Daniel 7:20 - DAWAN BÎLA AISKA

²⁰ Baku sin tânka briaia brin ai dauki kan aringka matawalsip bri kan ba; bara aringka sirpi ba nakra nani bri kan, bara diara tara nani aisi kan, ban kaikan kata aringka wala nani sut ba wal kau tara baku kan, bara baha ba wala watlika yaia dukiara aringka yumhpa sin kauhan kata.

Daniel 7:20 ပူးပေါင်းရင်းမြစ်များ

Daniel 7:11

“Bamna yang ban kaiki kapri, aringka sirpi ba ai bîla saki diara tara nani aisi kan ba mita, ban kaiki kapri, daiwra saura ba ikan, bara ai wîna ba pîs pîs ra dauki pauta ra mangkan amaia.

Daniel 7:19

“Yang bui daiwan tara walhwal ba kau tânka brin ai dauki kata, kan baha kau sât aihka pali kata wala nani sut ba wal, kan ai mawan ba saura pali kata, ai napa nani ba ayan kata, ai asmala nani ba bras kata, sut ra pi kan bara pîs ra baman dauki kan, kau tâka ba ai mina ni taibi kan.

Daniel 7:21

Bara kaikri baha aringka ba, Gâd uplika nani mapara aiklabi kan sin pura lui kata;

Daniel 7:23

Bara win: ‘Daiwan tara walhwalka ba sika king tasbaya walhwal naha tasba ra kabia ba, bara wala nani sut wal kau sât aihka pali sa, bara tasba aiska ba pibia, ai mina ni taibia bara sin langkbia.

Daniel 7:7

“Daiwan saura tara walhwalka kaikri ba lika saura sibrinkira pali kata, karnakira pali kata. Ai napa nani ba ayan baku bri kata, sut ra pi âpu sin dauki kan, kau tâka ba ai mina ni taibi kan. Baha daiwra ba ai lal ra aringka matawalsip bri kan.

Daniel 7:8

“Kau yang aringka nani ra kaiki kapri, aringka nani tila ba wina aringka sirpi kumi urhwi takan, aringka nani ba wina yumhpa daiki sakan kata wala bal takuya ba dukiara, baha ba upla nakra nani baku bri kan, bara ai bîla ni diara tara nani aisi kan.

Param Marikanka 12:3

Baha ningkara kasbrika purara sain wala kum takan: Baha ba dragun pauni kum kan, ai lal 7 bri kan, aringka matawalsip bara ai lal bani purara sin kraun kum.