Daniel 9:16 - DAWAN BÎLA AISKA

¹⁶ Dawan, yang nani kaikisna man ba kupiam yamnikira pali sma. Bamna mamkabisna kupiam wilin kaka lawankam ba Jerusalem pura wina sâks, kan baha ba man tawankam sa, bara man ilkam holikira sa. Upla sât wala nani wan tawanka tnaya ra iwi nani ba kiki banhwisa Jerusalem ba dukiara, bara uplikam nani ba dukiara sin, yang nani bara wan almukka nani wal saurki ba mita.

Daniel 9:16 ပူးပေါင်းရင်းမြစ်များ

Nihimaya 9:8

Kaikram witin ba waitna kum man ra kasak luki kan, bara man bui witin wal aisi lâ daukram: Kenan uplika nani, hitita nani, amorreo nani, ferezeo nani, Jebús uplika nani bara gergeseo nani tasbaya ba, witin ra bara ai kiamka nani ra sin yabaia wiram; bara man lâ aisi daukram ba bîlam kat daukram, ¡kan man kasakkira sma ba mita aisisma ba kat daukisma!

Lawana Nani 143:1

Dawan, puri sunra ba wals; yang makabisna ba kiamam ra wals, pana ai aisas, ¡kan man sika kasak bara kasakkira sma ba!

Lawana Nani 31:1

Dawan, yang lika man ra yukuwaiki watla briaia plikisni; ¡bamna ai swipara, swiri daukpara! ¡Swaki ai sakan kaia lâka ra ai laks, kan man ba kasakkira sma bamna!

Lawana Nani 41:13

¡Dawan ba yamni pali kabia, witinka Israel Gâdka ba, nanara bara ban kaia ra sin! ¡Baku kabia!

Lawana Nani 71:2

¡Man pri ai sâks, bara swaki ai sâks, kan man sika kasakkira sma ba! Puri sunra na wali bara swaki ai sâks.

Lawana Nani 79:4

Wan lamara iwi uplika nani ba, yang nani laiwaska kikisa, wan tnaya kir iwi nani ba sin kikisa.

Lawana Nani 85:4

Gâd bara wan Sasakra, ¡nanara sin swaki wan sâks bara ban yang nani wal lawi kapara!

Lawana Nani 89:51

Man Dawan, ¡waihlam nani ba baku saura wan wisa! ¡Baku saura wisa bâk sakram nani ba taukanka ra!

Impakan Sturka 20:5

Baha nani mawanra bawpara, mayunra sin dauki yapara. Yang sika man Dawan Gâdkam, nini tâwan lalawra sni, baha nani misbara ai kaiki banhwi nani ba bîlam kaiki kamna. Walpa tara kum purara, man walpa bara prukma ba ra, luhpia nani ra, mulika nani, snawika nani kat sin klala yabisna bamna.

Aiseya 5:25

Baha ba tâwan, Dawan kupia baiwanka ba ai uplika nani mapara sakan bara witin nani mapara ai mihta sakban bara klala yan. Il nani ba tatatban, ai pruanka nani ba dipasta baku yabal lila kat lulki swin. Sakuna baha sut ba mita, ai kupia baiwanka kau takaskras kan; ai mihta ba kau ban sakbi brisa.

Jirimaya 24:9

Yang daukamna witin nani ba diara saura kaikaia, sirang wan iki ba daukamna, nisan nani sut tasba ra baha kaikbia, mâyara batakaia patrangka kum kabia, saura kulkan bara lahtuban kuntri bani ra yang mita yakabri ba.

Jirimaya 29:18

War ni, sanglang ni, siknis ni yang bui witin nani ra blikaisna. Yang daukamna nisan nani sut ba mita witin nani ra diara saura kaikan wan daukras dukia baku daukamna, lahtuban swira daukan patrangka kum kaia daukamni, diara kum sirang wan iki sibrin wan dingki ba baku daukamni, nisan nani bani kaikbia witin nani ra yakabamna ba.

Jirimaya 32:31

Naha tawanka paskaia buan ba yua wina naiwa yua kat, witin nani diara dauki ba yang kupi sauhkaia, bara yang lawaia dukia baman daukisa. Baha mita witin nani ba âpu daukaisna,

Jirimaya 32:32

witin nani naha daukanka nani sut dauki kupi sauhkan ba tâwan, Israel luhpia nani, Juda uplika nani, ai kingka nani ba sin, tâ bri uplika nani ba, prîska nani ba, prapit nani ba, upla sut Juda ra bara Jerusalem ra iwi ba âpu daukamna.

Isikiel 22:4

Iki yakabram nani ba tâka pâtkira sma, bara aidul nani paskram ba wal tâski takram; yabram awarkam ba kau lamara balan, bara yabram yuam tnata balan. Baku bamna, yang yabrika tawan nani ba mai lahtubia, bara nisan nani sut lamwaska kikbia.

Isikiel 5:14

Yang mita mai daukamni, diara sauhki tikan yuyaka nani ailal ba baku, Jerusalem; swiram mai daukamni tawan nani kir mai bri ba sut mawanra, baku bamna upla sut mai kaikan kabia bâk lui nani ba.

Daniel 11:45

Ai tintka watla ba bapan kabia kabu ba wina Tasba Pranakira ilka holikira ba kat. Sakuna baha pali kat, witin pruaia awarka ba aimakbia, upla âpu kabia witin ra hilp munaia.

Daniel 9:20

“Yang ban puri suni kapri bara saurki nani dukiara aisi katna, upliki Israel luhpia nani dukiara sin, Dawan Gâdki ilka holikira ba dukiara makabi katna.

Joel 3:17

“Baha yua ra man nani kaikma, yang Dawan, man nani Gâdkam sna ba, yang Saion ra iwisna, ilki holikira ba ra. Jerusalem ba tawan holikira kum kabia; nisan nani bal kli pura lui dakbi bribia apia.

Sakaraya 8:3

Yang kli Jerusalem ra waia sna bahara iwaia. Bara tawanki nina ba Tawan Kasakkira mâkan kabia, Dawan, karnika sut bri ba ilka nina ba Holikira mâkan kabia.

2 Tesalonaika 1:6

Baku bamna, dîa aitani ba kat Gâd daukbia, man nani ra maikan pât wahwisma uplika nani ra, witin yaka pât wauhbia,

1 Jan 1:9

Sakuna Gâd ra wan saurka nani dahra sâkbia kaka, yawan sip sa kasak luki kaia, diara kasak ba witin daukbia; wan saurka nani sut swih tikbia, bara wan watawanka lâka sut ba wina sikbi klin wan sâkbia.

1 Samuil 2:7

Dawan bui umpira wan daukisa, yuyakira sin wan daukisa, wankan kauhisa bara wan bukisa.