Emus 8:2 - DAWAN BÎLA AISKA

² bara witin bui yang ra maikabi walan: —Emus, ¿man bâra dîa kaikisma? —Dus mâ pawan baman kûa banhki kum na kaikisna —wîri. Bara Dawan naku ai win: —Yang upliki Israel nani ba, dus mâ pawan baku sa; rausauhkaia yua ba bal aimakan sa; witin nani saura dauki ba ban kupi alki brih kaiki kamna apia.

Emus 8:2 ပူးပေါင်းရင်းမြစ်များ

Blasi Sturka 6:13

Bahamna Gâd Noa ra win: “Yang pat lukri sa, upla nani ba âpu daukaia; kan tasba ba lâ krikanka lâka ba ni banhwan sa, witin nani ai tâka ba mita. Bara nanara kaiks yang bui witin nani ba, tasba aiska aikuki sauhki tikamna.

Aiseya 28:4

Bara tangni srasrawra painkira baha il plahpia pura prana ba, tâura kwah mâ nani alkan ba baku kabia, ani uplika pas baha kaikuya ba, mahka ai mihta ra alki pibia.

Jirimaya 40:10

Yang Mispá ra nâra kamna, Caldea uplika nani balbia bara man nani kainam kaiki kamna. Man nani lika wark taks wain, dus mâ, batana laya nani apahkaia, bara baku man nani naha tawanka nani briram na ra iwi kama.”

Jirimaya 5:31

¡Prapit nani aisi ba lika kunin baman; prîs nani ba ai brinka kat lâ nani daukisa, bara yang upliki nani ba baha lâka ba want sa! Sakuna, ¿baha piua ba lubia bara man nani dîa daukma ki?’ ”

Inanka Nani 4:18

Wan mina lulkanka bani ra, waitna nani aihwaki wan kaiki kan, yawan sip takras tawan bîla yabalka ra. Wan piua tnata ba baila sa, wan yua nani ba sut kulkan sa; wan awarka ba aimakan sa, wan piua tnata ba pat balan sa bamna.

Isikiel 12:23

Baku bamna wis: ‘Dawan ba naku wisa: Naha sinska bîla na tikamna, bara kau Israel tilara aisan kabia apia.’ Baku sin wis pat lamara pali sa, baha yua nani, diara takaia tânka kaikan nani sut ba.

Isikiel 29:8

‘Baha mita, yang Dawan sna ba, wisni: Idsip ba, yabrika sord wal rau mai sauhkbia, bara uplikam nani ba bara daiwram nani ba sut ikbia.

Isikiel 3:10

Ningkara ai win: “Pain ai wals diara sut mai wiaisna bara sinskam ra klaki mangks.

Isikiel 3:7

Sakuna Israel luhpia nani mai walan daukras kabia, kan Israel luhpia nani yang aisisna ba walan daukras kan. Witin nani sut ba brabrukra sa bara lal sin karna.

Isikiel 7:6

Bara trabil saura ba aula ba ninara trabil saura wala aula; man yuam tnata ba pat baila aula.

Isikiel 8:12

Bara yang ra ai win: “¿Kaikisma ki, Israel almukka nani yukuwan ra diara dauki ba, kumi bani witin bâra ba lilka nani ulbi daukan ba? Kan witin nani lukisa yang ba kaikras, bara kuntri ba sin lulki swiri.”

Isikiel 8:17

Bamna Dawan bui ai win: “¿Man kaikisma ki? ¡Juda uplika nani baha diara nani saura dauki ba wal kau aitani apia sa, baha purkara kuntri na sin saurka lâka wala ni banhkan! Natka kum wina natka wala ni yang kupi laikisa, kaiks baha kîa nani ba kâikma kat aula.

Isikiel 8:6

Baha ningkara ai win: “¿Kaikisma Israel luhpia nani diara saura dauki ba, baha nani wal sika, tempelki holikira wina laihura auya ba? Baku bamna, kau diara saura nani kaikma.”

Oseas 9:7

¡Klala yabaia yua nani ba pat bal aimakan! ¡Witin nani mana pali aibapaia yua pat balan! ¡Israel ai dahra walbia baha yua pat balan ba! Man nani aisisma: “Prapit ba sinskas kum sa. Diara takuya ba tânka bri, aisi uplika ba grisi kum sa.” Witin nani baku aisisa, kan watawika ni banhwan mita, prapit misbara pali kaiki mita.

Emus 7:8

Bara witin bui yang ra maikabi walan: —Emus, ¿man dîa kaikisma? Yang pana wîri: —Utla playa wapni bapaia mangki kaikaia kiwka kum kaikisna. Bara Dawan kli ai win: —Nanara lika, yang kli kupi swapni daukamna apia. Kaiks: upliki Israel luhpia nani warha takan ba, naha wapni mangkaia awa na ni mangki kaikamna ai daukanka nani ba.

Emus 8:1

Dawan diara wala mairikan ba, yang kaikri: Dus mâ pawan pali kûa banhki kum bâra kan,

Miqueas 7:1

¡Alai! Upla dus mâ nani sut dakbi brin ba ningkara wala kum bal mâ dakbaia pliki ba baku sna; dus mâ pain pawan nani ba âpu sa, baha mâ nani pin ai dauki kan ba.

Sakaraya 5:2

Insal ba maikabi walan: “¿Man dîa kaikisma?” Yang pana witin ra naku wîri: “Wauhtaya ulban kum pâsa ra pâli tauki ba kaikisna. Yarika ba param matsip bara bîla yahpika ba param wâl pura bakriki brisa.”