtka nani wina kumi sin sinska lâka na tânka briras kata. Witin nani tânka na brin kan sa kaka, Dawan pranakira ba dus prihni ra sabaia apia kan.

2 Korint 12:1

Diara kumi sin hilp sakras upla kum witin yakan ai dukiara diara aisaia tânka ba wina, bamna kanra pain kabia diara aihka nani bara param kaikri dukia nani Dawan ai marikan nani ba aisaia.

Epesus 1:3

Wan Dawan Jisas Kraist Aisika bara Gâd ba sin, witin ra mayunpi, kan yawan Kraist wal asla takan ba ra, witin bui Spirit yamnika sât sât ni yamni wan munan kasbrika pura tasbaya nani ra.

Epesus 3:5

piua luan ra diara kum yukukan ra kan, upla kumi ra sin baha dukia ba param saki marikras kan ba, sakuna naiwa lika Gâd Spiritka bâk, ai apastilka holikira nani ra bara ai prapitka nani sut ra param marikan.

Epesus 4:13

yawan sut kasak lukan lâka ra asla takbia bara Gâd Luhpia tânka ba kaikbia kat. Baku lika yawan aitani pâwan kabia, Kraist pâwanka aiska pali ba kat.

Pilipai 3:15

Yawan nani wan kasak lukan lâka mapa ra kasak pâwan ba, baku lukaia sa. Ban sakuna, man nani wina kum aihka lukisa kaka, Gâd bui baha ba sin param mamrikbia.

2 Timoti 2:25

bara witin mapara nani ba ra, kupia swapni brih wapni daukbia. Baku ban kra Gâd mita baha nani ra yaka ai kupia lakbia, bara kasak tânka ba kakaira taki banhbia.

Taitus 1:1

Yang Pal, Gâd dukia dadaukra, Jisas Kraist apastilka sna, ba mita naha bîla ulbisna. Yang na witin mita ai blikan sa, Gâd mita bâk saki brin uplika nani kasak lukanka lâka ba hilp munaia; bara witin nani ba sin, Gâd ra luki kaia tânka kasak ba kakaira taki banhbia dukiara,

Jems 2:1

Muihki nani, man nani wan Dawan Jisas Kraist pranakira ra kasak lukisma ba, uplikam kum bara wala wal purkara kau tara kulkpara.

2 Pita 1:3

Gâd ai karnika ni dîa dîa wan rayaka ra nit ba sut wankan sa, bara mayunanka sin, yawan ra ai prana ni wan paiwan ba, bara ai warkka pranakira dauki ba uplika wal kakaira wan saki ba tâka mita.

2 Pita 3:18

Sakuna wan Dawan Sasakra Jisas Kraist ba kau pain kakaira taki, ai latwanka lâka ra pâwi bas. ¡Witin ra mayunan kabia nanara bara ban kaia ra! Baku kabia.

Param Marikanka 7:12

naku aisi kan: “¡Baku kabia! Mayunra ba, prana ba, sins lâka ba, tingki lâka ba, kulkan lâka ba, karnika ba, bara karna kaia lâka ba sut sin, wan Gâdka ra yan kabia, ban kaia ban kaia ra. ¡Baku kabia!”