Emus 7:2 - DAWAN BÎLA AISKA

² tristrisia nani ba bal insla aiska ba pih âpu dauki kan, bara yang wîri: —¡Dawan, Jekob kiamka nani saura daukan pâtka ba ban swih tiks! ¿Witin nani nisan sirpi bamna nahki muni nisan wala mapara bapi bubia ki?

Emus 7:2 ပူးပေါင်းရင်းမြစ်များ

Lawana Nani 12:1

Dawan, yang nani ra swaki ai sâks, lalukra nani kasakkira nani, upla kunin luha nani ba âpu sa.

Impakan Sturka 10:15

Tasbaya aiska ba kruhkru nani mita bikan, tasba pali ba sin sip kaikras kan. Diara pâwi kan ba pi âpu daukan, dus nani lî klaswan mita sauhkras kan nani ba sin sut pin. Tawan aiska ra dus wahia kumi sin âpu kan, unta ra sin dus mâ nani sin sut âpu daukan.

Impakan Sturka 34:9

—¡Dawan! ¡Dawan! Rait pali man bui yang ra yamni ai kaikisma kaka, yang nani wal was. Kasak pali naha uplika nani na kiamapara sa, sakuna yang nani saurki watawiki lâka nani ba ban swih tiks, bara uplikam nani pali baku ban wan bris.

Aiseya 37:4

Ban kra Dawan man Gâdkam walbia naha bîla aisanka nani ba, witin ra sika Asiria kingka ai Dawanka ba mita blikan ba Gâd rayakira ra lahtubaia dukiara, bara sturi saura nani wiaia dukiara sin, naha bîla aisanka nani ba sika man Gâdkam pat walan sa, bahamna kau kiamka nani tila takaskan nani na dukiara puram suns.’ ”

Aiseya 51:19

Naha saurka wâl na puramra balan sa: man kuntrikam sauhki tikan ba bara impliki âpu daukan, bara man uplikam nani prui tiwan plun bla, war takan mita. ¿Ya man ra umpira mai kaikbia? ¿Ya man ra maisam nihkbia?

Jirimaya 14:7

¡Dawan, yang nani saura daukri saurka ba mita daihra sakisa, ninam ba pain kulkaia ba mita baku dauks! Aima ailal yang nani na man mampara yamni apia katni, yang nani lika man mampara saura daukri.

Jirimaya 42:2

prapit Jirimaya lamara wan bara witin ra win: —Diara kum man ra makabi walaia yang nani balri; apia ai wipara: Yang nani kau wiria lupia baman nâra sna na tâiwan Dawan Gâdkam ra puram suns. Blasi yang nani upla ailal katna, sakuna man kaikisma yang nani wiria lupia baman sna.

Isikiel 11:13

Dawan nina yang bui man nani ra kau aisi kapri, Pelatías Benaías luhpia ba kauhi pruan. Bara yang maiwanra tasba kangbaia kat bawri, bara bîli baikra tara saki winri: “¡Ay, Dawan! ¿Israel kiamka wiria takaskan ba âpu daukaisma ki?”

Isikiel 9:8

Bara iki tiki kan ba ra yang yakan takaskri, ningkara maiwan ra bawri, bara bîli saki wini aisari: “Dawanki, ¿man kupiam baiwanka ba Jerusalem purara mangkaisma ki Israel kiamka nani takaskuya ba sut sauhki tikma kat?”

Daniel 9:19

¡Dawan, Dawan! ¡Yang nani ra wali, wan pâtka ba ban swih tiks! ¡Dawan, kiamam ba yang nani ra laki wali bara bal hilp wan muns! ¡Gâdki, man ninam ba tâwan, tawankam ba dukiara bara uplikam nani dukiara sin, man ninam mâki wisa, bamna kau takaskpara!’

Joel 2:17

Prîs nani, Dawan dukia dadaukra nani, ini banhs, bara tempel ra dimi waia bîla bara altar ba wal lila kat bûi, naku wis: “Dawan, uplikam nani pâtka na ban kulkpara; swirka upla wala nani mita uplikam nani ra ban lawaska kiki kabiara; swirka nisan wala nani ba mita, pura wihtka aimaki kabiara, upla idan nani ba sin aisabiara: ‘¿Man nani Dawankam ba anira sa?’ ”

Emus 4:9

“Yang bui sika pâsa lapta wal krawi ba ni, bara siknis saura nani bliki klala maikri ba, namsla nani sut sin yabri srawan, tristrisia nani taki wainkam, kwah damni dusa olivkam nani pâwi kan sut pin ba. Baha sut daukri, sakuna man nani lika yang ra kli tawi balras kapram.” Dawan baku kasak aisisa.

Emus 7:5

Bara yang wîri: —¡Dawan, pliskam ban takasks! ¿Jekob kiamka nani maura lupia baman ba, nahki bapi buaia sip kabia ki?

Sakaraya 4:10

“Zorobabel kainara wark tâ bukan nani ba, yamni wark sirpi nani ba tâ krikras kan, sakuna nanara Zorobabel wark aiska daukbia ba kaiki, witin nani sin lilia takbia.” Baha ningkara insal ba bal pura praki, aisin: “Ingni nani 7 bâra ba sika, Dawan nakra nani, tasba aiska ra kaiki tauki ba.”

Param Marikanka 9:4

Witin nani ra adar yan kan tasba ra twi ba saura munaia apia, diara kura kumi ra sin apia, dus kumi ra sin apia, upla nani Gâd sîlka ba ai mawan purara mark munras ba baman lika.