Daniel 6:17 - DAWAN BÎLA AISKA

¹⁷ Daniel layan nani watla ra kan wal baku, walpa kumi bri sal layan watla ba pura prakan, bara king ai sîlka ba ni prakan, bara ai tasbaya wihtka tara nani sîlka ba sin prakan, baku mika Daniel ra takan tânka ba ban swin kaia apia ba mata.

Daniel 6:17 ပူးပေါင်းရင်းမြစ်များ

Job 5:19

Kli kli pât wina dakbi mai saki kabia, bara ban saura ba swika ban man ra mai alkbia apia.

Jirimaya 38:5

Bara king Sedequías pana witin nani ra win: —Aisaram ba aitani, bamna man nani bui witin ra dîa munaia lukisma ba dauks. Man nani mampara yang diara daukaia sip apia sna.

Inanka Nani 3:53

raya kapri liwanhta kum ra ai bikan bara walpa tara kum purira yakabi ai bikan.

Apastil Nani Sturka 12:4

Bamna Pita ba alki priskan ningkara, witin ba Herod mita silak ra mangkan. Bahara suldiar daknika walhwal aihwaki kan, dakni bani ra suldiar walhwal kata. Witin luki kan Insal luan Yua Liliaka ba lubia taim, upla nani mawanra sakaia.

Param Marikanka 20:3

Tihu tara ra lulkan, bara bahara durka praki baha purara sîl mangkan, bara baku nisan nani ra kau kunin munbia apia dukiara, mani 1,000 ba lubia kat. Mani 1,000 ba lubia ningkara, witin ba lanhkan kaia sa piua wiria baman.