Emus 3:12 - DAWAN BÎLA AISKA

¹² Dawan naku aisisa: “Sepad kum, layan bîla wina sîp kuhma wâl pan, apia kaka kiama tâ lupia pan aiklabi dakbi bri ba, baku sim natka ra, Israel luhpia nani Sameria tawanka ra ba, swakwan kabia; baha nani ai iwaika swapni tara purara aitniki ba, Damaskus ra.”

Emus 3:12 ပူးပေါင်းရင်းမြစ်များ

1 King Nani 20:30

Wala nani lika Afec tawanka ra plapi banhwan, sakuna tawan kutban nani ba wina 27,000 aiklaklabra purara kauhan. Ben-hadad sin tawan ra plapi bal bahara yukuwi kan, utla kumi wina utla wala ra yukuwi tauki kan.

1 King Nani 20:34

Bara Ben-hadad mita win: —Papiki mita tasbayam dakbi brin ba, yang bui kli maikamni; bara man kli Damaskus ra bisnis daukaia sip sma, yang papiki Sameria ra bri kata ba baku. —Yang wina lika, yang pramis takisna mai swiaia man mahka waia —Ahab baku win. Baku natka ra, Ahab Benadad wal lâ kum daukan witin ba swika waia.

1 King Nani 22:25

Bara Micaías mita pana win: —Man kaikma, baha yua utla kumi wina utla wala ra yukuwi tauki kama ba ra.

2 King Nani 16:9

Baku Asiria kingka ra tâ baikan, bara Asiria kingka ba balan bara Damaskus ba dakbi brin, baha ningkara bahara iwi nani kan uplika nani ba sut Quir ra alba lâka ra brih wan, bara Resín ba sin ikan.

Ester 1:6

Bara watla latka ba kwala mapla pihni bara mapla siakni ni skahkan; bara kwalka paman awa nani ba balianta kwalka, kiwa nani ba walpa klauhira nani ra wilkan kan, bara iwaika ba gul bara silbar ni paskan kan; baha purkara sin tasba ba walpa mapla siksa wih pihni wal lalauban kan.

Ester 7:8

Baha ningkara, king ba utla latka giadin ba wina tawi balan bara pata tara pi ba ra diman, bara kaikan Amán ba Ester iwaika ra ai lula kriki bâra kan, bara pliska ra Ester ba aitniki bâra kan, bara king ba baha kaiki, naku win: —¿Kwin mairin ra sin yang waitla kat alki, kakalni saura munaisma ki? King ba naha bîla ba nan aisin ba wal, Amán mawan ba king warkka uplika nani ba mita prakan.

Lawana Nani 132:3

“Yang utla bilara dimamna apia, aitnikamna sin apia bahara ris briaia dukiara;

Aiseya 17:7

Baha yua ra upla ba ai Papaskra ra tawi kaikbia, ai nakra nani ba Israel Gâdka Holikira ra luki kira kaikbia.

Aiseya 31:4

Dawan bui ai win: “Layan kum bui sîp kum ra alki ikan ba baku, sepad nani daknika kum aidrubi asla taki witin mapara balbia sin, sakuna ai bîla baikra ni sirang ikbia apia, witin nani binka dauki ba mita ni sin sasibrira takbia apia; karnika sut bri Dawanka ba sin baku aiklabi bal iwbia Saion ilka purara.

Aiseya 8:4

Tukta ba kau ‘papiki’, ‘mamiki’ aisaras ba ra, Damaskus, Sameria wal dukia kukanka nani sut ba, Asiria kingka mita dakbi brih wan kabia.”

Emus 6:4

Elepant napa ni paskan krikrika nani purara yapisma, wamtla bilara iwaika swapni nani paskan ba purara iwisma, Sîp lupia nani, bîp lupia batanira nani iki pi lilia daukisma;

Emus 9:8

Dawan nakra nani ba Israel kingka tasbaya diara saura dauki ba kat kang kaikisa, bara witin naku aisisa: “Yang baha kingka tasbaya ba sauhki tikamna, ban sakuna Jekob kiamka nani ba lika, sut pali iki tikamna apia. Yang, Dawan, kasak aisisna.