Emus 8:11 - DAWAN BÎLA AISKA

¹¹ Dawan kasak aisisa: “Kaiks, yua nani pat puramra aula: baha yua nani ra man nani tasbayam ra plun tiwan tara kabia, sakuna plun pali tiwan sanglangka apia kabia, lî diran trabilka sin apia, ban sakuna, Dawan bîla walaia sanglangka kabia.

Emus 8:11 ပူးပေါင်းရင်းမြစ်များ

2 Kronikas 15:3

Israel ba piu wihka pali kan Gâd kasakkira ba wina laihura kan, prîs nani âpu, Dawan yabalka smalkanka marikaia sin âpu.

Lawana Nani 74:9

Yang nani sainki holikira kata ba, kli kaikras; prapit nani kata ba, nanara kumi sin âpu sa, yang nani sin kaiki banhras sna, ahkia kat kau bâra kabia sapa.

Sins Lâka 29:18

Anira Dawan lâka wapni âpu ba ra, wapni lâka ba bâra âpu sa; ¡kuna lâ ba ban alki bri uplika ba yamni pali kabia!

Aiseya 5:6

Yang daukamna ba, lulki swin tasbaya baku kabia; dauhbia apia, inmika sin daikbia apia, kiaya dusa saura nani pâwbia. Kasbrika nani ra adar yamni, lî baha purara auhbia apia dukiara.

Isikiel 7:26

Pât ba balbia ninara pât wala balbia; sturi yamni apia ba kumi ninara wala balbia. Bahki pali plikbia, Gâd prapitka kum, dahra yukukan kum param saki maikaia ba; prîs âpu kabia mai smalkaia, almuk nani sin âpu kabia man nani ra kupiam kraukaia.

Oseas 2:3

Witin baku daukras kabia kaka, susu dauki swimna: witin aisubi takan ba yua ra, dîa luha kata ba baku, upla iwras tasbaya baku daukamna, tasba lâwan baman kabia, bara lî diran bla yarka prubia.

Miqueas 3:6

“Man nani prapit kuninkira nani, kli tihmia yapi kaikma apia, baku sin naika takaia dahra wima apia tihmu tilara. Lapta ingnika ba, baha prapitka nani wina tiwbia, bara kakna ingnika ba sin, tihmia tara iwbia.”

Matiu 9:36

Upla nani ra kaiki, umpira pali kaikan, kan witin nani sarikira bara hilpkas banhwi kan, sîp nani sepadkas baku.

1 Samuil 28:15

Samuil witin ra win: —¿Dîa kan man ai warbisma, ai munram nâra aulna? Saúl pana win: —Yang kupi wirha pali sna, filisteo nani yang ai sauhkaia tikaia aula ba ra Dawan ai lulki ai swin. Prapit nani bîla bâk, yaprisauhkan bâk sin yang ra aisaras. Baha mita yang bui man ra winri, yang dîa daukaia sna ba man bui ai wiaia.

1 Samuil 28:6

Bara witin Dawan wal aisaia plikan, sakuna Dawan pana witin ra aisaras kan yaprisauhkan ra, Urim bâk, prapit nani wal sin apia.

1 Samuil 3:1

Baha yua nani ra tukta Samuil ba Dawan warkka dauki kan Elí adarka dîa wisa ba kat. Dawan sin baha piua ra pat pat upla ra aisaras kan, diara aihka aihka kaiki ba sin uya marikras kan.