Daniel 8:13 - DAWAN BÎLA AISKA

¹³ “Baha ningkara walri insal kum aisi kan, bara insal wala kan ba ra makabi walan: ‘¿Ahkia kat tnata alkan kabia ki, naha yu bani sakripais daukaia altar ra daukri ba, yawan kaiki na? ¿Naha saurka na ahkia kat kabia, Gâd wal aisaia watla bara kristian nani sin mihta ra mangkan ai mina ni taibi ba?’

Daniel 8:13 ပူးပေါင်းရင်းမြစ်များ

Lawana Nani 74:10

Man Gâd, ¿ahkia kat wan waihla nani ban saura wan muni kabia ki? ¿Bara ahkia kat, witin nani ba mampara saura aisi ba swibia ki?

Lawana Nani 74:9

Yang nani sainki holikira kata ba, kli kaikras; prapit nani kata ba, nanara kumi sin âpu sa, yang nani sin kaiki banhras sna, ahkia kat kau bâra kabia sapa.

Lawana Nani 79:5

Man Dawan, ¿ahkia kat kau lawi kama? ¿Ban kau lawi kama pauta klauhi ba baku?

Aiseya 28:18

Man nani prura wal lâ daukram ba bahki ra lakan kabia, bara man lâmka ba, prura kingka tasbaya ba wal bahki ra tawbia. Klala saura balbia bara man nani puramra taibia.

Aiseya 6:11

Bara yang bui witin ra makabi walri: “¿Ahkia kat kabia, Gâd?” Witin pana yang ra ai win: “Tawan tara nani ba bîla man, upla iwaika sin âpu takbia ba kat utla bilara upla âpu kabia; bara tasba ba sin upla iwras tasbaya baku bîla man takbia ba kat.

Aiseya 63:18

¡Man uplikam holikira nani ba, piua prahni baman ai kuntrika dawanka takan! Yawan wan waihla nani ba tempelkam ba ai mina ra taiban.

Aiseya 9:6

Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

Jirimaya 12:10

Waihla nani ailal wihtka nani ba mita wainki awa nani ba sauhkan, naisla ba ai mina ni uli taiban. Yang want pali kapri tasbaya ba witin nani mita upla iwras tasbaya dauki bîla man swin.

Daniel 11:31

‘Suldiar nani bui tempel ba sauhki tiki bahki kulkan, baha karnika ba sin yu bani Gâd ra sakripais yaia lâka ba kli daukbia apia win, baha watlika ra saura lâka ni daukbia lâ mangkan.

Daniel 12:11

Yu nani 1,290 ba lubia, yu bani daiwan wîna sakripais dauki Dawan ra yaia ba takaskbia, saura lâka kabia Dawan tempelka ra daukbia ba.

Daniel 12:8

“Dîa aisi kan ba walri, sakuna tânka lika briras katna. Bara makabi walri: ‘Wihtki, ¿naha diara nani ningkara dîa takbia ni?’

Daniel 4:10

Krikriki ra aitniki katna bara naha diara aihka sika kaikri ba: ‘Tasba ba lilapas ra dus yari pali kum kaikri.

Daniel 4:13

‘Diara aihka kaiki kapri ba piua ra, tisku kan tawan ra aihwawakra insalka kumi kasbrika pura ba wina bal iwan,

Daniel 4:23

Bara king, man kaikram aihwawakra insalka holikira kum kasbrika pura ba wina bal iwan bara naku aisin: Baha dusa ba tasba ra bataks bara sauhki sin tiks, sakuna ai plamaya bara ai wakia nani ba wal ban tasba ra swis, bara ayan kiwka ni bara bras ni wilks, bara twi ra ban swis inma nani tilara diwas laya ba kauhbia ai purara, 7 mani twi daiwan nani wal inma baman pi kabia.

Daniel 7:16

Bahara ai mina ra bûi kan ba kum lamara wari, bara makabi walri baha diara nani ba tânka wirâ ai wibia, witin âu takan ai wiaia, bara ai win:

Daniel 7:23

Bara win: ‘Daiwan tara walhwalka ba sika king tasbaya walhwal naha tasba ra kabia ba, bara wala nani sut wal kau sât aihka pali sa, bara tasba aiska ba pibia, ai mina ni taibia bara sin langkbia.

Daniel 9:27

Kau wik kum ba bilka ra, upla ailal aikuki lâ kum daukbia, sakuna wik kum ba bilka ra sakripais daukaia ba bara diara mana luha yaia lâka ba, kli daukan kabia apia wibia, tempel lâka ba sauhkanka tara bara diara saura daukan kabia, diara angki daukaia pliska mawan ba kat, sauhki tikaia piua ba aimakbia bara Gâd mita lâ lui sasauhkra ba purara kauhbia ba kat.’ ”

Sakaraya 1:19

Bamna insal yang wal aisi kata ba ra makabi walri, aringka nani ba dîa tânka sapa, bara witin ai win: “Baha aringka nani ba sika, baha uplika karnakira nani ba, witin nani mita Juda, Israel, Jerusalem uplika nani sut, tasbaya wina kangbi sakan bara tasba aiska ra wan ba.”

