Emus 4:11 - DAWAN BÎLA AISKA

¹¹ “Man nani ra yang bui sauhkanka saura kum ni sauhki mai tikri, sim Sodoma bara Gomora wal ra sauhki tikri ba baku; pauta klauhan kum pauta aswi ba tila wina sakan baku kan. Baha sut daukri, ¡sakuna man nani lika yang ra kli tawi balras!” Dawan baku kasak aisisa.

Emus 4:11 ပူးပေါင်းရင်းမြစ်များ

Aiseya 13:19

Bara Babilon, king tasbaya nani pranakira ba, Caldea uplika nani tasbaya tara skahkanka pranakira ba, Sodoma bara Gomora baku takma yang mita sauhki tikatna piua ra.

Aiseya 7:4

witin ra wis: ‘Aman kaiks, dring prupara; si bripara, sringkam sin bripara baha pauta klauhan lupia wâl kiasma taki ba dukiara, Resín, Siria ai uplika aikuki kupia baiwanka laptika ba, wala Remalías luhpia ba dukiara sin.

Aiseya 9:12

Lalma wina Siria uplika nani, muna wina filisteo nani balbia Israel luhpia nani ba ai bîla banhki langki pibia. Baha sut daukan kabia ba wal sin Dawan ai kupia baiwanka ba kau takaskras; witin kau ban baha nani tayahki kabia.

Jirimaya 23:14

Yang kaikri prapit nani Jerusalem ra bâra ba, diara saura pali daukisa: upla maya lâka krikisa bara upla ra taibisa, baha dauki ba mita watawikira nani ba kau tâ baikisa, upla kumi watawika lâka ba swi si tnaya ra tawras. Witin nani ba bara tawan uplika nani ba Sodoma bara Gomora uplika nani baku sa.

Jirimaya 49:18

witin nani ra sin Sodoma, Gomora wal, lamara tawanka nani kan bara sauhki tikan ba, baku takbia. Upla kli bahara iwbia apia, bahak wapi sin lui kabia apia. Yang, Dawan, aisisna.

Jirimaya 5:3

Dawan, man plikisma ba sika kunin aisaras uplika ba. Man bui witin nani ra klala yabram, sakuna baha witin nani ra latwan yaras kan; man bui witin nani ba sauhkram, sakuna witin nani diara lan takras. Kiamapara nani, walpa baku karna, yabal yamni ba ra witin nani kli tawi balaia apia lukan.

Jirimaya 50:40

Sodoma ra, Gomora ra, bara tawanka nani lamara kan ba sut sauhkan ba baku, witin ra sin takbia. Upla baha tasbaya nani ra kli iwbia apia, baha lamak sin wapi lui kabia apia. Yang, Dawan, kasak aisisna.

Isikiel 24:13

‘Jerusalem, yang brinki kan tâski ba wina pri lâka brima, kuna man klin takras kapram. Man klin takma, yang kupi sauhkanka puramra blikamna ba kat lika.

Oseas 11:5

sakuna witin nani kli, yang ra tawi balaia lukras. Baha mita witin nani kli Idsip ra waia sa, bara Asiria witin purara king aimakbia.

Oseas 11:8

“Efraín, ¿yang nahki man mai swimna ki? Israel, ¿yang nahki man mai lulki mai swimna ki? ¿Adma tawanka tara sauhkri ba baku, mai sauhkamna ki, apia kaka Seboím ra daukri ba baku, mai munamna ki? ¡Yang kupi na wirha pali takisa, latwan pali mai kaikisna ba mita!

Emus 4:6

“Yang bui daukri sika, man nani tawankam tara sut ra plun wahwi kapram ba; yang bui daukri sika, tawankam sirpi nani sut ra plun âpu takan ba. ¡Baha sut daukri sakuna, man nani kli yang ra tawi balras!” Dawan baku kasak aisisa.

Hageo 2:17

Namsla ra pata mâ nani purara ba sikniska, lî kauhla klaswi auhi ba ni sauhkri, sakuna man nani bui yang ai plikras. Yang, Dawan, kasak aisisna.

Sakaraya 3:2

Bamna Dawan insalka mita sitan ra naku win: “¡Dawan lawi mai daukbia! ¡Dawan Jerusalem ra latwan kaiki ba, lawi mai daukbia! Kan naha waitnika sika masku pauta wina sakan baku sa.”

Roman 9:29

Baha sim Aiseya kau kainara aisin: “Dawan, karnika sut bri ba kiamka nani swiras kan kata, nanara yawan lika Sodoma bara Gomora ba wal baku kaia kan.”

1 Korint 3:15

Sakuna witin paskan dukia ba amuya kaka, witin ai dukia sut tikbia, witin pali swak sakan kabia sakuna, upla kum pauta wina swakwi ba baku.

Kli Smalkanka 28:24

Dawan mita daukbia puramra, lî blikaia watlika ra tasba pupuhkan nani bara auhya baman blîkbia, sauhki âpu mai daukbia ba kat,

Kli Smalkanka 29:23

kuntri aiska ba kaikbia tasbayam ba sulpa, sâl, tasba baman ami tiwbia. Baha tasbaya ra diara mangkaia sip apia kabia, diara ai mâ sin sâkbia apia; twi sin pâwbia apia, Sodoma, Gomora, Adma bâra Seboím ra Dawan ai kupia baiwanka prautka ra sauhki tikan ba baku kabia.

2 Pita 2:6

Sodoma bara Gomora tawanka wal ba, Gâd mita ban swi âpu daukan, bara pauta mita angki yamhpus baman daukan, baha lika naika piua ra upla nani saura lâka ra iwbia nani sut ra latan sampla kum kabia wisi.

Judas 1:23

Upla tila nani ba, pauta wina swaki sâks; bara kli upla wala nani ra lika umpira kaiks, witin nani ba sîa bris, ai kwalka nani ba kat sin sibrinka bris, kan baha ba sut sin tâski pali takan sa, ai rayaka saura ba mita.

Judas 1:7

Baku sin Sodoma, Gomora bara baha lamara tawan nani kan ba, baha insalka nani kauhan ba baku witin wîna nani sîn tara brinka mita munan saurka ra diman; saurka uba dauki ba mita, paskanka ban bâra ba mapara takan. Baha mita pauta ami ban kaia pâtka ba wahwan bara upla sut ra kupia kraukanka kum baku takaskan sa.

Param Marikanka 9:20

Bara upla wala nani baha pâtka saura nani mita ikras kan ba, ai kupia lakras, diara saura nani dauki kan ba sin swiras, lasa nani ra ai pura suni mayuni kan ba gul ni, silbar ni, gul ni, walpa ni, dus ni paskan nani ra ai pura suni mayuni kan ba sin swiras, baha nani sip aisaras bara sip kaikras, sip walras, sip sin wapras ba.