Daniel 8:11 - DAWAN BÎLA AISKA

¹¹ bara ban sin war aiklaklabra lalka ba wal kau tara takan, witin yu bani sakripais dauki kan watla kata ba dakban, bara ai gâdka mayuni kan ba tâski daukan.

Daniel 8:11 ပူးပေါင်းရင်းမြစ်များ

Aiseya 37:23

¿Ya ninara saura aisi lawaska kikram? ¿Baku sin ya mapara bîlam karna saki aisaram bara Israel sunukira Gâdka mapara namkra nani ba pura kat bukram?

Aiseya 37:29

Bara kupiam sauhkram ba kaikisni, praut takram ba sin, bara diara krukma kum kakmam ra klauhbi mangkaisna, bara unam mangkaika sin, baku kli mai lakrika wama ani yabalka balram bâk.”

Jirimaya 48:26

Man nani Moab ba yas bla takbia, kan Dawan mapara buan ba tâwan. Baku bamna Moab ba witin aikabi baha ra karwi kabia bara upla sut witin ai lawaska kikbia.

Jirimaya 48:42

Moab nisanka ba tiwbia, kasak maipara buan, Dawan mapara buan bamna.

Isikiel 46:14

Baku natka ra, titan bani Dawan ra prisant brih balbia, batil matlalkahbi pura kum barli baku, bara batana batil kum, plawar ba purara laikbia. Naha daukaia lâka na piua bani ra dauki kaia sa.

Daniel 11:22

Ai karnika dîa bri ba sut lika âpu daukan kabia, baha purkara wal lâ daukan lalka ba ikan kabia.

Daniel 11:31

‘Suldiar nani bui tempel ba sauhki tiki bahki kulkan, baha karnika ba sin yu bani Gâd ra sakripais yaia lâka ba kli daukbia apia win, baha watlika ra saura lâka ni daukbia lâ mangkan.

Daniel 12:11

Yu nani 1,290 ba lubia, yu bani daiwan wîna sakripais dauki Dawan ra yaia ba takaskbia, saura lâka kabia Dawan tempelka ra daukbia ba.

Daniel 5:23

Kau ni mapara sma, man king, Gâd Laih Purara iwi ba lawaska kikram sa, tibilkam ra brih balbia paiwram baha kapka sirpi nani bara tara nani Dawan watla ra bri kan ba; bara paiwram uplika nani wal bahara wain laiki dih banhram dawankam nani ra mayunra yaram baha nani gul, silbar, bras, ayan, dus bara walpa ni paskan ba, baha gâd nani sip kaikras, sip walras, bara diara sin tânka briras pali ba. Man mayunras kapram, baha Gâd mihta ra rayakam ba bâra sa, witin mihta ra sa man yabalkam nani sut ba sin.

Daniel 7:25

Gâd Laih Purara iwi ba swira dauki kabia, bara uplika nani ra sin âpu dauki kabia, ban trai munbia Gâd lâka ba lakaia, baku sin Gâd lilia yua tara daukaia ba, Gâd uplika nani ba ai karnika mununhtara kabia mani yumhpa pura bakriki.

Daniel 8:12

Ai lukraska lâka ba mita, war aiklaklabrika nani bara sakripais daukaia ba wal mihta ra mangkan, kasakka lâka ba tasba ni yakaban. Dîa daukaia lukan ba kat daukan, bara yamni sin takan.

Daniel 8:24

Karnakira pali takbia, sakuna witin pali ai karnika ni lika apia, uya pali sauhki tikan kabia, bara diara sut daukbia ba yamni takbia. Waitna karnakira nani ba âpu daukbia, baku sin Gâd uplika nani ailal ra.

Daniel 8:25

Ai âuya mâira lâka bara ai kuninka lâka ba mita pura luan lâka bribia, praut lâka ni aibanhwan takbia, upla ailal witin ra kasak luki ba sut rayaka tikan kabia, king nani kingka luhpia mapara bubia, sakuna witinka ba bui âpu daukan kabia.

Daniel 9:25

Naha na kasak pali tânka brin kaia sa: Baha adar maikbia ba wina, kli tawi aidrubi balbia bara Jerusalem ba kli paskan kabia, baha wan wihtka tara ba balbia ba kat, wik nani matlalkahbi luan kaia sa, bara yabal nani Jerusalem tawan kutbanka nani ba kli raya paskan kabia, sakuna 62 wik lubia ra, sari lâka tara piua nani kabia.

Kulki Kaikanka 28:3

“Naha sin witin nani ra wis, naha prisantka nani na yu bani angki aiki kaia sa, ai piua kat, yamni ai kulki ba lâka ra, sîp lupia wâl taya watawan âpu ba.

Luk 21:24

Upla tila nani war ra pruan kabia, bara wala nani ra lika priski brih wan kabia plis wala nani ra; bara Ju apia nani mita Jerusalem ba ai mina ni taibia, piua mangkan ba tnata alkbia ba kat.

2 Tesalonaika 2:4

Naha sika waihla kum, diara sut Gâd nina bri ba mapara bûi ba, baku sin pura suni mayunaia tânka bri ba mapara buisa. Bara ban sin Gâd tempelka ra dimi iwisa, Gâd kan baku, bara witin pali ba Gâd wisa.

Hibru Nani 2:10

Diara sut ba Gâd dukia nani sa, bara witin mita sin paskan sa; bara Gâd want sa ai luhpia nani sut ba ai prana ra ai dukia bri kabia. Baha mita, pât wahwan bâk, Gâd mita Jisas Kraist ba aiska aihwa daukaia kan, Jisas sika witin nani Sasakrika bamna.

Param Marikanka 17:14

Witin nani Sîp Luhpia ba mapara aiklabi kabia, sakuna Sîp Luhpia ba witin nani pura lubia; kan witin ba Dawan nani dawanka sa, King nani kingka sin, bara witin wal nani ba lika, Gâd mita paiwan sa bara wahbi sakan sa, bara kasak sin banhwisa.”