Daniel 6:12 - DAWAN BÎLA AISKA

¹² Ningkara witin nani king ra wan lâ mangkan ba dukiara aisaia, bara aisi banhwan: —King, man lâ kumi dauki wan maisa pakram, bara baha lâka ba naku daukan sa: ani uplika naha yu 30 na ai gâdka ra sapa, yaura sapa ai pura sunbia ba, king ra lika apia, baha uplika ba layan nani watla ra lulkan kabia. ¿Baha ba kasak sa apia? King ba bui pana win: —Âu, baku pali sa, bara baha lâka ba daukan kaia sa, Media bara Persia wal lâka ba kat, lâka ba lakan kabia apia.

Daniel 6:12 ပူးပေါင်းရင်းမြစ်များ

Ester 1:19

Baku bamna, king tara ba aitani lukisa kaka, yamni kabia naha dukiara lâ kum ulbi mangkaia, Persia bara Media wal lâka nani ba tilara, bara lâka ba sin krikan kaia apia sa: ‘Vasti ba aima kumi sin kli king Asuero mawanra balbia apia.’ Bara sin kau kanra yamni pali kabia, witin wal kau mairin kasak ba king ai maya briaia.

Daniel 6:15

sakuna baha waitnika nani kli king ra wih, naku win: —King, man kasak pali kaikisma, Media uplika nani bara Persia uplika nani lâka ra diara kum mapara aisisa kaka, apia kaka lâ kumi ra king ai nina ulbi mangkan ba, sip apia sa krikaia.

Daniel 6:8

Baku bamna, king tara, naha lâka na aitani kulki ninam uls, naha lâka na slingban kabia apia dukiara. Media bara Persia wal lâka ba kat dauks, lâka na krikan kabia apia dukiara.

Apastil Nani Sturka 16:19

Sakuna tukta mairin dawanka nani kaikan, nanara witin nani sip kli witin bâk lalah sâkbia apia, bamna Pal bara Silas wal ra alki lilia dauki taukaia pliska ra bri si, wihta nani mihta ra mangkan.

Apastil Nani Sturka 16:24

Silak watla main kakaira baha adarka brin ba ra, Pal bara Silas wal ba silak watla bîla un pali tani kat bri si, mina nani sut dus unta daukan ba ra dingki priskan.