Sakaraya 14:5

Bara man nani baha ilka nani langnika bîla taki plapma tnaya wala ba kat, langnika ba Asal kat auya bamna. Ozías king aimaki kan piua ra, tasba nikban bara damikam nani plapata ba baku plapma. Bara Dawan Gâdki ba witin ai uplika kasakkira nani ba wal aikuki balbia.

Matiu 11:27

“Yang Aisiki mita diara nani sut mihti ra mangkan sa. Upla kumi sin Luhpia ba pain pali kaikras, Aisa ba baman; bara Aisa ra upla kumi sin pain pali kaikras, Luhpia baman, bara ya ya Luhpia mita marikaia luki nani ba sin.

Matiu 24:15

“Prapit Daniel ulban diara tâski ban swin tiwi ba dukiara; man nani naha na plis holikira ra balan sa kaikma ba ra —ya aisi kaiki ba, tânka pain bri kabia—,

Mark 13:14

“Man nani saura tâski lâka ra kaikma naha pliska baku kaia apia kan ba —ya aisi kaiki ba, tânka bribia—, baku bamna Judia ra nani ba il nani ra plapbia;

Luk 10:22

“Diara nani sut na Aisiki mita yang ra atia aikan sa. Upla kumi sin Luhpia ba kaikras, Aisiki yakan mika; bara upla kumi sin Aisa ba kaikras, Luhpia baman bara baha nani Luhpia mita yarka kakaira takaia want ba baman.”

Luk 21:20

“Ani piua Jerusalem tawanka ba suldiar nani mita kutbi bri kabia ba ra, damra wali bas, sauhki tikan kaia ba baila sa.

Luk 21:24

Upla tila nani war ra pruan kabia, bara wala nani ra lika priski brih wan kabia plis wala nani ra; bara Ju apia nani mita Jerusalem ba ai mina ni taibia, piua mangkan ba tnata alkbia ba kat.

Jan 1:18

Upla kumi sin Gâd ba kaikras pali sa, sakuna ai Luhpia kumi baman, witin sika Gâd, Aisa lama pali kat wal asla iwi ba, witin mita sika Gâd tânka ba wan marikan.

Kli Smalkanka 33:2

naku natka ra: “Dawan ba Sainai ilka wina aula; Seír wina yawan ra ingwan. Parán ilka nani wina ingwan bara Meribá-cadés wina ban kitwisa; ai aihkika ra pauta klauhan lâ ba brih yawan ra aula.

1 Tesalonaika 3:13

Dawan mita kupiam nani ba karna daukbia, bara man nani ba wan Aisa Gâd mawanra, holikira bara pât âpu banhwi kama, wan Dawan Jisas ai uplika sut aikuki balbia ba ra. Baku kabia.

Hibru Nani 10:29

Bamna, Gâd Luhpia ra ai mina ni taibi uplika ba, bara tâlia ra bahki kulki ba, bara kupia yamni Spiritka ra sin saura muni ba mapara, ¿nahki kabia ki? ¡Man nani luki kaiks nahki witin ba kau klala saura pali briaia ba! Kan baha tâlia mita sika lâ daukan ba karna saki ba, bara baha ni sin uplika ba holikira daukan sa.

1 Pita 1:12

Sakuna Gâd mita baha prapitka nani ra latan marikan ai warkka ba; witin nani ai dukia lika apia kan, sakuna yawan wan dukia kan ba. Bamna nanara, naha sim dukia sika man nani ra maisam pakan ba. Sturi yamni bîla twatwilkra nani, witinka nani Spirit Holikira kasbrika pura wina blikan ba karnika ni aisan ba mita, naha kasakka sturka nani mai win sa. Naha dukia nani lika insal nani pali sin tânka ba kaikan daukisa.

Judas 1:14

Bamna Henoc sin, naha sika Adam wina matlalkahbi pura kumika ba, witin lika Gâd dahra aisi, baha dukiara naku win: “Yang kaikri Dawan aula kan, ai insalka nani tausin ailal nani wal

Param Marikanka 11:2

Sakuna tempel kutbanka painkira latka ba tani lika kulkpara, kan baha ba upla tringsar nani mihta ra mangkan sa, bara witin nani tawan holikira ai mina ni taibi bribia kati 42 prais.

Param Marikanka 6:10

Naha nani ai bîla baikra karna wini kan: “Dawan, man holikira sma ba bara kasak kat pramis daukisma ba, ¿ahkia kat man ba lâ daukma naha tasba ra iwi nani ra, bara pana ikma wan pruanka nani ra?”

Wihta Nani 13:18

Sakuna insal ba kli witin ra win: —¿Man dîa kan nini ba walisma? Yang nini tânka ba sika dahra prakan tânka kum sa, aihkakira sin.