Emus 5:15 - DAWAN BÎLA AISKA

¹⁵ ¡Diara saura daukaia ba, man nani misbara kaiki bas! ¡Bara diara yamni daukaia ba latwan kaiks! Aman kaiks lâ pliska nani ra lâ kasak ba daukbia, baku daukma ban kra karnika sut pali brih Dawanka ba, Israel luhpia nani kau bâra ba, ban umpira kaiki bâra swibia.

Emus 5:15 ပူးပေါင်းရင်းမြစ်များ

2 Samuil 16:12

Ban kra Dawan lika yang trabilki nani kaikbia, bara naiwa saura ai win walisna na watlika ra, yamnika nani blîkbia.

1 King Nani 20:31

Bara wihtka tara nani ba mita win: —Kaiks, yang nani walri Israel kingka nani ba, dîa dauki ba ai bîla kat daukisa. Baku bamna kaisa kwala siksa nani dimaia, wan nana ra sin kiwa nani mangki taki, Israel kingka ra waia kaikaia sip kabia sapa, bara wan saurka swih tikbia bara wan ikaia apia.

2 King Nani 13:7

Bara Joacaz aiklaklabrika nani waitna 50 baman takaskan kata, baku sin aiklabaia waginka nani matawalsip bara waitna nani 10,000 ai mina wapi aiklabi, kan Siria kingka ba bui aiska sut iki tikan bara yamhpus baman daukan kata.

2 King Nani 15:29

Pécah Israel kingka kan piua ra, Tiglat-piléser Asiria kingka ba balan, bara Iión, Abel-bet-maacá, Janóah, Quedes, Hasor, Galaad, Galili, bara Neftalí tasbaya aiska ba dakbi brin, bara uplika nani ba Asiria ra alki alba lâka ra brih wan.

2 King Nani 19:4

Ban kra Dawan man Gâdkam ba walan baku sa, Asiria kingka bui ai wihta tara kum saki blikan Gâd rayakira ra lahtubaia bara sturi saura nani wiaia, Dawan Gâdkam ba bui naha uplika nani ra klala yabia, baha aisanka yamni apia nani Dawan mapara aisan ba tâwan. Witin nani ai tila kat kau kum kum takaskan bâra sa, baha nani dukiara puram suns.”

Lawana Nani 119:104

Man lâmka bîla nani ba wina, yang diara tânka brisni; baha mita misbara kaikisni, kunin watawi lâka nani ba.

Lawana Nani 34:14

Watawi lâka ba wina irbi taks, bara yamni ba dauks, kupia kumi lâka ba pliki nina bliki bas.

Lawana Nani 36:4

Ai krikrika ra aitniki, saura daukaia dukiara luki kaikisa; saurka lâka yabalka ra karna pali alkan ba mita, watawika lâka ba lulki swin daukras sa.

Lawana Nani 37:27

Saura ba lama wina laihura takasks, bara yamni ba dauki bas, bara man ban kaia ra, anira iwi kaia pliska kum bri kama.

Lawana Nani 80:1

Israel sepadka, Josep ra, sîpkam daknika baku tâ brih was, man kirubin purara iwaikam brisma ba, ¡wan wals! Man namkra yamni wal Efraín ra kaiks,

Lawana Nani 97:10

Dawan ba latwan kaikisa, baha uplika nani saura ra misbara kaiki ba; kasak luki nani rayaka ba, kan kahbi brisa; upla watawikira nani mihta ra kauhaia ba wina dakbi sakisa.

Impakan Sturka 32:30

Baha yua wala ra, Moses upla nani ra win: —Man nani saurka tara pali kum dauki banhram sa. Yang nanara kli uli wamna Dawan ra, man nani saura daukram ba ban swih tikaia daukamna sapa.

Jirimaya 18:8

Sakuna baha nisanka ba saura dauki ba mahka swibia kaka, klala yabaia ridi daukri ba blikamna apia.

Jirimaya 22:3

‘Kasak lâka bara wapni lâka ba man nani naha tasbaya ra dauks, man nani tataibra nani ba mihta wina taiban uplika nani ba pri sâks, tringsar nani ba mâyara kulkpara bara sin rausauhkpara, rau nani ba bara piarka mairin nani ba sin. Upla pâtkas nani ba sin ikpara.

Jirimaya 31:7

Dawan ba wisa: “Lilia ni aiwans bara Juda tawanka dukiara liliakira bas, kau pali ba nisan nani sut dukiara. Pain wals mayunanka ba, bara wis: ‘Dawan bui ai uplika nani swaki sakan, Israel ra kau takaskan kan ba.’

