Emus 7:17 - DAWAN BÎLA AISKA

¹⁷ Man baku wisma bamna, Dawan naku man ra aisisa: ‘Man mayam ba tawan yabalka bilara wapi ur taki tauki kabia, luhpiam nani ba aiklabaia sordka ni ikan kabia, tasbayam na sin idan nani bal ai tasbaya kulki bribia, man wînam tara sin upla wala nani tâski kulkan nani ba tasbaya ra pruma, bara Israel luhpia nani ai tasbaya ba wina laihura priski brih wan kabia.’

Emus 7:17 ပူးပေါင်းရင်းမြစ်များ

2 King Nani 17:6

Bara Oseas ba king aimakan ba wina pat 9 mani diman ra, Asiria kingka ba mita Sameria tasbaya aiska ba dakban, bara Israel luhpia nani ba alba lâka ra sut alki brih wan, bara Halah ra swin, Habor tasbaya ra, Gozán awalka lama pali kat, Media uplika nani tawanka ra.

Lawana Nani 78:55

Idan nani, Israel mawan wina tnaya ra lakan; tasbaya ba yuan kiamka bani ra bara ai kiampka dauki bahara iwan.

Aiseya 13:16

Ai luhpia sirpi nani ba, witin nani ai mawan kat lulki saban kabia; ai watla nani ba bîla man swibia, bara witin nani ai maya ra saura munan kabia.

Aiseya 22:18

Bâl lulkan karwi ba baku mai karbia, kuntri kau tara ra mai lulkbia. Man bahara pruma, war waginkam nani man pramna brisma ba sin bahara takaskbia; man Dawankam watla ba mawanra swira takma.

Jirimaya 14:16

Witin nani smalkanka wali uplika nani ba sin, war ra bara sanglang ra prui banhbia, mairka nani ba, luhpia waitna nani luhpia bara mairin nani sin. Pruan uplika nani ba Jerusalem yabalka ra lulkan kabia, bara upla âpu kabia bikaia ba. Baku witin nani watawika lâka mana ba aibapaia daukamna.

Jirimaya 20:6

Bara, Pashur, man Babilon ra mai brih wabia tamya nani sut aikuki. Man bahara pruma, bahara sin mai bikbia man uplikam nani ba sut aikuki; man bui witin nani diara dahra ba aisi katma ba.’ ”

Jirimaya 28:12

Hananías mita Jirimaya nana wina bîp lal ra wilkaika dusa ba dakbi sakan ba wina piua wiria luan ba ningkara, Dawan kli Jirimaya ra aisin, bara win:

Jirimaya 28:16

Baha mita Dawan aisisa: ‘Man mai blikisna, âu sakuna tasba wina mai tikaia. Naha mani pruma, kan man aisaram bîla nani ba ni upla nani ba yang maipara buaia daukram.’

Jirimaya 29:21

“Dawan, karnika sut bri ba, Israel Gâdka ba, Ahab, Colaías luhpia waitna ba, dahra aisisa; Sedequías, Maaseías luhpia waitna ba, dahra aisisa; witin nani bui yang nani ra, Dawan nina ra kunin aisi mai wisa: ‘Yang daukaisna witin nani ba Nabucodonosor munhtara kauhaia, bara witin baha nani ba ikbia bara man nani kaiki kama.

Jirimaya 29:25

“Dawan, karnika sut bri ba, Israel Gâdka ba, aisisa: ‘Man mita man ninam ra wauhtaya kum ulbi Jerusalem uplika nani sut ra blikram, prîs Sofonías, Maaseías luhpia waitna ra, prîs wala nani ra sin ulbram. Baha ulbanka ra man Sofonías ra wisna:

Inanka Nani 5:11

Saion bara Juda tawanka nani ra mairin bara tuktan mairin nani ba, bahki kulkan kan.

Isikiel 4:13

Ningkara Dawan naku aisin: “Naha nani pata sâtka, plun tâski nani ba sika Israel luhpia nani pin kabia ba, ani kuntrika ra brih wamna ba ra.”

Oseas 9:3

Efraín kli Idsip ra wabia, bara Asiria ra wih tâski kulkan pata nani ba pibia. Witin nani lika Dawan tasbaya ra ban iwi kabia apia:

Emus 6:7

Bamna priski brih waia uplika nani ba tilara, man nani tâ pali ra mai priski tasba wala ra mai brih wabia, man nani plun tara dauki pi lilia tara daukisma liliaka ba, man nani wina lui wabia.

Emus 7:11

Kan witin naku aisisa: ‘Jeroboam ba sord ni ikan kabia, bara Israel luhpia nani ba sut priski tasba wala ra brih wan kabia.’ ”

Emus 8:1

Dawan diara wala mairikan ba, yang kaikri: Dus mâ pawan pali kûa banhki kum bâra kan,

Emus 9:1

Yang kaikri Dawan ba altar lamara bûi kan, bara witin bui yang ra ai wi kan: “Utla karnika alki playka ba kat pruks, bara dur nani ba bal kauhbia, ¡watla ba upla nani lal purara kriwi yakawbia! Bara ya bahara pruras swak takbia ba, sord ni ikamna, ban kra plapaia lukbia sin, kumi sin swak takbia apia.

Emus 9:8

Dawan nakra nani ba Israel kingka tasbaya diara saura dauki ba kat kang kaikisa, bara witin naku aisisa: “Yang baha kingka tasbaya ba sauhki tikamna, ban sakuna Jekob kiamka nani ba lika, sut pali iki tikamna apia. Yang, Dawan, kasak aisisna.

Miqueas 1:16

Bamna Saion tawanka uplika nani, man nani tâmwa klaks, sari brisma ba tânka marikaia dukiara, luhpiam nani latwan pali kaikisma ba tâwan; tâmwa irbi, lamla ba usus lal baku lipni dauks, uplikam nani ba taibi muni tasba wala ra brih wan kabia bamna.”

Sakaraya 14:2

Baha yua, Dawan mita nisan nani sut ba asla daukbia, Jerusalem mapara aiklabaia. Witin nani tawan tara ba pura lubia, watla wina diara sut saki bribia, mairin nani ra sin alki saura muni, tawanka bakriki uplika nani ba alba briaia brih wabia. Bakriki baman Jerusalem ra takaskbia.