Emus 6:13 - DAWAN BÎLA AISKA

¹³ Man nani diara bahki kum daukram, bara mamyuni liliam taki wisma: “Yang nani karniki tara brisna ba mita pura lui karnika alkisna.”

Emus 6:13 ပူးပေါင်းရင်းမြစ်များ

2 King Nani 13:25

Bamna Joás, Joacaz luhpia ba, Ben-hadad mihta wina tasba nani ai aisika Joacaz mihta wina war aiklabi dakban kan ba kli dakbi brin. Bara Joás bui aima yumhpa Ben-hadad ra pura luan, bara Israel tawanka nani ba baku kli dakbi brin.

2 King Nani 14:25

Jeroboam mita sika Israel piarkika nani ba kli bapan, Hamat ra dimi waia ba wina Arabá kabuka ba kat, dîa Dawan Israel Gâdka aisan kan ba kat, ai napakan Jona bâk, witinka ba Amitai luhpia waitna, witinka ba prapit Gat-héfer wina kata ba.

Job 31:25

Aima kumi sin yang aisinki ba yuyaka manis kuki briaia baku kulkras katna, apia kaka lalah manis saki briaia sin lukras kapri.

Job 31:29

Waihli mapara diara saura taki ba dukiara lilia takras sni, pât tara alkbia kra sin.

Job 8:14

Ai kasak lukanka lâka ba bara diara briaia bîla kaiki ba sut lika, anansi watla ba baku swapni sa.

Job 8:15

Brinka kabia trit awa mina sirpi ba ra alkaia, kuna sip karna apia kabia; apia kaka anansi watla ba ra ai tâ baiki kaia, bara sip tâ baikras kabia.

Lawana Nani 2:2

Tasba kingka nani bara wihta nani sut ba, Dawan mapara witin nani buisa, baku sin ai kingka bâk sakan ba mapara.

Lawana Nani 75:4

Taniskira nani ra bara watawi dadaukra nani ra wisni: “Man nani mamyuni tara pulpara;

Lawana Nani 75:5

man nani karnikam brisma wisi karna aisapara, aisaia sma ba ra upla ra saura aisapara.”

Smasmalkra 11:9

Liliam bri bas wahma bara tiara nani, man kau wahma sma ba ra, tiara sma ba ra; man sip sma ba ra diara pain ba lihki bas. Swis kupiam brinka mita mai bri wabia bara dîa sut kaikma ba wal, kuna kupiam krauki bas baha nani sut ba Gâd mita lâmka daukbia.

Aiseya 7:1

Siria kingka Resín, bara Israel kingka Pécah Remalías luhpia ba wal, Jerusalem mapara aiklabaia wan, sakuna sip pura luras kan. Ahaz, Jotam luhpia, Ozías mulika ba, Juda kingka aimaki kan ba yua nani ra baha takan.

Aiseya 7:4

witin ra wis: ‘Aman kaiks, dring prupara; si bripara, sringkam sin bripara baha pauta klauhan lupia wâl kiasma taki ba dukiara, Resín, Siria ai uplika aikuki kupia baiwanka laptika ba, wala Remalías luhpia ba dukiara sin.

Aiseya 8:6

“Naha uplika nani ra Resín sîa, Remalías luhpia waitna ba sîa, Siloé ra lî lamni aubi ba lulki swin bamna,

Jirimaya 50:11

“Caldea uplika nani, man nani bal yang upliki nani diara bri kan ba sut briram ba, ¡bara liliam dauks, pi, di, dimi! ¡Bîp mairin twi kura ra pih srutwi baku srutwi banhs! ¡Aras nani srutwi ihbi baku dauks!

Jirimaya 9:23

Dawan aisisa: “Sinskira ba sinskira sa wisi aimayuni kabiara, karnakira ba ai karnika bri ba dukiara sin apia, yuyakira ba sin diara bri ba wisi aimayuni kabiara.

Isikiel 29:3

Wis: ‘Dawan naku wisa: Yang param takisni man waihlam, king fero, Idsip kingka, daiwan aihka saura tara, awalkam ra bâra sma bara aisisma: Nilo awala ba yang awalki, yang daukri.

Isikiel 29:9

Bara upla iwras tasbaya takbia bara upla nani ba ai dara walbia, yang sika Dawan sna ba. Man wiram: Nilo ba yang duki, yang daukri.

Daniel 4:27

Baku bamna, king dîa mai wisna ba kat dauks, diara sut wapni kat dauks bara sin kli saura daukpara, saurkam nani ba mahka swis, bara umpira nani ra hilp muns, ban kra baku lika sip kama king ban kaia kupia kumi lâka ra pâwi kaia.’ ”

Daniel 4:30

naku win: “¡Kaiks nahki Babilon ba tara sa! Yang karniki tara ba wal paskri Babilon tasbaya lalka baku bâra ba lika, yang tara sna ba tânka naika piua ra kaikbia ninira aula nani ba.”

Jona 4:6

Dawan Gâd mita daukan pispis kiwka sâtka kum saki muni Jona lal pura tani ra mangkan, kau dista yabi kupia lilia daukaia mata. Baha distika ba wal Jona ai âuyapah pali takan.

Sofonías 3:11

Baha piua ra, tawanki, man lika yang maipara bûi diara saura nani daukram ba, baha dukiara man nani swiram lukma apia. Man nani tilam wina prautkira pura luan dauki nani ba sakamni, bara yang ilki holikira ra, man nani kli pura luan lâka daukma apia.

Sakaraya 1:19

Bamna insal yang wal aisi kata ba ra makabi walri, aringka nani ba dîa tânka sapa, bara witin ai win: “Baha aringka nani ba sika, baha uplika karnakira nani ba, witin nani mita Juda, Israel, Jerusalem uplika nani sut, tasbaya wina kangbi sakan bara tasba aiska ra wan ba.”

Jan 16:20

Yang kasak pali mai wisni, man nani ini kama bara sari sin banhwi kama, sakuna naha tasba uplika nani ba lika lilia kabia. Ban sakuna, man nani sari kama kra, kuna sarkam ba lilia ra ni tawbia.

Jems 4:16

Sakuna man nani uya mamyuni aisisma; bara naha pura luaia lukanka na sika saura.

Param Marikanka 11:10

Tasba ra iwi uplika nani ba naha wâl pruan na dukiara lilia baman kabia. Witin nani lilia tara dauki, pana pana ai walka ra prisant blîkbia; kan baha witniska wâl Gâd dahra aisi nani kan ba mita, witin nani ra uya rausauhki kan bamna.

Wihta Nani 9:27

bara witin nani aikuki insla ra wan, wain mâ dakbi taibi wain laya dauki, bara baha dih ki lilia tara daukan, ai gâdka nani tempelka ra plun pin bara wain din, bara Abimélec ra lawaska kiki lahtubi aisi kan.

1 Samuil 4:5

Bamna baku Dawan lâka auhbaika ba kiamp ra brih wan, bara Israel luhpia nani ba lilia tara daukan, ai bîla baikra karna winan ba mita tasba sin nikban.