Emus 6:2 - DAWAN BÎLA AISKA

² Man nani Calné tawanka bâk kaiki lui was, baha wina tawan tara Hamat bâk sin kaiki lui was; baha wina filisteo nani tawanka tara Gat ba sin wih kaiks. ¿Lukisma man nani ba kau pain sma, baha nani tawanka wal? ¿Man nani tawankam ba kau pain sa ki, baha nani tawanka ba wal?

Emus 6:2 ပူးပေါင်းရင်းမြစ်များ

Blasi Sturka 10:10

Witin ai kingka tasbaya tara nani bukan ba: Babel, Érec, Acad bara Calné. Baha nani sut lika Sinar tasbaya ra sa.

2 Samuil 8:9

Hamat kingka Toi ba sin walan, Debit bui Hadad-ézer wal war aiklaban bara suliarka nani sut ra pura luan,

1 King Nani 8:65

Baha piua ra, Salaman bara Israel luhpia nani upla ailal nani dihwan ba balan kan, Hamat ra dimaika ba wina Idsip tingnika ba kat, Dawan Gâd mawanra bal, Utla Papakni liliaka ba daukan. Baha ningkara kli yu 7 liliaka wala daukan, asla lika yu 14 lilia dauki kata.

2 King Nani 17:24

Bara Asiria kingka ba Babilon wina upla nani brih balan, baku sin Cuta, Avá, Hamat bara Sefarvaim wina, bara naha uplika nani aiska ba Sameria ra swin, Israel luhpia nani watlika ra. Baku witin nani Sameria ba brin bara ai tawanka nani ra iwi banhwan.

2 King Nani 17:30

Babilon uplika nani ba Sucot-benot lilka paski bri kan; Cuta uplika nani ba Nergal lilka paski bri kan, bara Hamat uplika nani ba lika Asimá lilka paski bri kan.

2 King Nani 18:34

¿Anira sa ki Hamat wihki Arpad gâdka ba wal? ¿Anira sa Sefarvaim, Hená bara Ivá nani kat gâdka ba? ¿Witin nani ba sip kan ki Sameria ba Asiria kingka mihta wina pri sakaia?

2 King Nani 19:13

¿Anira sa, Hamat. Arpad, Sefarvaim, Hená bara Ivá tasbaya kingka nani ba?”

2 Kronikas 26:6

Ozías ba filisteo nani mapara buaia diara kum daukan baku munka plapaia, bara Gat, Jabnia bara Asdod ra kutbanka nani slingban, bara Asdod tasbaya ra tawan nani paskan filisteo nani tilara.

Jirimaya 49:23

Damaskus uplika nani ra wiaia bîla ba: “Hamat, Arpad tawanka nani ba swira daukan sa, sturi saura ba witin nani walan bamna. Sibrin tara daukisa, witin nani sip sâp apia sa.

Nahum 3:8

¿Man kau pain sma ki Tebas ba wal, baha tawanka tara Nilo awala tara ba un ra paskan ba, awala laya ailal kir bri ba. Awala ba ai kan kahbanka brisa, bara laya ba lika kan kutbanka tara baku sa?

1 Samuil 17:23

Witin kau ai muihni nani wal aisi kan ba ra, baha filisteo aiklaklabra ba nina Goliat, Gat tawanka wina ba, filisteo nani tila ba wina bal takan, bara witin dauki kan ba baku kli Israel luhpia nani ra wini bit munan, bara Debit baha walan Goliat aisi kan ba.

1 Samuil 17:4

Tisku kan war aiklaklabra kum filisteo nani ba tila wina aihni bal takan, ai pâwanka ba 9 pît pura baku bri kan, nina ba Goliat, ai tawanka ba lika Gat wina kan.

1 Samuil 5:10

Bara Gâd lâ auhbaia watla ba filisteo nani Ecrón ra brih wan. Sakuna lâ auhbaia watla ba brih wan ba ra, Ecrón uplika nani sin ini yahwan: “¡Israel Gâdka lâka auhbaia watla ba nâra bri balan sa wan iki tikaia dukiara!”

1 Samuil 5:8

Ba dukiara filisteo wihtka tara nani ba sut paiwan, witin nani wal aikuki asla takaia, bara makabi walan: —¿Yawan dîa daukaia sa, Israel Gâdka lâ auhbaika watla ba wal? Witin nani pana win: —Gat tawanka ra brih was. Bara lâ auhbaia watla ba filisteo nani bui Gat ra brih wan.