Emus 6:10 - DAWAN BÎLA AISKA

¹⁰ Sibrin tara bâra kabia, pruan nani ba taika kum balbia, wîna tara ba bikaia alki bukbia ba ra, ai walka utla bilara tauki bâra wibia: “¿Kau wala kum bâra sa ki?” Bara witin pana wibia: “Apia.” Bara tâura bal aisi uplika ba wibia: “¡Sâp bas! ¡Dawan nina mâki sin aisapara!”

Emus 6:10 ပူးပေါင်းရင်းမြစ်များ

2 King Nani 23:16

Bara Josías ba kli tawi balan ba ra, raiti nani baha ilka purara kan kaikan, bara blikan wan pruan nani dusa ba saki balan, bara watlika paskan kan ba purara angki âpu daukan. Baha bîla prapit bâk, Dawan mita aisan kan ba kat, baha ba sika pat maisa paki win kan.

2 King Nani 6:33

Bara kau witin baha nani wal aisi kan ba ra, baha sturi twatwilkra Ilaidsa ra balan bara win: —Kasak pali baha Dawan lawanka ba aula bika, ¿dîa kau yang bui witin wina bîla kaikaia sna ki?

Jirimaya 16:6

Naha kuntrika ra almuk nani ba tuktan nani ba prubia, upla kumi bal baha nani bikbia apia, pura mata sin inbia apia, sarka brisa wisi ai taya ra klaki ai tâwa sin irbi banhbia apia.

Jirimaya 44:26

Sakuna Juda uplika nani, man nani Idsip ra iwisma ba, naha wals, yang, Dawan, man nani ra aisisna: Nini kulkanka tara ba ni swer takisna, Juda uplika Idsip ra iwi ba kumi sin kli yang nini mâki, aisabia apia: Dawan rayaka nina ra.

Jirimaya 9:21

“Wan watla nani ra prura bal diman, utla tara nani paskan ba bilara sin; yabal ra tuktan nani ba ikisa, pulaia pliska nani ra wahma nani ba ikisa.

Isikiel 20:39

‘Israel luhpia nani, Dawan naku aisisa: ¡Man nani aidulkam nani ra mayunaia was...! Sakuna baha ningkara man nani bîli wali daukma, bara yang nini holikira ba kli tâski daukma apia, baha prisantka nani ba yabi aidulkam nani ra puram suni.

Isikiel 24:21

‘Israel luhpia nani ra wis: Dawan ba naku wisa: Tempelki ba tâski daukamni man nani kaikaia lihkisma bara latwan sma ba; man nani kulkanka tara brisma bara karnikam ba; luhpa mairin bara waitna nani, Jerusalem ra swiram ba iki yakabia.

Emus 5:13

Baha mita sins brih uplika nani ba diara aisaras sâp takisa, kan piua ba saura sa bamna.

Emus 8:3

Witin nani ai watla tara nani ra lilia aiwani ba, baha yua ra pruan nani pura mata ai mamna lulki ini kabia. Upla ailal pruan kabia, witin nani wini ini bin daukras, sâpkira pruan nani ba bri si lulki kabia. Dawan baku kasak aisi wisa.

Kulki Kaikanka 17:12

sakuna Israel luhpia nani Moses ra win: “¡Yang nani na tiwri pali sna! ¡Sut prui banhwamna sa!

1 Samuil 31:12

bara waitna karna nani ba sut lâ daukan, bara tihmia aiska wapi lalawan ba ra, Bet-seán kutbanka ba wina Saúl wîna tara ba, luhpia nani wîna tara ba sin saki brin bara kli tawi Jabés ra balan, bamna bahara wîna tara ba angkan.