Emus 3:13 - DAWAN BÎLA AISKA

¹³ Dawan karnika sut pali bri ba, naku kasak aisisa: “Man nani wals bara Jekob watla uplika nani mapara witnis aisas;

Emus 3:13 ပူးပေါင်းရင်းမြစ်များ

2 King Nani 17:13

Pat Dawan mita prapit nani bara baku sin diara kakaira nani bâk, Israel uplika ra kupia kraukan witin nani ai yabalka saura ba wina tawi bal witin lâka bîla yaban ba alki daukbia, bara ai adarka nani witin nani damika nani ra smalki yaban ba ai dukia dadaukra prapit nani bâk.

2 King Nani 17:15

Bara witin nani ai lâka nani ba lulki swin, bara sin ai damika nani wal lâ aisi daukan kan ba sut krikan, baha tânka bribia dukiara kaina wina ulbi swin kan ba witin nani dukiara. Bara baku gâd bahki nani ba nina blikan, bara witin nani ba sin bahki baman takan. Baha purkara sin, nisan sât wala nani witin nani ai lamara iwi nani kan ba ninara wan, baha pali dukiara sika Dawan mita pat win kan daukbiara naha uplika nani dauki ba.

2 Kronikas 24:19

Ban sakuna, Dawan ai dahra aisasarika nani blikan, kli witin ra tawbia wisi. Sakuna upla nani ba prapit nani smalkan ba walras kata.

Aiseya 1:24

Baha mita, karnika sut ba Dawanka, Dawan karnakira Israel ra bâra ba, witin aisisa: “¡Baha kat aitani! Yang waihli nani lâka ba daukamni. Yang bui witin nani ra pana munamna.

Isikiel 2:7

Man, yang bîli nani na aisas, ban kra bîlam walbia apia kaka walras kabia, kan uya mapara babura sa.

Emus 3:14

kan Israel luhpia nani saurka daukan ba tâwan yang klala yabaia buamna bara Betel altarka nani sut ba sauhki tikamna; altarka ra aringka nani bri ba sin klakamna bara tasba ra kauhbia.

Emus 5:27

Baha tâwan, yang daukamna man nani mai priski mai alki, Damaskus kainara kau laihura mai brih wabia alba mai briaia.” Baku aisisa karnika sut pali bri ba Dawanka, baha sika witin ai nina ba.

Apastil Nani Sturka 2:40

Bara Pita lika naha bîla nani aisin na purara, kau kupia kraukanka ailal baha uplika nani ra yabi, naku smalki win: —¡Man nani naha uplika nani tiwan banhwi na tila wina bal taki, swaki sakan lâka ba alks!

Apastil Nani Sturka 20:21

Ju nani ra bara Ju apia nani sut ra smalki kapri, ai saurka nani ba wina ai kupia lakbia Gâd mawanra, bara kasak lukbia Dawan Jisas ra.

Epesus 4:17

Bamna Dawan nina ra, yang naha na taibi pali mai wisna: man nani kli Dawan ra tawras uplika nani baku raya iwi kapara, kan baha nani lika gâdkas nani ba tânka kat baman taukisa,

Kli Smalkanka 8:19

“Kuna Dawan Gâdkam ra âmya tiki, gâd wala nani ra mayunma kaka, kasak pali lukisni baha piua wina man nani ba aiska pali sauhki mai tikan kabia.

1 Tesalonaika 4:6

Upla kumi mita sin naha bisniska dukiara ai muihni ra kunin muni tâski lâka daukbiara. Naha dukia na kaina manis wina latan mai wi banhri: Ani uplika nahmuna swakwanka nani daukbia kaka, Dawan mita witin ra klala yabia.

Jasua 22:22

—Gâd nani sut Dawanka bara Gâdka ba, witin nu sa yang nani dîa luki naha altarka paskri ba, witin mapara buaia, apia kaka witin wina tnaya ra tawaia dukiara. Baha witin nu sa, bara witin baha nani sut tânka ba man nani ra mamrikbia. Baha baku daukaia tâka sa kaka, yang nani ra raya ai swipara.