Emus 3:15 - DAWAN BÎLA AISKA

¹⁵ Kauhla bara piua lapta watla nani mâkan ba sut slingbamna; elepant napa ni paskan watla nani ba âpu daukamni, bara king watla tara nani sut sin sauhki tikamni.” Dawan baku kasak aisisa.

Emus 3:15 ပူးပေါင်းရင်းမြစ်များ

1 King Nani 22:39

Bamna Ahab sturka nani kau bâra ba, bara dîa dîa daukan ba, utla nani elepant napa wal paskan ba bara tawan nani paskan ba sut lika, Israel kingka nani sturka ulban wauhkataya ra ulban sa.

Lawana Nani 45:8

Man prâmka ba sîka mâka kîa painkira, alus, sinimint kîa baman sa; arp binka, lilia dauki, kupiam lilia daukisa, king man wamtla pranakira mâkan ba bilara.

Aiseya 5:9

Karnika sut bri Dawanka ba swer taki yang ra aisin: “Utla ailal ba sauhkan kabia; tara bara pranakira kabia sin, bîla man swin kabia upla bahara iwbia apia.

Jirimaya 36:22

Baha piua ba baha manka ra pat kati 9 aimakan kan kauhla piua, bara king ba pauta aswan ai lamara bri kan.

Emus 2:5

Witin nani baku daukan bamna, yang bui Juda tawanka purara pauta klauhan blikamna, bara baha pauta kauhan ba mita, Jerusalem tawanka ra wihta tara nani watla sut angkbia.”

Emus 3:11

Baku bamna, Gâd naku aisisa: “Waihlam kum balbia, bara tasbayam na kir kutbi bribia, bara kan kahbaika pliskam ba krikbia bara wamtla tara nani bilara diara nani bâra ba sut saki brih wabia.”

Emus 5:11

Man nani mita upla umpira nani ba bahki kulki lawaska kikisma, bara lal mana tara kulkisma, plawar ni mai aibapaia dukiara, man nani ban iwi kama apia, baha wamtla nani walpa ni mâki brisma ba ra; wain nasla nani dauki mangkram pain pâwisa, sakuna baha wainka laya wina sin dima apia.

Emus 6:11

Kan Dawan lâ daukbia utla tara bara sirpi nani ba sin sut slingbi tikaia.

Malaquía 1:4

Bara Edom tasbaya uplika nani Isau masraka ba, witin nani naku aisabia kaka: “Wan tawanka nani sauhki tikan sa, ban sakuna yawan wan nisanka na kli bukaia sa”, karnika sut bri Dawanka ba pana aisabia: “Âu, witin nani kli bubia kaka, sakuna yang mita kli slingbamna. Witin nani ai tasbaya nina ba ‘Watawika lâka tasbaya’ mâkbia, bara ‘Dawan mita baha nisanka ra ban kaia ra ai kupia baiki ba.’ ”

Wihta Nani 3:20

Bara Ehud ba Eglón wal baman takaskan ba ra, Eglón lika iwi kan pâsa kauhla alki ba rumka ra, bara Ehud ai lamara dimi wih ki naku win: —Sturi bîla brih aulna ba lika, Dawan wina king ra wiaia ai blikan. Eglón baha walan ba ra, witin king iwaika ba wina buan,