Isikiel 45:9

“Yang Dawan sna ba, aisisni: ¡Ba kat aitani sa, Israel gabamintka tâ brabrira nani! ¡Kau taiban lâka âpu, saura munan sin âpu! ¡Kasakka lâka ra bara wapni lâka ra taws! ¡Upliki nani tasbaya implikisma ba swis! Yang, Dawan, baku adar yabisni.

Daniel 2:49

Daniel makaban ba kat, king ba mita mangkan, Sadrac, Mesac bara Abed-negó ba wark tara kum lalka, Babilon tasbaya aiska pura kaikaia warkka ra mangkan. Daniel lika king watla ra takaskan.

Joel 2:14

Ban kra witin, man nani ra kli lukbia ba ra, kau ban klala maiki kabia apia, sakuna ai yamnika ni, puramra blîkbia: plun mâ nani, wain sin blîkbia, Dawan Gâdkam ra prisant nani dauki yabaia dukiara.

Emus 5:10

Tawan dimaika nani kat, man nani ra lâ tânka mai smalki uplika nani ra misbara kaikisma ba, bara upla kasak nani ra misbara kaikisma ba.

Emus 5:24

Lâ wapni dauki kaia lâka ba yarka lî laiwi baku kabia; kasakka lâka ba awala laya sip lâwras ba baku kabia.

Emus 5:6

Dawan ra pliks, bara man nani raya kama; natka wala ra kaka, witin mita pauta klauhan blîkbia Israel luhpia nani purara, bara Betel ra upla âpu kabia naha daskaia.

Emus 6:12

¿Walpa tara nani ba purak, aras nani ba pain plapbia lukisma ki? ¿Kabu ra bîp wainhka nani ni, tasba baikbia ki? ¡Lâ wapni daukaia lâka ba, man nani bui puisin daukram! ¡Kasakka lâka daukaia ba sin, laya tahpla ra lakram!

Emus 7:3

Bamna Dawan kli ai kupia swapni daukan bara ai win: —¡Daukaia wîri ba baku daukamna apia!

Jona 1:6

Bara duri kiaptinka ba witin lama kat wan, bara win: —Yayapra tara, ¿man nâra dîa daukisma? ¡Bus, Gâdkam ra puram suns! Ban kra witin umpira wan kaiki swaki wan sâkbia.

Jona 3:9

yawan baku daukbia kaka, ban kra Gâd wan lawbia apia, bara yawan raya kabia.”

Miqueas 2:12

Âu, yang, Jekob uplika nani sut asla daukamna; Israel luhpia nani kau bâra swin ba, yang asla wahbamni. Sîp daknika baku klar kum ra asla daukamna, sîp ailal twi tasbaya ra bâra ba baku, bara upla ailal bin dauki ba baku daukbia.

Miqueas 3:2

Sakuna man nani lika yamni ba misbara kaikisma, bara saura ba latwan kaikisma; upliki nani dusa ba raya taya takbi, wîna ba kalki saki dusa baman dauki swisma.

Miqueas 5:3

Bamna nanara, Dawan bui ai uplika nani ba lulki swisa, sakuna mairin ai luhpia baikbia bîla kaiki ba baikbia ba kat. Baku bamna, Israel luhpia nani, kuntri wala ra swin aikuki, kli wal asla taki banhbia.

Sofonías 2:3

Bawikira nani sut tasba aiska ra, Dawan lâka bîla wali dauki nani sma ba, man nani sut Dawan ra pliks. Bawikira lâka ra, wapni lâka ra diara nani dauks, baku kra yukuwaika sâkma, Dawan lawanka yua ra.

Malaquía 3:18

Bara man nani aima wala ra tânka brima yamni ba saura ba wal tânka aihka ba, Gâd ra mayuni ba, Gâd ra mayunras ba tânka.”

Roman 12:9

Latwan kaiks kasak tânka ra wal pana pana. Saura lâka ba misbara kaiks, kuna diara pain ba nina blîks.

Roman 7:22

Kupi munhtara lika, Gâd lâka ba yamni kaikisna,

Roman 8:7

Bamna upla lâka kat baman luki tauki nani ba lika Gâd wal waihla takisa, kan Gâd lâka ba brin daukras bara baha ra sip bawras sa.

3 Jan 1:11

Muihki laitwankira, tânka saura nani nina blîkpara, kuna tânka pain ba lika. Ya diara pain dauki ba Gâd wina sa, kuna ya saura dauki ba lika, Gâd kakaira apia sa.