Emus 5:11 - DAWAN BÎLA AISKA

¹¹ Man nani mita upla umpira nani ba bahki kulki lawaska kikisma, bara lal mana tara kulkisma, plawar ni mai aibapaia dukiara, man nani ban iwi kama apia, baha wamtla nani walpa ni mâki brisma ba ra; wain nasla nani dauki mangkram pain pâwisa, sakuna baha wainka laya wina sin dima apia.

Emus 5:11 ပူးပေါင်းရင်းမြစ်များ

Job 20:19

Umpira nani ra taibi muni dukia dakbi bara ban lulki swin, utla nani witin mita mâkras kan ba dawanka takan.

Aiseya 16:10

Bin tara bara lilia lâka nani insla bilara sâp takan kabia; kli bin bara lilia lâka âpu kabia, insla ra lawana aiwanaia ba sin âpu kabia. Kau sin wain mâ ba taki kabia apia, wain laya sakaia wisi. Bin nani ba sin danh takan.

Isikiel 26:12

Yuyakam nani ba âpu daukbia, diara brisma nani ba sut brih wabia, kutbanka nani ba sin slingbi âpu daukbia, bara king watla pranakira ba sin mâyara batakan kabia; walpa nani ba kabu ra lulkan kabia, utla bînka nani ba slingbi sut yakaban kabia tasba ra.

Isikiel 34:21

Swapnikira nani ra man nani platukbi laihura sakram, kiapkam ni mangki sakram bara yabram plapan.

Oseas 9:2

Israel luhpia nani, plawar, wain sin bribia apia; wainka disang ba, ailal apia kabia.

Libait Lâka 26:16

man nani wal yang naku daukamni, sibrin man nani puramra blikamna, pruaia sikniska, rihka, nakra siknis saura nani, biawaia; kupiam kriwan takaia; insla warkka daukaia sip apia kama, kan waihlam nani bal namsla mâ mangkram ba pi kabia.

Emus 2:6

Dawan naku aisisa: “Israel luhpia nani ba saura ailal pali daukan, bamna yang bui witin nani ba klala yabras ban swimna apia; upla kasakkira nani pât luha ba ra, lalah mana atkan wisa; upla umpira nani ra lika, sûs maya kum mana atkisa.

Emus 2:7

Upla umpira nani ra taibi, ai raitka wina mâyara batakisa; bawikira bara umpira nani raitka yabaia kata ba yabras. Luhpia waitna ba ai aisika wal sim baku dauki, yang nini sunu ba tâski sakisa.

Emus 3:15

Kauhla bara piua lapta watla nani mâkan ba sut slingbamna; elepant napa ni paskan watla nani ba âpu daukamni, bara king watla tara nani sut sin sauhki tikamni.” Dawan baku kasak aisisa.

Emus 3:9

Asdod bara Idsip tasbaya nani ra, lâ watla tara nani bâra ba bilara upla nani ba ra, naha bîla dahra na aisas, witin nani walbia: “Man nani Sameria ilka nani ra uli bal kaiks, nahki bahara lâ kat apia, warha baman iwi ba kaiks, bara unsaban lâka nani bahara uba pali dauki ba, baha mita upla nani pât wahwi ba.”

Emus 4:1

Sameria mairka nani, Basán bîpka mairin batanira nani, naha dahra aisin bîla na wals, upla umpira nani ra raitka yabras taibi munisma, bara upla diara nitka bri nani ra saura pali munisma ba, mayam waitna nani ra adar yabisma wain laya diaia bri sal maikbia.

Emus 6:11

Kan Dawan lâ daukbia utla tara bara sirpi nani ba sin sut slingbi tikaia.

Emus 6:12

¿Walpa tara nani ba purak, aras nani ba pain plapbia lukisma ki? ¿Kabu ra bîp wainhka nani ni, tasba baikbia ki? ¡Lâ wapni daukaia lâka ba, man nani bui puisin daukram! ¡Kasakka lâka daukaia ba sin, laya tahpla ra lakram!

Emus 8:4

Man nani diara luha uplika nani ra taibisma ba, bara kuntrikam uplika umpira nani ra sauhki tikisma ba, wali banhs.

Emus 9:14

Upliki Israel nani priski tasba wala ra brih wan ba, yang kli bri balamna, tawanka nani sauhki swin kabia ba sin, witin bal kli paski bahara iwbia, wain nasla nani sin daukbia, wain laya sin di kabia, insla nani dauki plun mangki ai pata mâ nani saki pi kabia.

Miqueas 1:6

Baha mita, Dawan naha aisisa: “Sameria tawanka tara ba yang daukamni, tawan almuk nani slingwi luan baku; wain mâ mangkaia tasbaya kum ridi ba baku swimna; tawan bilara walpa nani ba sut il bîla ra lulkamna bara tawanka ba, utla playka nani baman swin kabia.

Miqueas 2:2

Upla wala tasbaya nani ba kaiki tumisa bara sin dakbi brisa; baku sin upla wala watla nani kaiki tumisa bara implikisa; watla dawanka waitna ra, maya bara luhpia nani ra, ai yuyaka bri ba sut ra taibi munisa.

Miqueas 6:15

Saumuk mangki kama, sakuna mâ krikma apia; oliv mâ nani sin taibi kama, sakuna baha batanka laya ba, man nani dukiam kabia apia; wain mâ ba sin taibi kama, sakuna laya ba man nani dima apia.

Sofonías 1:13

Baha mita sika, ai dukia kukanka nani ba wal brih wabia, ai watla nani ba sin slingban kabia. Ai watla nani lika mâkbia, sakuna bahara iwbia apia; wain nasla nani sin daukbia apia, bara sin dibia apia.”

Hageo 1:6

Saumuk ailal tasba ra mangkisma, sakuna mâ wiria man dâkisma; plun pisma, sakuna aitani pisma baku damra walras sma; diara laya disma, sakuna diran mai dauki ban sma; kwala dimisma, sakuna kauhla mai dauki ba ban sma; lal mana wark taki uplika ba, ai warkka mana ba lalah watla kalwan ra auhbi baku sa.

Malaquía 1:4

Bara Edom tasbaya uplika nani Isau masraka ba, witin nani naku aisabia kaka: “Wan tawanka nani sauhki tikan sa, ban sakuna yawan wan nisanka na kli bukaia sa”, karnika sut bri Dawanka ba pana aisabia: “Âu, witin nani kli bubia kaka, sakuna yang mita kli slingbamna. Witin nani ai tasbaya nina ba ‘Watawika lâka tasbaya’ mâkbia, bara ‘Dawan mita baha nisanka ra ban kaia ra ai kupia baiki ba.’ ”

Kli Smalkanka 28:30

Mayam briaia aisama sakuna waitna wala wal ai maya takbia. Utla paskma sakuna dimma apia, wain nasla mangkma kuna man wainkam mâ wina dih lilia takma apia.

Jems 2:6

Sakuna man nani lika umpira nani ra swira daukisma; ban sakuna, lalahkira nani ba sika man nani ra taibi mai bri ba, ¿bara wihta nani mawanra raski mai brih wi ba?