Emus 4:1 - DAWAN BÎLA AISKA

¹ Sameria mairka nani, Basán bîpka mairin batanira nani, naha dahra aisin bîla na wals, upla umpira nani ra raitka yabras taibi munisma, bara upla diara nitka bri nani ra saura pali munisma ba, mayam waitna nani ra adar yabisma wain laya diaia bri sal maikbia.

Emus 4:1 ပူးပေါင်းရင်းမြစ်များ

1 King Nani 16:24

Bara witin Sameria ilka ba atkan silbar 66 kilo mana Sémer wina; bara baha tawanka witin bui paskan, bara nina Sameria mâkan. Sémer wina atkan bamna, ilka dawanka ba Sémer, baha nina takan wina Sameria mâkan.

Job 20:19

Umpira nani ra taibi muni dukia dakbi bara ban lulki swin, utla nani witin mita mâkras kan ba dawanka takan.

Job 24:4

Umpira nani ba yabal wina tnaya ra kangbi lakisa, bara upla bawikira nani ba yukuwaia sa.

Lawana Nani 12:5

Dawan naha aisin: “Umpira nani ra, swapni nani ra sin taibisa, witin nani ai tâka baha nani pât wahwisa. Baha mita, nanara yang buaisna. Yang bui witin nani ba tâ baikamna, wihka bîli kaiki ba.”

Lawana Nani 140:12

Yang kaikisni, Dawan bui upla umpira nani ba kasak wapni daukisa, bara sari bri uplika nani raitka ba tâ baikisa.

Lawana Nani 22:12

Bîp wainhka ailal, Basán wina tnaya kir sa; waihli nani bîpka wainhka prautkira nani ai prihban sa;

Sins Lâka 22:7

Umpira nani tilara, lalahkira ba king sa; tras dadimra tilara, lalah lin mamunra ba.

Smasmalkra 4:1

Ningkara yang lukanki ba, naha tasba ra taiban lâka nani dauki ba ra aman pali mangkri, bara kaikri taiban lâka mununhtara nani ba, inisa, kuna upla kumi sin âpu baha maisa nihkaia; bara tataibra nani ba bui kau pali karna munisa kuna maisa nanihkra nani lika âpu.

Smasmalkra 5:8

Aihka lukpara, kuntri kum mita umpira nani ra taibi brisa kaka; bara karna lâka munisa, kasak lâka bara raitka lâka ra sin; kan war tâ uplika kum, wala kau tara ba mita pura prakisa, bara kau purara tâ aimaki ba mita wâlsut ra pura prakisa.

Aiseya 28:1

¡Alai pali kabia Sameria, Efraín prautka lâka bara kraunka ba, tangnika painkira pranakira ba srawan, baha il plahpia laih purara bâra kan ba, bara wain di lal saura takan ba!

Aiseya 5:8

¡Man nani saura pali kama, utla nani atki kau atkisma ba, insla nani brisma kuna kau pura prakisma, upla wala dukia swiras, man nani baman tasbaya na ra iwisma baku!

Aiseya 56:12

Witin nani wisa: “Kaisa yawan wain pliki diaia, wain karna pain ba di bla takaia. Yauhka yua ba sin, naiwa na baku kaia, apia kaka yauhka kau di lilia kaia.”

Aiseya 58:6

Baha apia sika. Kaiki plun wahwi tânka yang yamni kaikisna ba sika naha: kasak apia lâka ra silak ra priskan ba wina kriki sakisma ba, lal wilkaika dusa ra taibi wilkan ba wina lanhkisma ba; taiban uplika nani pri sakisma ba. Baku sin man tataibra nani ba âpu daukisma ba sika.

Jirimaya 50:11

“Caldea uplika nani, man nani bal yang upliki nani diara bri kan ba sut briram ba, ¡bara liliam dauks, pi, di, dimi! ¡Bîp mairin twi kura ra pih srutwi baku srutwi banhs! ¡Aras nani srutwi ihbi baku dauks!

Jirimaya 50:27

¡Suldiar nani ba sut iki tiks, sut ikaia watla ra blîks! ¡Saura pali witin nani ra! ¡Witin nani yua ba balan, klala aiklabaia yua ba!

Jirimaya 51:34

Jerusalem, Saion tawanka ba, aisisa: “Nabucodonosor, Babilon kingka ba, yuya sirpi ai dauki ai langkan; plit kum bîla man ba baku ai dauki swin. Kabu daiwra saura tarka tara kum baku taki, ai langkan; dîa want ba kat ai âuyapah ai pin; bara tâka ba swin lulkan. ¡Babilon bui saura ai munan mana ba aibapbia! ¡Caldea uplika nani bui aibapbia, upliki nani ikan ba mana!”

