Emus 2:9 - DAWAN BÎLA AISKA

⁹ Âu, man nani ra yamni mai munaia tâwan, yang bui amorreo nani ba sut mamwan wina âpu daukri, kiamka kumi sin swiras, sut pali âpu daukatna, witin nani yalam dusa baku tara pali pâwan kan, karnika tara sin bri kan usupum dusa karnika ba baku, ban sakuna sut âpu pali daukri.

Emus 2:9 ပူးပေါင်းရင်းမြစ်များ

Blasi Sturka 15:16

Upla kiamka nani kau walhwal aimaki lubia ba kat, masrakam nani ba kli tawi naha tasbaya ra balbia. Kan amorreo nani ai saurka ba sut daukbia, bara klala yabamna ba piua ba kat.

1 Kronikas 1:14

Kenan wina sika Jebús uplika nani bal takan, amorreo nani, gergeseo nani,

Job 18:16

Witin ba lika dus kumi ai wakia nani lâwan, ai tnawa nani sin srawan ba baku sa.

Impakan Sturka 3:8

Bamna yang bal iwri, witin nani ba Idsip uplika nani mihta wina dakbi sakaia; yang bui witin nani ba baha tasbaya wina bri sal sakamni bara tasba tara tasba pain kum ra bri si yabamni, bahara tiala laya bara nasma wal laiwi baku ba. Kenan uplika nani, hitita nani, amorreo nani, ferezeo nani, heveo nani bara Jebús uplika nani iwi ba tasbaya ra.

Impakan Sturka 34:11

“Naiwa lâ nani mai wimna ba alki bris, bara yang lika man nani mamwan wina amorreo nani, Kenan uplika nani, hitita nani, ferezeo nani, heveo nani bara Jebús uplika nani sin sut sakamna.

Aiseya 10:33

Kaiks karnika sut bri Dawanka ba ai karnika ni, dus nani ba batakbia; dus tara purara pâwan nani ba klakbia, tnawa purara pali nani ba mâyara ikan kabia.

Aiseya 5:24

Baha ba mita, dipasta lâwan pauta mita angki ba baku, pauta klauhan mita wahia lâwan nani angki ba baku, man nani sin baku tanis tiwma, dus wakia nani sukwi ba baku tangnika yamhpus taki ba baku. Kan witin karnika sut bri Dawanka lâka ba lulkram bamna, Israel Gâdka holikira ba.

Isikiel 17:9

“Bara yang bîli witin nani ra wis: ‘Dawan naku wisa: Naha wainka kiwka na mâ sâkbia apia, yakal kaina manis bal wakia ba daikbia. Bara mâ nani ba yaka kauhbia; upla wiria bara tâ baikanka wiria wal wakia ba daikbia, bara slaunhka raya nani taki ba sut lâwbia.

Malaquía 4:1

Karnika sut bri Dawanka ba aisisa: “Yua ba aula sa, kubus lapta takan ba baku, prautkira watawikira nani ba sut twi lâwan baku pauta klauhan kum ra ambia. Baha yua aula ba mita angki witin nani sut âpu daukbia.

Kulki Kaikanka 32:13

Bamna Dawan bui Israel luhpia nani ra lawi daukan, 40 mani upla iwras tasbaya ra wapi tauki kan, Dawan mapara saura daukan nani ba sut prui tiwan ba kat.

Kli Smalkanka 1:28

¿Nanara, yawan na anira waia? Wan tasbaya luhpia nani wan wisa baha tasbaya ra waitna kau karnakira nani bâra sa, witin nani sin kau yari yawan wal; tasbaya nani kir ba tawan tara nani bâra sa, baha sin purara pali kutban sa. Upla nani yari tara Anac kiamka ba sin kaikan bâra sa. Bara baha sut mita yawan sibrin wan kupia lap tiwan.’

Kli Smalkanka 3:11

(King Og baman sika, refaíta nani tila wina takaskan ba; krikrika ba ayan ni paskan, 6 pît bîla yahpika, yarika 14 pît, witin nani kulkanka praiska yawan baha kaikaia Amón tawanka, Rabá ra.)

Jasua 10:12

Dawan mita amorreo nani ba Israel luhpia nani mihta ra mangkan ba ra, Jasua upla nani mawanra bûi Dawan ra aisi, naku win: “Yu lapta, Gabaón purara takaski bâra bas; kati, Aialón langnika purara takaski bâra bas.”

Jasua 3:10

Dawan rayakira ba man nani tilamra bâra ba tânka man nani naku brima, man nani awala lui auma ba tâmra witin wabia, bara Kenan uplika nani ba, hitita nani, heveo nani, ferezeo nani, gergeseo nani, amorreo nani bara Jebús uplika nani ba sut munka plapbia.