Jirimaya 6:6

Karnika sut bri Dawanka ba win naku daukaia: “¡Man nani dus nani ba klaki baps, kainam kahbaika dauks Jerusalem mapara aiklabaia! Tawanka ba pât ra lakan sa klala yabia taiban lâka ni banhwan bamna.

Jirimaya 7:6

tringsar nani diara bri ba mihta dakbras kama kaka, rau nani bara piarka nani ba sin baku saura munras kama kaka, naha tasbaya ra sin upla pâtkas nani ba ikras kama kaka, gâd wala nani ba sin mayunras kama kaka, baha dukia nani brisma ba tâka mita sika kli pât ra tawisma ba,

Isikiel 18:12

upla umpira ai nitka bri nani ra taibi ba, upla wala nani ra impliki ba, ya wina diara brin dukia nani ba kli aibapras ba, witin ai lukanka gâd bahki nani ba ra mangki ba bara yang saura kaikisna dukia nani dauki ba,

Isikiel 22:12

Uplikam nani kum kum ai wîna atkisa ai walka ra ikaia dukiara. Upla ra lalah yabisa implikbia dukiara, taiban lâka bara saura munaia lâka daukisa ai uplika ra, bara ai âuya ai tikisa. Yang, Dawan, kasak aisisna.

Isikiel 22:27

Naha tawanka tâ brabrira nani ba yul wail baku sa; diara alkan ba bisbi tikisa, ridi pali sa upla ikaia, ai dukia kukan ba ailal dauki kaia baman lukisa.

Isikiel 22:29

Tawan uplika nani ba saura munaia lâka bara implikan lâka ni banhwan; umpira nani ra, bara nitka bri nani ra taiban lâka ra brisa, bara saura munaia lâka, kasak lâka luha tringsar nani ra munisa.

Isikiel 22:7

Uplikam nani ba, ai aisa bâra ba ai yapti nani ra kulkras sa, tringsar nani ra saura munisa, rau bara piarka nani ra taiban lâka ra diara bri ba dakbi brisa.

Isikiel 34:16

Sîp tiwan nani ba plikamna, yabal tnaya ra wan nani ba bri balamna, mina kriwan nani ba kwala blakamna, swapni takan nani ba main kaikamna, batana bara karna nani ba main kaikamna. Yang mita main kaikamna nahki ba baku.

Isikiel 39:18

suldiar nani wîna pibia bara tasba tâ brabrira nani tâlia dibia, sim sîp wainhka, sîp luhpia, guts, apia kaka Basán bîpka lupia batana wîna baku.

Joel 3:3

Lat lulki kaiki, yang upliki nani ba yui brin, tuktan waitna nani bara tuktan mairin nani ba atkan, ningkara lalahka nani ba rug mairin nani wal yapaia mana brin, bara wain diaia nani ra yus munan.

Emus 3:1

Israel luhpia nani, man nani wals Dawan naha bîla nani aisi wi ba, Idsip tawanka wina sakan uplika nani ra:

Emus 3:3

Upla wâl asla wapi ba tânka, ai lukanka kumi takras, witin wal lukra kumi sa bamna.

Emus 5:11

Man nani mita upla umpira nani ba bahki kulki lawaska kikisma, bara lal mana tara kulkisma, plawar ni mai aibapaia dukiara, man nani ban iwi kama apia, baha wamtla nani walpa ni mâki brisma ba ra; wain nasla nani dauki mangkram pain pâwisa, sakuna baha wainka laya wina sin dima apia.

Emus 6:1

¡Saura pali kabia baha nani, Saion ra wark daukras bahki man bâra iwi nani ba! ¡Baha nani Sameria ra lukras kira iwi nani ba, saura pali kabia, tawan tara nani lalka, kau tara kulkan nani bri ba, baha nani ra Israel luhpia nani ba wih pliki ba!

Emus 6:6

Kahmi tara ra wain laya laiki disma, batana laya kîa damni ba aimakisma. ¡Sakuna Josep tawanka slingwan kabia ba dukiara lika man nani sari briras!

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Kulki Kaikanka 21:33

Baha ningkara kli Basán tani ra balan, sakuna Basán kingka Og lika, war uplika nani sut aikuki taki Edrei kat wan Israel luhpia nani mapara aiklabaia.

Kli Smalkanka 24:14

“Umpira nani ra impliki, ai mana yabaia sin takaski bri kapara, tawankam uplika kabia, tringsar nani tasbayam ra nani ra sin apia.

Kli Smalkanka 28:33

Upla man nani bui kakaira apia sma ba, tasbayam wina plun mâ nani sakisma ba pi kabia, ban pât wahwi taiban ra bara lawi mai dauki kabia.